Roman 2:1 - DAWAN BÎLA AISKA

¹ Bahamna, man mita upla wala lâka aisi daukisma kaka, dîa sât uplika kama sin pâtkas kama apia. Upla wala lâka aisi daukisma ba mita, man lika yakan pâtkira pali takisma, kan upla wala dîa dauki ba man pali sin daukisma.

Roman 2:1 ပူးပေါင်းရင်းမြစ်များ

Luk 12:14

Sakuna Jisas bila: —Waitna, ¿ya mita man nani tilamra wihta, apia kaka diara yuaia ai mangkan ki?

Luk 19:22

Bara kingka mita pana win: ‘Alba saura, man bîlam aisisma ba wal lâmka daukamna. Yang waitna karna sna tânka ba man kaikisma, bara wahbisna yang mita iki swiras sna ba wina, bara mâ sin krikisna yang mita mangkras sna ba wina.

Luk 6:37

“Upla wala lâka aisi daukpara, baku mika Gâd bui man nani lâmka aisi daukbia apia. Upla wala pât ra dingkpara, baku mika Gâd bui man nani pât ra mai dingkbia apia. Upla nani pâtka swih tiks, baku mika Gâd bui man nani pâtkam swih tikbia.

Roman 14:22

Kasak lukan lâka brisma ba, Gâd mawanra man pali mita bri kaia sma. ¡Lilia pali kabia baha uplika tânka trai kaiki bara witin ai kupia ra ai dara walisa pâtkas sa!

Roman 2:2

Bamna yawan lika kaikisa, naha diara dauki uplika nani ba, Gâd mita kasakka lâka kat lâ dauki pât ra dingkisa.

Roman 2:3

Bara man mita upla wala lâka daukisma, kan man sin upla wala dauki baku daukisma bamna, ¿man lukisma Gâd lâ dauki ba wina swak takma?

Roman 3:9

¿Bara dîa? ¿Yawan Ju nani na kau pain sa ki, Ju apia uplika nani ba wal? ¡Sip apia pali! Yawan mita pat winisa, Ju nani bara Ju apia uplika nani sut ba saurka karnika mununhtara sa.

Roman 9:20

Bara man, upla, ¿man ba ya sma Gâd mapara unsabaisma ba? ¿Slaubla dakawa bui ai papaskra ra sip sa ki wiaia: “Dîa kan naku pali ai paskram?”

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

1 Korint 7:16

Man, maya mairin kristian sma ba, ¿nahki kaikisma mayam waitna ba swaki sakaia sip sma sapa? Man, maya waitna kristian sma ba, ¿nahki kaikisma mayam mairin ba swaki sakaia sip sma sapa?

Jems 2:20

Sakuna, man upla sinskas kapara, bara kasak lukan lâka bri ba, daukanka yamni ba wal sa, kasak lukanka marikras kaka, baha ba diara kum pruan sa.

Jems 4:11

Muihki nani, pana pana man nani saura aisapara. Ya ai muihni mapara saura aisi, lâka sin aisi dauki kaka, witin lika Gâd lâka mapara saura aisisa; bara lâ wihtka aimakisa. Bara man nani bui Gâd lâka mapara aisisma kaka, lâ bîla wali daukaia katma watlika ra, lâ wihtka ni aimakisma.