Roman 15:26 - DAWAN BÎLA AISKA

²⁶ Kan Macedonia wina bara Acaya uplika nani sin lukan lalah sakaia, bara wan muihni umpira nani Jerusalem ra bâra banhwi ba nani ra blikaia.

Roman 15:26 ပူးပေါင်းရင်းမြစ်များ

Sins Lâka 14:21

Ya ai walka ra bahki kulki uplika lika, saura kum daukisa, sakuna upla umpira nani ra yamni muni ba âuyapah kira sa.

Sins Lâka 14:31

Upla umpira ra taibi ba, Papaskrika ba mina batakisa; sakuna baha uplika ra kulkanka yabi ba lika, Papaskrika ba mayunisa.

Sins Lâka 17:5

Upla umpira lawaska kiki uplika ba, ai Papaskrika ra mapara buisa, ai pâtka tara ba dukiara lilia taki ba sin, klala briras ban kabia apia.

Sakaraya 11:11

Baha yua sîp âiatkra nani ai kaiki kan ba ai dara walan, witin nani wal lâ daukan ba bahki takan, tânka brin yang dauki katna ba sika, Dawan aisi kan ba.

Sakaraya 11:7

Bara sîp nani ikaia watla ra brih waia lâ daukan ba, mahka main kaikri. Bara âiatkra nani aikuki atkaia lâka ba yang daukri. Bara dus wâl brih, nina nani ba naku mâkri: kumi ba wîri “Hilpka yabaia”, wala ba wîri “Asla kaia”.

Matiu 25:40

Bara King ba wibia: ‘Kasak pali man nani ra mai wisni, dîa dîa naha muihki bawikira nani ra diara kumi dukiara daukram ba, yang pali ra sika man nani ai daukram ba.’

Matiu 26:11

Upla umpira nani ba man nani aikuki ban bri kama, sakuna yang lika tilamra ban ai bri kama apia.

Luk 14:13

Baku bamna, plun tara daukma ba ra, upla umpira nani ba paiws, mina dakwan nani ba, skahwa nani bara blain nani ba sin;

Luk 6:20

Jisas ai disaipilka nani ra kaiki, win: “Man nani umpira nani, liliam bas, kan Gâd king aimaki lâka ba, man nani ra maikan kabia.

Apastil Nani Sturka 16:12

Baha wina yang nani Pilipai ra wari; naha tawanka ra lika Rom uplika pali nani iwi kan ba, Macedonia tilara tawan kau tara kulkan kan ba. Bahara yang nani piua wiria takaski banhri.

Apastil Nani Sturka 16:9

Bahara Pal tihmia ra diara aihka latan kaikan, Macedonia waitnika kumi ai mina ra bûi witin ra makabi win: “Macedonia ra lui bal, hilp wan muns.”

Apastil Nani Sturka 18:12

Sakuna baha yua nani ra, Galio ba Acaya wihtka tara aimaki kan piua, Ju nani sut asla taki Pal mapara buan, bara lâ watla ra bri si,

Apastil Nani Sturka 19:21

Naha diara nani ningkara, Pal brin daukan Macedonia bara Acaya ba wih kaikaia, bara baha wina ban Jerusalem ra waia. Witin sin aisi kan, Jerusalem ra wabia ningkara, Rom ra sin waia.

Apastil Nani Sturka 9:13

Naha walan ba ra, Ananías bila: “Dawan, baha waitnika dukiara upla ailal ai win, nahki diara saura manis daukan, man uplikam nani Jerusalem ra iwi nani ba mapara.

1 Korint 16:15

Estéfanas ai watla uplika wal tânka ba kaikisma; witin nani sika Acaya tasbaya ra pas upla nani kristian takan ba, bara witin nani ai wîna aiska ni Gâd uplika nani dukia daukisa.

1 Korint 16:5

Yang impakanki brimna ba ra, Macedonia tasbaya bâk luaia sna; baku bamna, baha ningkara Korint ra balamna.

2 Korint 1:16

Macedonia ra lui wamna ba ra man nani mai kaikamna luki kapri, bara baha wina kli balamna taim sin kli mai kaikamna. Baku lika man nani sip kaia kapram hilp ai muni Judia ra ai blikrika waia.

2 Korint 11:9

Yang na man nani wal kapri piua diara luha pali katna; sakuna yang wirhiki upla ra yaras katna; kan Macedonia wina wan muihni nani balan ba mita dîa luha katna ba sut aikan. Baku sika yang trai munri, man nani mampara karban wirha kum baku mai taibaia apia, bara ban sin baku daukaia trai muni kamna.

2 Korint 2:13

Kuna kupi sip lilia apia kapri, wan muihni Taitus wal prawras kapri bamna. Baha mita, uplika nani ba ra lakula baman wih, mahka taki Macedonia tasbaya ra wari.

2 Korint 7:5

Macedonia ra yang nani wari ba wina piua kumi sin ris briras pali, sakuna plis bani wina trabil wan alkan; upla aikuki unsabri bara kupi ra sin sibrin nani lukri.

2 Korint 9:12

Bamna naha hilpka wan muihni nani ra yabuya na lika, diara witin nani luha ba dukiara baman lika yawan yaras, sakuna witin nani mita sin Gâd ra tingki wibia baha tâka mita.

2 Korint 9:2

kan man nani kupiam wilin ba tânka param kaikisna. Baha dukiara kupi aiska ni Macedonia tasbaya aiska ra aisisna, nahki man nani Acaya uplika nani ba, mani luan wina ridi pali banhwisma hilp munaia; bara Macedonia uplika nani aihkika prais man nani ra mai kaiki karna taki buan.

2 Korint 9:4

Macedonia wina upla tila nani kra yang wal wabia ba ra, ban kra man nani kau ridi apia kama dukiara. Baha lika yang nani maipa ra uya swira lâka kabia, kan man nani kat wan kupia mangki luki ba mita, man nani mampa ra sin swira lâka kabia.

Pilipai 4:15

Man nani Pilipai nani sin pain kaikisma, swaki sakan sturka yamni mahka smalkri ba ra, Macedonia wina taki wari ba ra, man nani baman sika yang ra hilp ai munan sertska ba; man nani baman sika yang diara nani briri bara tikri bara sin aikuki asla kata ba.

1 Tesalonaika 1:7

Baku bamna, man nani ba Macedonia ra bara Acaya ra lalukra nani banhwi ba sut ra tânkam marikram, man nani baku kabia.

1 Tesalonaika 1:8

Dawan sturka yamni ba, baku man nani mita smalki laihura blikram; bara Macedonia ra bara Acaya ra baman apia, kuna kasak lukankam lâka Gâd ra brisma sturka ba plis sut ra kaikisa. Baku bamna, yang nani diara kumi sin aisaia want apia sna.

1 Tesalonaika 4:10

Bamna man nani piu bani baku daukisma, wan muihni nani Macedonia aiska ra iwi nani ba sut aikuki. Sakuna muihki nani, yang nani mita mamkabisni baha latwanka lâka brisma ba, kau dauki kama.

1 Timoti 1:3

Mahka Macedonia tasbaya ra waia tauki kapri ba ra, pat mamkabatna ba baku, yang want sna man Epesus tawanka ra takaskma. Bahara upla tila nani smalkanka kunin baman aisi smalkisa, bara man baha nani ra adar yas baha ba mahka swibia.

Pilimon 1:5

kan yang walri man ba Gâd uplika nani sut ra latwan kaikisma, bara Dawan Jisas ra kasak lukan lâka brisma.