Roman 15:3 - DAWAN BÎLA AISKA

³ Kan Kraist pali sin ai kupia lâka baman plikras kan; sakuna, Ulbanka dîa aisi ba kat ai mapara takan: “Baha nani mita saura mai wi kan nani ba yang purira kauhan sa.”

Roman 15:3 ပူးပေါင်းရင်းမြစ်များ

Lawana Nani 69:20

Saura ai win ba mita, kupi ba sut sauhkan sa; lukanki ba swapni sakan bara karniki sin âpu takan. Bamna yang bahki man plikri upla kum, latwan ai kaiki maisi nihkbia dukiara.

Lawana Nani 69:9

Man wamtla tâwan lawanka ba mita, ai angki âpu ai daukisa; saura munaia ba purira kauhan sa, baha nani man ra saura mai wi nani ba.

Matiu 10:25

Sip sa sika disaipil ba ai smasmalkra wal baku takaia, aitani lukaia sa, bara alba ba sin ai dawanka wal baku kaia. Utla dawanka ba Bilsibub mâkisa kaka, ¿witin ai watla uplika nani ra lika kau nina sauhkbia apia ki?

Matiu 26:39

Bara Jisas kan mapara kau wiria wih, ai mawan ra tasba kat kauhi, Gâd ra ai pura suni, win: “Aisiki, sip kaka, yarka yang naha pâtka wahwamnara; sakuna yang want sna ba baku lika apia, man kupiam lâka kat lika.”

Matiu 26:42

Kli aima wala wan, bara naku ai pura sunan: “Aisiki, naha pâtka wahwaia sna na wina sip swaki ai sakras sma kaka, man kupiam lâka kat takbia.”

Matiu 27:44

Âimplikra nani witin wal dus ra saban kan ba mita sin ai swira dauki kan.

Jan 15:10

Man nani lâika bîla kat wali dauki kama kaka, yang laitwanka lâka ra sin ban kama, sim yang Aisiki lâka wali daukisna bara latwan ai kaiki ba kat ban sna ba baku.

Jan 15:24

Naha tasba uplika nani ba pâtkas kaia kan, upla wala nani mita sip daukras dukia nani ba witin nani tilara daukras katna kaka; sakuna naha diara sut pali kaiki banhwan sakuna, ban misbara ai kaikisa bara Aisiki ra sin misbara kaikisa.

Jan 4:34

Sakuna Jisas mita win: —Yang pati sika witinka ai blikan ba kupia lâka daukaia, bara ai warkka sin sut pali daukaia.

Jan 5:30

“Yang yakan diara sip daukras. Aisa mita aikan ba kat daukisna, bamna kasakka lâka kat lâ daukisni; yang brinki ba kat daukaia lika plikras, sakuna Aisa ai blikan ba brinka kat mika.

Jan 6:38

Yang kupi lâka kat daukaia wisi kasbrika pura ba wina balras, sakuna witinka ai blikan ba kupia lâka daukaia mika.

Jan 8:29

Kan witinka ai blikan ba yang wal sa. Aisiki mita yang na yakan ai swiras, kan witin kupia lâka ba kat daukisna.

2 Korint 8:9

Man nani lika wan Dawan Jisas Kraist latwanka lâka tânka ba pat kaikisma. Witin lika yuyakira pali kan, kuna man nani ra latwan mai kaikan ba mita witin umpira pali takan, bara witin umpira takan man nani yuyakira kama ba dukiara.

Pilipai 2:5

Man nani kumi bani luki bas, Kraist Jisas luki kan ba baku,

Pilipai 2:8

silp ai wîna ba kulkanka yabras, witin bawikira kan, bara ai kiama lihni kan ba mita prura kat wan, bara baha sika witin dus prihni ra pruan ba.