Roman 3:27 - DAWAN BÎLA AISKA

²⁷ Bamna, ¿anira sa ki upla witin baman sa luki ba Gâd mawanra? ¡Âpu daukan sa! ¿Dîa kan baku daukisa? Lâ dîa wan win ba kat daukan ba mita lika apia, sakuna yawan kasak lukan ba mita.

Roman 3:27 ပူးပေါင်းရင်းမြစ်များ

Sofonías 3:11

Baha piua ra, tawanki, man lika yang maipara bûi diara saura nani daukram ba, baha dukiara man nani swiram lukma apia. Man nani tilam wina prautkira pura luan dauki nani ba sakamni, bara yang ilki holikira ra, man nani kli pura luan lâka daukma apia.

Mark 16:16

Ya kasak lukbia ba, tahbi daukan kabia, witin lika swaki sakan kabia; sakuna ya kasak lukras kaka, witin pât ra lulkan kabia.

Jan 3:36

Ya Gâd Luhpia ra kasak luki ba, raya ban kaia lâka ba brisa; sakuna ya Gâd Luhpia ra kasak lukaia apia wi ba, sip baha rayaka ba bribia apia, sakuna Gâd klalka saura pali ba bribia.

Roman 10:5

Moses lâka bâk Gâd mita pâtkas kulkisa kaka, Moses mita naku ulban: “Ani uplika lâ ba kat pain daukisa kaka, witin lâ ba mita raya kabia.”

Roman 11:6

Bamna Gâd latwanka lâka ba mita sa kaka, nanara upla mita dîa daukaia sip yaba tâka mita lika apia; kan upla dauki ba mita kaka, baha lika Gâd latwanka ba kasak pali latwan lâka tânka apia sa.

Roman 2:17

Bamna man wisma, man ba Ju, bara Moses lâka ba kat alki daukisma, Gâdkam ba dukiara tara damra walisma.

Roman 2:23

Man lika lâ ba dukiara uya mamyunisma, sakuna Gâd swira ni paskisma, kan dîa lâ wi ba kat daukras sma ba mita.

Roman 3:19

Nanara yawan kaikisa, diara sut lâ wauhkataya ra aisi ba, baha lika baha lâka mununhtara banhwi ba nani dukiara aisisa, baku mika upla sut ai bîla prakan kabia, bara upla sut Gâd lâ dauki ba mununhtara kauhi banhwan kabia;

Roman 3:26

Baha ba tânka nanara upla nani ra marikaia, Gâd lika kasakkira pali sa, bara kau ban kasakkira kabia, ya ya Jisas ra kasak luki ba kasakkira kulki ba mita.

Roman 4:2

Ebraham wark daukan ba tâka wina Gâd mita kasakkira kulkan sa kaka, witin baman sa lukaia, kuna Gâd mawanra lika apia.

Roman 7:21

Baku ba mita, naha yang ra takisa: ani piua ra diara pain daukan ai dauki ba ra, diara saura baman yang wîni ra kaikisni.

Roman 7:23

kuna yang wîni tara ra diara aihka kum kupi brinka ba mapara aiklabi kan kaikisna; baha sika saurka lâka yang wîni ra bâra ba mita silak ra ai mangki ai bri ba.

Roman 7:25

Baha ba lika Gâd baman sip sa, wan Dawan Jisas Kraist bâk. ¡Gâd ra tingki kabia! Baha mita, kupi aiska ni Gâd lâka ba ra dimi auna, kuna wîni tara ba tani lika saurka lâka albika sna.

Roman 8:2

Jisas Kraist ra raya kaia spiritka lâka ba mita, pri wan sakan sa saurka lâka ba prura lâka ba wina.

Roman 9:11

sakuna baha tuktika waitna wâl ba kau aisubi takras kan, bara witin nani mita diara pain, apia kaka diara saura sin kau daukras kan ba ra, Gâd bui Rebeca ra win: “Luhpiam almuk ba ai muihni sirpi ba dukia daukbia.” Naha na sin Ulbanka dîa aisi ba kat sa: “Jekob ra latwan kaikri, kuna Isau ra lika misbara kaikri.” Bamna Gâd mita ani ba bâk saki briaia kan ba baha kat ban swin, ai kupia brinka ba kat, yaura witin mita paiwaia luki ba, dîa dîa witin nani daukan ba kulkras pali.

Roman 9:31

Sakuna Israel luhpia nani lika, witin nani lâ lat daukaia kumi nina bliki kan Gâd mawanra yamni kulkan kaia kan ba, bara witin nani ra baha lâka kat mita sip yamni kulkras.

Roman 9:32

¿Dîa kan? Kan witin nani lika kasak lukan lâka bâk kasakkira kulkan lâka ba plikras kan, sakuna witin nani mita dîa dauki kan ba bâk ni plikan. Baha mita “mina prukaia walpaya ra” ai mina pruki kauhi banhwan,

1 Korint 4:7

Bamna, ¿man ba ya mita upla wala nani purkara kau tara mai daukan sa ki? ¿Diara nani brisma ba sut, Gâd bui maikras kata ki? Bara witin bui maikan kaka, ¿dîa kan tara pulisma, diara nani brisma ba man mita saki briram kan baku?

Galesha 2:16

Ban sakuna, yawan pain kaiki, Moses lâka wan wi ba kat dauki mita baman Gâd mawanra sip kasakkira wan kulkras sa, Jisas Kraist ra kasak luki ba mita lika. Baha mita, yang nani sin Jisas Kraist ra kasak luki banhri, naha kasak lukan lâka mita kasakkira ai kulkan kaia dukiara, lâ mita dîa ai wi ba kat dauki banhri ba mita lika apia. Kan lâ bîla wali dauki ba dukiara baman upla kumi sin, Gâd mawanra kasakkira kulkan kabia apia.

Galesha 3:22

Sakuna Ulbanka ba wisa, sut lika saurka mita priski silak ra brisa; naha na naku sa, ya Jisas Kraist ra kasak lukbia ba, sip sa Gâd bui dîa pramis munan ba briaia.