Roman 2:29 - DAWAN BÎLA AISKA

²⁹ Ban sakuna, kupia tani wina ba sika Ju pali ba, bara Aisa sainka kasak pali ba lika wan kupia dukia sa; baha ba wauhkataya ulban lâka ba apia, kuna Spirit lâka sa. Naha dauki uplika ba upla mita tânka ba pliki kaikbia apia, sakuna Gâd mita lika.

Roman 2:29 ပူးပေါင်းရင်းမြစ်များ

1 Kronikas 29:17

Dawanki, yang kaikisna man upla kupia tânka pliki kakaira sma, bara kupia wapnikira ba man yamni kaikisma; baha mita yang kupi wapnikira ni naha diara nani na maikri sa, bara nanara man uplikam nani nahara asla taki banhwan na, liliakira pali wal diara maikan sa.

Lawana Nani 45:13

¡King luhpia mairin ba dimi aula ai prana tara ba wal! Ai prâka ba gul baku dimisa.

Jirimaya 4:14

Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Jirimaya 4:4

Juda Jerusalem wal uplika nani, man nani Aisa sainka bris bara Dawankam ai kulks, wal lâ daukan lâka ba kupiam ra bris; baha apia kaka, man nani daukankam saura nani ba mita, kupi baiwanka ba pauta klauhi baku mai angkbia, aswi kabia, upla kumi sin sip daskbia apia.

Jirimaya 9:25

Dawan kasak aisisa: “Yua ba aula baha uplika nani, ai wîna ra Aisa sainka dauki ba sut klala yabaisna:

Luk 11:39

Sakuna Dawan bila: —Man nani parisi nani lika kâp bara plit ba nina tani baman sikbisma, sakuna man nani kupiam ra lika implikan lâka bara diara saura ni sin aibanhwan sa.

Luk 17:21

Sip wibia apia: ‘Kaiks, nahara sa’, apia kaka ‘Bahara sa’; kan Gâd king aimaki lâka ba pat man nani tilamra sa.

Jan 12:43

Witin nani lika upla wina mayunra briaia ba kau want kan, Gâd wina mayunra briaia ba wal.

Jan 4:23

Piua ba aula, bara baha ba nanara pali sika, bara Aisa ra ai pura suni mayuni banhwi ba lika, ai pura suni mayunbia kasak tânka ra bara Spirit ra sin. Aisa ba baku brin daukisa, witin ra ai pura suni mayuni banhwi ba baku daukbia.

Jan 5:44

¿Nahki man nani kasak lukma, kan man nani ba kumi mita wala ra tawi pana pana mayunra ba brisma, bara Gâd kumi baman ba wina mayunra aula ba lika pliki banhras sma?

Roman 14:17

Bamna Gâd King aimaki ba lâka lika piaia, diaia wal tânka apia sa, sakuna baha lika wan rayaka wapni briaia lâka sa, bara kupia kumi lâka bara lilia lâka Spirit Holikira bâk yawan bri ba tânka sika.

Roman 2:27

Bamna Aisa sainka briras, kuna lâ bîla wali dauki uplika ba mita lâmka daukbia. Kan man lika lâ ulbanka ba brisma, bara Aisa sainka daukan lâka ba sin, sakuna sip baha bîla wali daukras sma.

Roman 3:1

Bamna, ¿Ju kaia yamnika ba dîa? ¿Aisa sainka mangkaia ba dîa hilpka bâra sa ki?

Roman 7:6

Sakuna nanara lika lâ mita ai karnika mununhtara wan bri kan ba mapara yawan pruan taki banhwan, bara baku mika rayaka raya tânka ba ni Gâd dukia daukaia yawan pri sika Spirit mita yabal raya wankan bâk, lâ almuk ulban ba karnika mununhta wina lika apia.

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

1 Korint 7:19

Aisa sainka bri, kaia apia kaka âpu kaia ba lika, bahki sa; Gâd lâka nani bîla wali daukaia ba sika diara tara ba.

2 Korint 10:18

Kan pain kulkan uplika ba lika witin ai painka dukiara aisi ba apia, sakuna ani uplika ra Dawan mita pain kulki ba lika.

2 Korint 3:6

Kan Gâd mita sika sip wan daukan lâ raya bâk ai dukia daukaia, bara baha lika wauhkataya ra dîa ulban ba bîla wali daukaia tânka lika apia, sakuna rayaka kumi Spirit Holikira mita pain bribia ba. Lâ ulbanka ba pruaia pâtka mihta ra wan mangkisa, sakuna Spirit ba lika raya kaia wankisa.

Kli Smalkanka 10:16

“Wal lâ daukan lâka ba man nani kupiam ra bris, bara lamla karna kapara,

Kli Smalkanka 30:6

Man nani kupiam ra lâ aisi daukan sainka ba mangkbia bara kiamkam nani ra sin, bara kupiam wina bara sulkam aiska ni latwan kaikma raya kaia dukiara.

Pilipai 3:3

Kan yawan sika kasak pali Aisa sainka brin, yawan nani Spirit bâk Gâd ra wan pura suni mayuni ba, bara yawan Kraist Jisas ra bamna sika lilia banhwisa. Yawan lika wan wîna tara ra dauki dukia ba ra kasak lukras.

1 Tesalonaika 2:4

Sakuna, yang nani lika piua sut dîa Gâd want ba kat aisisna, kan witin mita trai wan munan, bara sturi yamni ba smalki kamna wisi aikan. Yang nani mita upla nani dîa brin dauki ba kat daukras, kuna Gâd brinka ba kat mika, witinka wan kupia nani tânka pliki kaiki ba.

1 Pita 3:4

Sakuna baku daukaia watlika ra, pramna ba kupiam bilara kaia sa; baha painka ba sip tiwras sa, bara baha lika wan spiritka praut âpu bara sâpkira ba sika, baha ba Gâd mawanra kau tara pali sa.

1 Samuil 16:7

Sakuna Dawan bui witin ra win: “Mawan painka ra kaikpara, ai pâwanka ra sin apia, baha sut ba yang bahki kulkri sa. Yang lika waitna diara kaiki ba baku kaikras; upla lika mawan painka ra bamna kaikisa, sakuna yang lika kupia kat kaikisna.”