Roman 16:10 - DAWAN BÎLA AISKA

¹⁰ Laikula wis Apeles ra, witin Kraist ra kasak luki ba tânka uya pali marikan ba, bara Aristóbulo watla uplika nani sut ra sin laikula wis.

Roman 16:10 ပူးပေါင်းရင်းမြစ်များ

Roman 14:18

Ya naha natka ra Kraist dukia dauki ba, witin ra Gâd mita pain kaikisa bara upla nani mita sin.

Roman 16:3

Laikula wis Priscila ra bara Áquila ra, baha uplika nani yang wal asla luki Kraist Jisas warkka dauki kan ba.

Roman 16:7

Lakula wis yang kuntriki wina ba Andrónico bara Junias ra sin, witin nani wâl sika yang silak ra ai mangkan, bara witin nani pas sika yang kainira Kraist ra kasak lukan, bara apastil nani tilara tara pali kulkan sa bamna.

Roman 8:11

Jisas Kraist pruan nani tila wina bukan Gâdka Spiritka ba man nani ra raya sa kaka, sim Kraist pruan wina bukan Gâdka Spiritka ba wînam tara prui kira nani ra raya kaia lâka kli yabia, Spirit man nani ra raya iwi ba mita.

1 Korint 11:19

¡Bamna, man nani ba aihka dakwi takaia sma, bara baku mika baha nani kasak kristian nani ba latan kaikan kabia!

2 Korint 12:2

Yang waitna kum kaikisna, witin Kraist ra kasak lukisa, mani 14 luan ra baha waitnika ba kasbrika purara yumhpa ba kat brih wan kata. Pain kaikisna, witin ba wîna tara lâka ba kat brih wan sapa, apia kaka spiritka brih wan sapa; baha lika Gâd baman kaikisa.

2 Korint 2:9

Naha diara na tânka pat mai ulbri kata, bara baha lika man nani ba, yang smalkanki kat ban kaia banhwisma sapa tânkam pliki kaikisna.

2 Korint 5:17

Baku bamna, ya Kraist wal asla takan sa kaka, witin lika upla raya kumi sa; diara almuk nani ba lui wan sa, bara nanara diara raya baman takan sa.

2 Korint 8:22

Witin nani ba wal, yang nani tili wina wan muihni wala kum sin blikisna, bara naha lika diara ailal mapa ra witin wilin ba tânka wan marikan, bara nanara lika man nani dukiamra sin uya pali lukisa.

Galesha 1:22

Judia tasbaya ra wan muihni nani Kraist sertska ra nani ba mita pain pali ai kakaira apia kan.

Kli Smalkanka 8:2

Kupiam krauks 40 mani Dawan Gâdkam maikan upla iwras tasbaya ra taukram, traikam kaikan, lukankam nani kaikaia, lâ nani ba daukma sapa.

Pilipai 2:22

Sakuna man nani kaikisma nahki Timoti ai tânka kasak marikan ba, bara nahki sin yang wal sturi yamni aisi smalkaia warkka daukan ba, sim luhpa kum ai aisika ra hilp muni ba baku.

1 Timoti 3:10

Witin nani ba pas trai munan kaia sa, bara baha ningkara, pât âpu banhwisa kaka, witin nani sip kabia pura kaikaia warkka daukaia.

2 Timoti 4:19

Priscila ra bara Áquila ra laikula blikisna, bara Onesíforo watla aiska ra sin.

1 Pita 1:7

Kan man nani kasak lukankam lâka ba, gul baku sa; baku bamna pauta ni trai munan kaia sa, pain, apia kaka, saura sapa kaikaia dukiara. Ani kasak lukanka lâka baha traika kaikan ra bapi bubia kaka, gul purkara kau mana tara sa; bara gul ba lika âpu takisa. Bamna, kasak lukankam lâka baku trai munan kabia ba ra, Jisas Kraist param takbia ba ra, man nani lika brima mayunra lâka, prana bara pain kulkan lâka ba.