Roman 15:6 - DAWAN BÎLA AISKA

⁶ Baku mika, man nani sut kumi baku prais, wan Dawan Jisas Kraist Gâdka ra bara Aisika ra sin mayuni kama.

Roman 15:6 ပူးပေါင်းရင်းမြစ်များ

Sofonías 3:9

“Baha yua ba balbia ba ra, upla nani ba kasakka tânka bîla nani baman aisaia daukamni, bara upla sut yang ra ai pura sunbia, upla sut kumi baku warkki daukbia.

Jan 20:17

Jisas win: —Ai alkpara, kan yang Aisa bâra ba pliska ra kau uli wih asla takras sni. Sakuna muihki nani ra wih wis, uli auna Aisiki ra bara man nani Aisikam ra, yang Gâdki ra bara man nani Gâdkam ra.

Apastil Nani Sturka 4:24

Baha diara nani walan ba ra, witin nani sut Gâd ra ai pura suni, win: “Dawan, man sika kasbrika pura, tasba, kabu, dîa dîa baha bilara ba sut paskram.

Apastil Nani Sturka 4:32

Lalukra daknika aiska ba lika ai kupia lukanka kumi baman brin kata, bamna upla kumi sin wiras kata dîa bri kan ba witin yakan ai dukia sa, sakuna diara nani sut ba witin nani sut ai dukia baku kulkan.

2 Korint 1:3

Wan Dawan Jisas Kraist Aisika Gâd ra mayunpi, kan witin sika Aisa kumi latwankira ba bara piua bani wan maisa nanihkra Gâdka sa.

2 Korint 11:31

Gâd wan Dawan Jisas Kraist Aisika ba, witinka mayunan lâka ban kaia ra briaia aitani ba mita kaikisa, yang lika kunin aisaras sna.

Epesus 1:17

Makabisni wan Dawan Jisas Kraist Gâdka ra, Aisa pranakira ba, witin mita sins lâka spiritka maikbia, bara sip kama witin param takan ba tânka pain kaikaia, bara witin ra sin kau kakaira kaia.

Epesus 1:3

Wan Dawan Jisas Kraist Aisika bara Gâd ba sin, witin ra mayunpi, kan yawan Kraist wal asla takan ba ra, witin bui Spirit yamnika sât sât ni yamni wan munan kasbrika pura tasbaya nani ra.

Kolosi 1:3

Yang nani piua bani man nani dukiamra puri suni banhwisna ba ra, piua bani Gâd ra tingki wisna, wan Dawan Jisas Kraist Aisika ra.

1 Pita 1:3

Yawan wan Dawan Jisas Kraist Aisika bara Gâd ba sin, witin ra mayunpi. Kan witin umpira kaikan lâka tara bri ba mita, rayaka raya kum wankan sa, Jisas Kraist pruan wina kli buan ba bâk. Naha na wan kanra diara bîla kaikaia lâka rayaka kum wankisa,

Param Marikanka 1:6

bara yawan na king tasbaya kum bara prîs nani sin wan daukan sa, ai Aisika Gâd warkka daukbia. ¡Bamna prana ba bara karnika ba sin, ban kaia ra witin dukia kabia! Baku kabia.