Roman 2:25 - DAWAN BÎLA AISKA

²⁵ Bahamna man lâ bîla wali daukisma kaka lika, Aisa sainka mangkram ba man ra hilp kabia. Sakuna man lâ bîla wali daukras sma kaka, baha lika man ba sin Aisa sainka mangkras baku sma.

Roman 2:25 ပူးပေါင်းရင်းမြစ်များ

Jirimaya 4:4

Juda Jerusalem wal uplika nani, man nani Aisa sainka bris bara Dawankam ai kulks, wal lâ daukan lâka ba kupiam ra bris; baha apia kaka, man nani daukankam saura nani ba mita, kupi baiwanka ba pauta klauhi baku mai angkbia, aswi kabia, upla kumi sin sip daskbia apia.

Apastil Nani Sturka 7:51

“Sakuna —Stiben lika ban aisi wi kan— man nani lika piua bani kupiam karna brisma. Man nani kiamam nani bara kupiam sin brisma, sim baha nani Gâd kakaira apia uplika nani ba baku, piua bani Spirit Holikira mapara. Man nani lika damikam nani wal baku pali sma.

Roman 2:13

Kan lâ bîla wali baman uplika nani ba Gâd mita pain kulkras sa, sakuna lâ bîla wali dadaukra nani ba lika.

Roman 2:23

Man lika lâ ba dukiara uya mamyunisma, sakuna Gâd swira ni paskisma, kan dîa lâ wi ba kat daukras sma ba mita.

Roman 2:26

Bara ani uplika Aisa sainka mangkras sakuna dîa lâ wi ba kat daukisa kaka, witin ba sin Aisa sainka mangkan baku praiska kulkan kabia, ai wîna ra baha kau briras kabia sakuna.

Roman 2:27

Bamna Aisa sainka briras, kuna lâ bîla wali dauki uplika ba mita lâmka daukbia. Kan man lika lâ ulbanka ba brisma, bara Aisa sainka daukan lâka ba sin, sakuna sip baha bîla wali daukras sma.

Roman 2:28

Bamna lata tani Ju mâki ba baha apia sika Ju pali ba, bara Aisa sainka lata tani ra baman mangki ba, baha apia sika Aisa sainka uplika pali ba.

1 Korint 7:19

Aisa sainka bri, kaia apia kaka âpu kaia ba lika, bahki sa; Gâd lâka nani bîla wali daukaia ba sika diara tara ba.

Galesha 6:13

Bamna Aisa sainka mangki nani ba sin, lâ aiska ba sip kulkras sa. Kuna want sa man nani ba Aisa sainka mangkma, bara witin nani aimayunaia nahki man nani ra priski mai munan, baha markka lupia wînam ra mangki briaia.

Galesha 6:15

Bamna yawan Kraist Jisas wal asla kaia lâka ba brisa kaka, Aisa sainka daukan, apia kaka daukras kabia sin diara apia sa; sakuna yawan upla raya takan ba sika diara tara pali.

Kli Smalkanka 30:6

Man nani kupiam ra lâ aisi daukan sainka ba mangkbia bara kiamkam nani ra sin, bara kupiam wina bara sulkam aiska ni latwan kaikma raya kaia dukiara.