Roman 2:9 - DAWAN BÎLA AISKA

⁹ Baku bamna, saura dauki nani ba mapara pât wahwaia lâka bara latwan wahwaia lâka sin bâra kabia, baha lika Ju nani ra pas, bara baha ningkara Ju apia nani ra sin.

Roman 2:9 ပူးပေါင်းရင်းမြစ်များ

2 Kronikas 6:23

man kasbrika purara pali ba wina wali kama bara dîa ba daukma bara albikam nani lâka ba kasak lâka ra daukma, pâtkira ba pâtka yama, bara ai daukanka ba ai lal purara batakma, kasakkira ba kasak kulkma, ai kasakka lâka mana kat yama.

Lawana Nani 32:10

Watawikira nani pât ailal wahwi kabia; sakuna Dawan kat luki tniwi uplika nani ba, Dawan ai latwanka lâka ba ni uplika ba kir kutbi bribia.

Sins Lâka 11:23

Kasakkira nani brin dauki ba lika yamni man sa, kuna watawikira nani ai kanra bîla kaiki ba lika, kupia baiwanka baman.

Isikiel 18:4

Upla nani sut ba yang duki sa, aisika bara luhpia baku, ya saurka daukbia ba prubia.

Isikiel 22:31

Baku bamna, yang klalki witin nani purara bri balri, bara yang sauhki tikri kupi baiwanka ba wal, yabrika ai daukanka dukiara aisabia. Yang, Dawan, kasak aisisna.’ ”

Emus 3:2

“Upla kiamka sâtka nani tasba aiska ra bâra ba tila wina, man nani baman ra bâk mai saki mai briri sa. Baku bamna, man nani saurka nani daukram ba sut tâwan, klala maikaia kamna.”

Matiu 16:26

¿Bamna upla mapara dîa hilp kabia ki tasba aiska na bribia, sakuna ai sulka ba tikbia kaka? ¿Upla ba ai sulka mana nahki aibapaia sip sa ki?

Luk 24:47

bara ai nina ba nisan nani sut ra aisi smalkan kabia, Jerusalem ba wina tâ krikaia baha nani ra sin wiaia, ai saurka nani ba wina ai kupia lakbia, bara baku mika ai saurka nani ba sut swin tikan kabia.

Apastil Nani Sturka 11:18

Bara wan muihni nani Jerusalem ra nani ba naha sturka walan ba ra, mapara aisi kata ba sâp takan, Gâd ra ni mayuni, naku win: —Baku sa kaka, Gâd mita Ju apia nani ra sin sans yaban ai kupia lakaia, bara raya ban kaia lâka briaia.

Apastil Nani Sturka 13:26

“Muihki nani, Ebraham kiamka nani sma ba, bara Ju apia nani Gâd ra sibrin luki banhwisma ba sin: man nani sut dukiam sa naha swaki sakan lâka sturka na.

Apastil Nani Sturka 20:21

Ju nani ra bara Ju apia nani sut ra smalki kapri, ai saurka nani ba wina ai kupia lakbia Gâd mawanra, bara kasak lukbia Dawan Jisas ra.

Apastil Nani Sturka 26:20

Bamna yang pas Damaskus ra sturi yamni ba smalkri, ningkara Jerusalem ra, Judia tasbaya aiska ra, bara Ju apia nani sut ra sin. Witin nani ra wîri ai saurka ba swi si Dawan ra tawbia, ai kupia lakan warkka tânka ba sin marikbia.

Apastil Nani Sturka 28:17

Witin balan wina yu yumhpa luan ningkara, Rom ra Ju tâ uplika nani bâra ba sut pali Pal mita paiwan. Witin nani bal asla takan ba ra, Pal bila: —Muihki nani, yang pali mita Ju lâka nani mapara, bara wan damika nani lâka nani ba mapara diara saura kumi sin daukras, ban sakuna Jerusalem ra ai alki silak ra ai mangkan Rom nani mihta ra.

Apastil Nani Sturka 28:28

Man nani kaiki bas, nahki naiwa wina naha swaki sakan lâka na Gâd mita prisant baku yabisa Ju apia nani ra, bara baha nani mita lika pain walbia.

Apastil Nani Sturka 3:26

Bamna Gâd ai Luhpia Jisas pruan wina kli bukan ba ra, witin ba man nani ra pas blikan man nani ra yamni mai munaia, man nani kumi bani saurkam nani ba swiaia bara kupiam lakaia.”

Roman 1:16

Sturi yamni smalkanka ba dukiara yang swiri lukras sna, kan baha ba Gâd karnika sa swaki sakaia ya ya kasak lukbia ba, tâura Ju nani ra, bara Ju apia nani ra sin.

Roman 10:12

Bamna Ju nani wihki Ju apia uplika nani ba wal lika sât aihka apia sa; kan Dawan ba lika upla sut Dawanka sa, bamna ani uplika nani witin ai nina mâki wini ba sut ra yabisa.

Roman 2:10

Ban sakuna, yamni dauki nani ra Gâd mita yabia, mayunan lâka, pain kulkan lâka bara kupia kumi lâka sin, Ju nani ra pas, bara Ju apia nani ra sin.

Roman 8:35

¿Bamna ya mita sip sa ki Kraist latwanka lâka ba wina wan dakbi sakaia? ¿Baha daukaia sip kabia ki pât wahwan ba, ban kra trabil nani ba mita, apia kaka rausauhkan lâka ba mita, plun wahwaia ba mita, kwala âpu kaia ba mita, pât wan lamara ba mita, prura mita kra?

Roman 9:24

Bamna Gâd mita wan paiwan, Ju nani tila ba wina baman apia, sakuna Ju apia nani tila ba wina sin.

Galesha 3:28

Bamna nanara lika, Ju kaia, apia kaka Grik kaia, alba kaia, apia kaka pri kaia, apia kaka waitna kaia, mairin kaia tânka ba âpu sa; kan Kraist Jisas wal asla kaia lâka ba mita, man nani sut asla kumi sma.

Kolosi 3:11

Bara nanara kli Grik kaia, apia kaka Ju kaia ba tânka apia sa, Aisa sainka brin, Aisa sainka briras kaia, tringsar kaia, wail baku kaia, pri, apia kaka alba kaia, sakuna Kraist sika diara sut ba, bara witin lika diara sut ra bâra sa.

2 Tesalonaika 1:6

Baku bamna, dîa aitani ba kat Gâd daukbia, man nani ra maikan pât wahwisma uplika nani ra, witin yaka pât wauhbia,

1 Pita 4:17

Lâ daukaia mahka tâ krikaia piua ba balan sa, bara Gâd uplika nani pali sika pas lâka daukan kabia. Bara baha ba yawan ra baku tâ krikuya kaka, ¿tnata ra Gâd sturka yamni bîla wali daukras nani ba mapara nahki kabia ki?