Roman 15:19 - DAWAN BÎLA AISKA

¹⁹ Wark aihka nani bara sain nani karnika ba ni, Gâd Spiritka karnika ba mita sin, Kraist swaki wan saki sturka ba baku natka ra smalkaia sip kapri, ban Jerusalem wina bara sim baku plis wala nani sut ra, bara Iliria tasbaya kat sin.

Roman 15:19 ပူးပေါင်းရင်းမြစ်များ

Matiu 12:28

Sakuna yang lika Gâd Spiritka karnika mita pirit saura nani kangbi sakisna, bara baha mita latan sa Gâd king aimaki lâka ba pat man nani ra balan sa.

Jan 4:48

Jisas pana wisata: —Man nani sip kasak lukras sma, wark aihka nani ba kaikras kaka.

Apastil Nani Sturka 1:8

Sakuna man nani puramra Spirit Holikira balbia ba ra karnika brima, bara yang dukira witnis nani kama Jerusalem ra, Judia tawanka aiska ra, Sameria ra, ban wan tasba wala ra kau laihura ba kat sin.

Apastil Nani Sturka 13:14

Witin nani Perge wina Antíoco tawanka ra balan, baha ba Pisidia kuntrika wal lamara sa. Bahara witin nani ris yua ra Ju nani priaska watla ra dimi iwan.

Apastil Nani Sturka 13:51

Bamna apastil nani mita ai mina ra tasba yuya nani alkan ba siauhbi sakan, baha uplika nani mapara witnis kaia ba dukiara. Ningkara witin nani Iconio ra wan.

Apastil Nani Sturka 14:10

Bara ai bîla baikra karna wini, win: —¡Man minam ra wapni bus! Bara waitnika kata ba pâli tit bûi, mahka wapan.

Apastil Nani Sturka 14:20

Sakuna kristian nani sut aidrubi bal Pal tnaya kir bûi banhwan, bara witin ba kli rawan. Ningkara tawan ra kli dimi wan; bara yu wala ra Bernabé wal Derbe ra wan.

Apastil Nani Sturka 14:25

Sturi yamni ba Perge tawanka ra sin smalkan. Ningkara witin nani Atalía ra balan.

Apastil Nani Sturka 14:6

Sakuna Pal bara Bernabé wal baha kaikan ba ra, witin nani plapan Licaonia tasbaya ra, Listra ra, Derbe ra, ban baha tawanka nani kir,

Apastil Nani Sturka 15:12

Bamna upla nani ba sut sâp taki wali kan, bara Pal, Bernabé wal ai sturka ba mahka aisin, nahki Gâd bui witin nani bâk sain nani, wark aihka nani sin daukan ba Ju apia nani tilara.

Apastil Nani Sturka 16:18

Yu ailal baku dauki kan. Ban piua kum kat Pal kupia sauhkan, bara tawi baha piritka saura tukta mairin ra kan ba ra win: —Jisas Kraist nina ra yang mai wisna, witin ba wina taks. Bara baha minitka ra pirit saura witin ba swin.

Apastil Nani Sturka 17:10

Tihmia pat iwan, wan muihni nani mita Pal bara Silas wal Berea ra blikan wan. Witin nani nan Berea ra diman ba ra, Ju nani priaska watla ra wih diman.

Apastil Nani Sturka 17:15

Baha nani Pal yula kahbi auya kan ba, ban Atenas tawanka kat wan. Witin nani mahka kli ai bîla tawan ba ra, Pal mita win Timoti bara Silas wal ra wibia aihni trai kaiki witin ra balbia.

Apastil Nani Sturka 18:1

Naha diara ningkara, Pal Atenas wina taki Korint tawanka ra wan.

Apastil Nani Sturka 18:19

Witin nani Epesus tawanka ra wan ba ra, Pal mita Priscila bara Áquila ba swi si, Ju nani priaska watla ra wan, bara Ju nani bahara bal asla taki kan nani ra aisi kan.

Apastil Nani Sturka 19:1

Apolos ba Korint ra kan ba ra, Pal lika laih il nani tasbaya nani bâk impaki ban Epesus kat balan. Bahara kristian tila nani wal prawan.

Apastil Nani Sturka 20:20

Sakuna takaskras mai smalki katna man nani ra dîa dîa man nani yamnikam kaia ba dukiara, ban tawan bilara, wamtla nani kat sin.

Apastil Nani Sturka 20:6

Brit îs âpu daukan ba piaia yua tara ba luan ningkara, yang nani Pilipai wina duri tara ra aimaki impaki banhri, bara yu nani matsip kat Troas ra balri. Bahara yang nani yu 7 takaskri.

Roman 15:13

Bamna Gâd bui man nani ra bîla kaikaia lâka maiki ba, lilia bara kupia kumi lâka ni mai banhkbia, kan man nani sika witin ra kasak lukisma ba, bara bîla kaikanka sin uya maikbia Spirit Holikira karnika ba mita.

Roman 15:16

Jisas Kraist dukia dadaukra baku Ju apia uplika nani tilara wark daukaia. Baha warkka ba lika Gâd sturka yamni swaki wan saki ba aisi smalkaia, Ju apia uplika nani ba Gâd ra prisant kumi baku yaka pain briaia dukiara, Spirit Holikira mita holi sakan bamna.

Roman 15:24

yang lukisna Ispail kuntrika ra waia impakamna, man nani mai kaikaia, bara aikuki lilia aitani bribia ba ningkara, man nani yabalki daukma Ispail kuntrika ra waia.

1 Korint 2:4

bamna sturi yamni ba man nani ra aisari bara smalkri ba ra, upla sinskira bîla nani baku ni kupiam nani alkaia lukras katna. Sakuna, Gâd Spiritka karnika ba wal kupiam nani alkatna.

2 Korint 12:12

Baha warkka man nani tilamra kupi bawikira pali daukri ba ai marikan sa, sain nani ba mita bara wark aihka nani ba mita sin, yang na kasak apastil sna.

Galesha 3:5

Ani piua Gâd ai Spiritka Holikira ba, man nani ra maiki wark aihka nani sin dauki ba ra, ¿dîa kan baku daukisa ki? Baha ba daukras sa, man nani lâ bîla wali daukisma ba mita, sakuna dîa dîa walram ba kasak lukisma ba dukiara sa.

Kolosi 1:25

Yang lika nanara Gâd mita serts napakanka ai daukan sa, witin mita baha warkka daukamna wisi aikan bamna, man nani yamnikam dukiara, Gâd ai dahra smalkanka ba aiska smalkamna dukiara ai mangkan,

1 Tesalonaika 1:5

Kan yang nani mita swaki sakan sturka yamni ba mai smalkri ba ra, bîla nani wal baman apia kata, sakuna Spirit Holikira karnika wal bara kasak lukanka aihwa ni sin, naha sturka na kasak pali sa. Man nani pain kaikisma nahki tilamra iwi kapri ba, baha ba painkam dukiara kata.

2 Timoti 4:17

Sakuna Dawan hilp ai munan bara karnika sin aikan, bamna yang sip katna swaki sakan sturka yamni aiska ba aisi smalkaia, Ju apia nani ba sut walbia. Baku sika Dawan mita layan bîla ba wina swaki ai sakan,

Hibru Nani 2:4

Bara Gâd sin baha dukiara witnis aisin sa, sain nani dauki, diara aihkakira nani ni bara sain aihkakira ailal daukan ba mita sin. Witin mita sin Spirit Holikira prisantka nani ba yawan ra sât sât yuan sa, witin ai kupia lâka ba kat.

1 Pita 1:12

Sakuna Gâd mita baha prapitka nani ra latan marikan ai warkka ba; witin nani ai dukia lika apia kan, sakuna yawan wan dukia kan ba. Bamna nanara, naha sim dukia sika man nani ra maisam pakan ba. Sturi yamni bîla twatwilkra nani, witinka nani Spirit Holikira kasbrika pura wina blikan ba karnika ni aisan ba mita, naha kasakka sturka nani mai win sa. Naha dukia nani lika insal nani pali sin tânka ba kaikan daukisa.