Roman 16:20 - DAWAN BÎLA AISKA

²⁰ Bara naika pali kupia kumi Gâdka mita man nani minam mununhtara Sitan ba taibia. Bamna wan Dawan Jisas Kraist mita yamni mai munbia.

Roman 16:20 ပူးပေါင်းရင်းမြစ်များ

Blasi Sturka 3:15

Bara man mairin wal waihlam kaia daukamni. Man kiamkam ba mairin kiamka ba wal sin ai waihla kabia; witin bui man lamla ra insauhkbia, bara man pana witin ai mina plakura ra sami kama.

Job 40:12

Âu, namkra ni slingbi bataks, saurakira nani ba, ani anira kaikma ba ra âpu taibi dauks.

Aiseya 63:3

—Âu, yang yakan wain taibaia watla ra wain taibri, upla kumi sin hilp ai munras; bara witin nani ba yang lawanki tara ni mini ra taibri; ba mita sika ai tâlia ba yang kwailka nani ra srikwi alkan, bara kwailka nani sut tâski takan.

Sakaraya 10:5

Suldiar baku kabia, kan war aiklabi taim slaubla ai mina ra taibi ba baku witin nani ai waihla nani ra taibia; aiklabi banhwi kabia, kan Dawan ba witin nani wal sa bamna. Bara aras ra uli aiklabi nani ba swira daukbia.

Malaquía 4:3

Baha piua ra yang ridi daukisna ba ra, man nani mita watawikira nani ba, tasba yuya baku minam ra taima.

Matiu 4:10

Bara Jisas bila: —Sitan, na wina taki was, kan Ulbanka ra wisa: ‘Man Dawan Gâdkam ra lulam kriki puram suni mayunma, bara witin dukia baman sin daukma.’

Luk 10:19

Yang bui man nani ra karnika maikri, piuta nani bara misri nani ba minam ni taibaia, bara waihla karnika ba sut sin pura luaia, bara man nani ra lika diara kumi sin watawi mai munan kabia apia.

Roman 15:33

Kupia kumi Gâdka ba, man nani sut wal kabia. Baku kabia.

Roman 16:23

Gayo sin ai lakula blikisa, witinka mita ai watla ra dingki ai brisa, bara serts uplika wala nani ra sim baku daukisa. Erasto, witinka naha tawanka lalahka main kaiki ba mita sin ai lakula blikisa, wan muihni Cuarto mita sin.

Roman 16:24

[Wan Dawan Jisas Kraist mita man nani sut ra yamni pali mai munbia. Baku kabia.]

Roman 8:37

Sakuna baha sut tilara, yawan na kau pura lalura sa, witin mita latwan wan kaikan bamna.

1 Korint 16:23

Dawan Jisas Kraist mita man nani ra yamni mai munbia.

Galesha 6:18

Bamna muihki nani, wan Dawan Jisas Kraist ba man nani sut ra yamni mai munbia. Baku kabia.

Pilipai 4:23

Wan Dawan Jisas Kraist, man nani sut ra yamni mai munbia.

1 Tesalonaika 5:28

Wan Dawan Jisas Kraist mita man nani ra yamni mai munbia.

2 Tesalonaika 3:18

Wan Dawan Jisas Kraist, man nani sut puramra yamni mai munbia.

2 Timoti 4:22

Dawan Jisas Kraist man wal kabia, bara Gâd mita man nani sut ra yamnika maikbia. Baku kabia.

Pilimon 1:25

Wan Dawan Jisas Kraist man nani ra yamni mai munbia.

1 Jan 3:8

Sakuna ya saurka lâka baman dauki taukisa kaka, witin lika dibil wina ba mita, kan dibil lika tâ pali yua wina saura dadaukra sa. Bamna Gâd Luhpia balan ba lika, dibil warkka ba sut âpu daukaia dukiara.

Param Marikanka 12:10

Bara kasbrika purara bîla baikra tara kum walri, naku aisin: “Swaki sakan lâka ba pat balan. Yawan wan Gâd karnika ba kingka lâka ba, nanara Kraist karnika ba marikan sa. Kan wan muihni nani dahra kwakwahkra ba saki lulkan sa, witinka kakna bara tihmia wan Gâdka mawanra baha nani dahra kwahki kata ba.

Param Marikanka 22:21

Wan Dawan Jisas Kraist mita man nani sut ra yamni mai munbia.