Roman 2:3 - DAWAN BÎLA AISKA

³ Bara man mita upla wala lâka daukisma, kan man sin upla wala dauki baku daukisma bamna, ¿man lukisma Gâd lâ dauki ba wina swak takma?

Roman 2:3 ပူးပေါင်းရင်းမြစ်များ

2 Samuil 10:3

Amón lalka tara nani ba Hanún ra wan: “¿King tara ba kasak lukbia, Debit wina baha waitnika nani blikan ba sarka ba maisa nihkaia lakula daukaia king tara papika pruan ba, pain kulkan lâka yaia baman dukiara? ¡Kasak sika baha nani ba diara nani kaikaia blikan tawan ba biki kaikaia, baha ningkara bal sauhki tikaia!”

Job 35:2

Job, ¿man mampara aitani sa ki, Gâd mita aitani mai kulkaia?

Lawana Nani 50:21

Man nani naha sut daukram, sakuna yang sâp kapri; ba mita kupiam ra lukram yang lika man wal baku sna. Sakuna yang bui man mamwan kat damhra kwahkaisna, dîa daukram klala maiki wapni daukaisna.

Lawana Nani 56:7

¿Ban kra witin nani lukisa, ai watawanka ba wina swak takbia? Man, Gâd, lawankam wal uplika nani ba swira daukma.

Sins Lâka 11:21

Kasak pali watawikira ba, klala briras takaskbia apia, sakuna kasakkira nani ba pain pri takbia.

Sins Lâka 16:5

Kupia praut uplika nani ba Dawan bui saura pali kulkisa, naiwa, yauhka kabia pat pali klala bribia.

Isikiel 17:15

Kuna naha kingka luhpia na, Babilon kingka mapara buan bara kuntri lengstarka nani Idsip ra blikan, aras bara upla ailal nani makabaia. ¿Man nani lukisma ki, baha ningkara pura lubia bara pruras raya mihta wina swakwi takaia? ¿Raya swakwi takaia sip kabia, ai pramiska kat daukras uplika ba?

Isikiel 17:18

kan witin pramis daukan ba lawaska kikan bamna, wal lâ daukan kata ba kat daukras kan; pramis takan kuna sut daukras kan, bamna rayaka wal swak takbia apia.

Daniel 10:19

Bara ai win: ‘Si bripara, kupiam sin turban takpara. Gâd bui man ra latwan mai kaikisa. ¡Karna bas bara kupiam sin karna bris!’ “Kau ai aisi kan bara daihra walri karnika brisna, bara wîri: ‘¡Dawan, ai aisas, kan man bui karniki ba aikram sa!’

Matiu 23:33

“¡Piuta nani! ¡Piuta saura nani kiamka! ¿Man nani nahki hil pauta pâtka ba wina swak takma ki?

Matiu 26:53

¿Kaikras sma ki yang sip sna Aisiki ra makabaia, bara witin sip sa naha pali piua insal dakni 12 pura blikaia?

Luk 12:14

Sakuna Jisas bila: —Waitna, ¿ya mita man nani tilamra wihta, apia kaka diara yuaia ai mangkan ki?

Luk 22:58

Wiria ningkara, wala kum bal kaiki, wisata: —Man sin baha nani wina kum sma. Sakuna Pita bila: —Apia, yang baha apia sni.

Luk 22:60

Sakuna Pita bila: —Waitna, dîa dukiara pali aisaram sapa yang tânka briras. Baha sim piua ra, kau Pita aisi kan ba ra, kalila wainhka kum aiwanan.

Roman 1:32

Witin nani pain kaikisa Gâd lâ mangkan sa, ya naha sât dukia nani dauki ba pruaia aitani sa; ban sakuna, witin nani mita ban daukisa, bara upla wala nani dauki ba sin pain lukisa.

Roman 2:1

Bahamna, man mita upla wala lâka aisi daukisma kaka, dîa sât uplika kama sin pâtkas kama apia. Upla wala lâka aisi daukisma ba mita, man lika yakan pâtkira pali takisma, kan upla wala dîa dauki ba man pali sin daukisma.

Roman 2:2

Bamna yawan lika kaikisa, naha diara dauki uplika nani ba, Gâd mita kasakka lâka kat lâ dauki pât ra dingkisa.

Roman 9:20

Bara man, upla, ¿man ba ya sma Gâd mapara unsabaisma ba? ¿Slaubla dakawa bui ai papaskra ra sip sa ki wiaia: “Dîa kan naku pali ai paskram?”

1 Tesalonaika 5:3

Upla nani bila “Diara sut ba sâpkira bara trabil kumi sin âpu sa” aisi kabia ba ra, bâra mika ban wina sauhki tikaia lâka ba witin nani purara balbia. Baha ba lika sim mairin kwihra aisubaia piua aimakan latwanka nani bri ba baku kabia; bara witin nani sip swak takbia apia.

Hibru Nani 12:25

Baha mita, aman kaiki bas, bara witinka wan aisi ba ra walaia apia lika wipara. Baha nani ba witinka naha tasba ra Gâd dahra aisi kan ba ra walaia apia win ba, swak takras kata; baku bamna, yawan pali lika kau swak takbia apia, witinka kasbrika purara wina wan smalki wan aisi bara wan nina laki tris tawbia kaka.

Hibru Nani 2:3

Baku bamna, ¿nahmuna swaki sakan lâka tara pali na alki briras ban pali swibia kaka, yawan na nahki swak takbia ki? Dawan pali mita naha swaki sakan lâka na pas dahra aisan, bara baha ningkara, witin ra walan nani ba yawan ra latan wan marikan baha ba kasak pali sa.