Roman 15:13 - DAWAN BÎLA AISKA

¹³ Bamna Gâd bui man nani ra bîla kaikaia lâka maiki ba, lilia bara kupia kumi lâka ni mai banhkbia, kan man nani sika witin ra kasak lukisma ba, bara bîla kaikanka sin uya maikbia Spirit Holikira karnika ba mita.

Roman 15:13 ပူးပေါင်းရင်းမြစ်များ

Aiseya 55:12

“Man nani lilia pali baha wina taki wama, bara kupia kumi lâka wal, man nani tasbayam ra kli tawi balma. Il nani bara kiuhsi nani sin, man nani mamwanra lawana aiwanbia, bara twi ra dus nani ba sin sut ai mihta pruki lilia daukbia.

Jirimaya 14:8

Israel bîla kaikanka, piua karna nani tilara yang nani swaki ai sasakra, ¿dîa muni man upla tringsar kum wan tasbaya ra tauki ba baku taukisma ba, impapakra kum tihmia kum man takaski mahka auya ba baku?

Joel 3:16

Jerusalem Saion ilka ba wina Dawan aisabia bîla baikra ba alwani binka baku walbia, bara kasbrika tasba sin mahka tatatwi kabia. Sakuna Dawan ba ai uplika nani, Israel luhpia nani ba, yukuwaika kan kahbaika ban kabia.

Jan 14:1

“Man nani kupiam ra uya trabil taki luki kapara. Gâd ra bara yang ra sin kasak luki bas.

Jan 14:27

“Man nani wina dakwi takuna kupia kumi lâka ra. Kupi kumi lâka man nani ra maikisni, sakuna tasba uplika nani kupia kumi lâka yabi ba sât lika apia. Man nani kupiam trabil bripara bara sibrin kapara.

Roman 12:12

Naika diara briaia sma ba dukiara liliam bas; pât wahwisma ba ra, kupiam alki takaski bri bas. Piu bani puram sunaia lâka ba swipara.

Roman 14:17

Bamna Gâd King aimaki ba lâka lika piaia, diaia wal tânka apia sa, sakuna baha lika wan rayaka wapni briaia lâka sa, bara kupia kumi lâka bara lilia lâka Spirit Holikira bâk yawan bri ba tânka sika.

Roman 15:19

Wark aihka nani bara sain nani karnika ba ni, Gâd Spiritka karnika ba mita sin, Kraist swaki wan saki sturka ba baku natka ra smalkaia sip kapri, ban Jerusalem wina bara sim baku plis wala nani sut ra, bara Iliria tasbaya kat sin.

Roman 15:5

Gâd sika wihka bîla kaikaia lâka bara maisa nihkan lâka wanki ba, bamna witin mita hilp mai munbia walkam wal sim baku baman luki kaia, Kraist Jisas tânka ba kat.

1 Korint 2:4

bamna sturi yamni ba man nani ra aisari bara smalkri ba ra, upla sinskira bîla nani baku ni kupiam nani alkaia lukras katna. Sakuna, Gâd Spiritka karnika ba wal kupiam nani alkatna.

2 Korint 9:8

Gâd sip sa man nani ra dîa dîa brin mai dauki ba purkara kau maikaia, bara baha purkara man nani dukiam kau manis pali bri kama bara wark yamni sât sât daukaia dukiara sin aitani kat.

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

Epesus 1:2

Gâd wan Aisa bara Dawan Jisas Kraist wina, yamnika nani bara kupia kumi lâka ba man nani bri kama.

1 Tesalonaika 1:5

Kan yang nani mita swaki sakan sturka yamni ba mai smalkri ba ra, bîla nani wal baman apia kata, sakuna Spirit Holikira karnika wal bara kasak lukanka aihwa ni sin, naha sturka na kasak pali sa. Man nani pain kaikisma nahki tilamra iwi kapri ba, baha ba painkam dukiara kata.

1 Timoti 1:1

Yang Pal, Jisas Kraist apastilka sna, Gâd wan Sasakra bara Dawan Jisas Kraist adarka mita ai blikan, witinka wina yawan wan kainara diara briaia luki ba,

Hibru Nani 6:11

Sakuna yang nani want sna, man nani kumi bani ban tnata kat, baha wilin lâka ba dauki kama, bara baku mika diara bîla kaikisma ba aiska pali takbia.

1 Pita 1:8

Man nani lika Jisas Kraist ba namkra pali ni kaikras, ban sakuna, latwan kaikisma; man nani bui witin ra kasak lukisma, namkra ni kaikras sma sakuna; bara ba mita lilia tara bara pranakira sin brisma, bara liliaka tânka ba bîlam ni sin sip aisaras,

1 Samuil 1:18

Witin pana win: —Tingki pali. Bara Ana kli tawi, witin balan ba yabalka bâk mahka wan. Bamna plun pin bara baha yua wina witin kli sari briras kan.