Roman 16:2 - DAWAN BÎLA AISKA

² Bamna man nani bui witin na Dawan nina ra luki pain bris, wan muihni nani kasak lukan lâka ra nahki briaia ba baku, bara dîa dîa kra Febe want takbia kaka sin hilp muns, kan witin lika upla ailal ra hilp munan, bara yang pali ra sin.

Roman 16:2 ပူးပေါင်းရင်းမြစ်များ

Matiu 25:40

Bara King ba wibia: ‘Kasak pali man nani ra mai wisni, dîa dîa naha muihki bawikira nani ra diara kumi dukiara daukram ba, yang pali ra sika man nani ai daukram ba.’

Apastil Nani Sturka 9:13

Naha walan ba ra, Ananías bila: “Dawan, baha waitnika dukiara upla ailal ai win, nahki diara saura manis daukan, man uplikam nani Jerusalem ra iwi nani ba mapara.

Apastil Nani Sturka 9:15

Sakuna Dawan bila: “Man was, kan yang baha waitnika ba pliki sakri sa, yang dukira witnis aisaia, nisan wala nani ra bara ai kingka nani ra, bara Israel luhpia nani ra sin.

Apastil Nani Sturka 9:36

Baha piua ra, Jope tawanka ra lalukra mairin kum kan ai nina ba Tabitá, Grik bîla ra lika Dorcas mâki kan. Naha mairka ai rayaka yua nani aiska ra diara yamni man dauki kan, upla umpira nani ra sin uya hilp muni kan.

Apastil Nani Sturka 9:39

Bara Pita witin nani aikuki wan. Witin balan ba ra, brih wan wîna tara tnikan ba rumka kat. Piarka nani sut witin ra bal ai tnaya ra kir bûi, ini mariki kan prâk nani, kwala wala nani sin Dorcas mita kau raya kan piua ra sipan nani ba.

Apastil Nani Sturka 9:41

Pita bui mairka ba mihta ra alki bukan; ningkara lalukra nani bara piarka nani ba sut paiwan balan, witin nani ra marikan Tabitá ba kli rawan sa.

Roman 15:7

Baku bamna, man nani pana pana walkam ba muihkam baku bris, sim Kraist mita Gâd prana ra yawan wan brin ba baku.

Roman 16:15

Laikula wis Filólogo ra, Julia ra, Nereo ai muihni wal ra, bara Olimpas ra bara wan muihni kasak lalukra nani witin nani aikuki ba sut ra.

Roman 16:23

Gayo sin ai lakula blikisa, witinka mita ai watla ra dingki ai brisa, bara serts uplika wala nani ra sim baku daukisa. Erasto, witinka naha tawanka lalahka main kaiki ba mita sin ai lakula blikisa, wan muihni Cuarto mita sin.

Roman 16:6

Meri ra laikula yas, witinka man nani tilamra kasak wark takan ba.

Roman 16:9

Laikula wis Urbano ra, Kraist Jisas wal asla lâka ra, yang nani aikuki wark tatakra ba, bara upliki laitwankira Estaquis ra sin.

Epesus 5:3

Man nani ba Gâd uplika sma ba mita, rug lâka ba nina mâkaia apia sma, tâski lâka wala nani kra, gridi lâka kabia sin apia.

Pilipai 1:27

Man nani rayakam ba Kraist sturka yamni ba kat bri bas. Baha mita, man nani ra mai kaikaia wamna, apia kaka laihura kamna kra, man nani sturkam walaia want sna, man nani ba sip pali sma, bara asla pali, bakahnu sin sturi yamni wina kasak lukan lâka ba kat alki bri kama.

Pilipai 2:29

Witin ba lilia pali tilamra bri bas, Dawan ra muihkam kum baku, baha sât uplika nani ba pain kulki bris;

Kolosi 4:10

Aristarco, yang wal silak ra ba, man nani ra ai lakula blikisa, Bernabé tubankika Mark ba sin. Witin dukiara dîa mai smalkatna ba, man nani kaikisma: Man nani mai kaikaia wabia kaka, pain bri bas.

1 Timoti 2:10

sakuna wark yamni nani wal, bara baku sika Gâd ra pliki mairka nani daukaia ba.

2 Timoti 1:18

Dawan mita yaka ai yamnika bri ba, witin bribia baha yua ra. Man pat pain kaikisma witin nahki hilp ai munan ba Epesus tawanka ra.

Taitus 2:3

Baku sin, serts almukka mairin nani ra wis, upla wal kulkan lâka ra iwaia, upla dahra kwahki kabiara, bara bla tatakra kabia apia. Witin nani ba diara pain ba kat smalkaia sa,

Pilimon 1:12

Bamna Onésimo na kli man ra blikuna; witin na bris sim yang ra baku.

Pilimon 1:17

Baku bamna, yang na muihkam pali ai kulkisma kaka kasak lukanka ra, Onésimo na yang pali baku waitlika ra bris.

2 Jan 1:10

Ani uplika naha smalkanka brih man nani ra balras sa kaka, wamtla ra dingki bripara, bara lakula sin wipara;