Roman 14:6 - DAWAN BÎLA AISKA

⁶ Bamna upla kumi yua kum aihka saki kulki ba lika, Dawan dukiara sa. Bamna ani uplika plun sâtka sut pi ba, baha sin Dawan mayunaia dukiara pîsa, kan witin mita Gâd ra tingki wisa; bara ani uplika sin plun tila nani piras ba, baha sin Dawan mayunaia dukiara piras sa, bara witin mita sin Gâd ra tingki wisa.

Roman 14:6 ပူးပေါင်းရင်းမြစ်များ

Impakan Sturka 12:14

Baha yua ba man nani kupiam kraukaia yua kum kabia, ban kaia ra. Naha yua, piu aula bani, man nani bui yang ra lilia tara dauki aiki kama, bara lâ kum luhpiam nani ra sin smalki kama ban kaia ra.

Impakan Sturka 12:42

Baha tihmika ra, Dawan mita witin nani ba aihwaki kaiki kata, Idsip wina brih sakaia dukiara. Baha tihmika ba sika, Dawan aihwaki kaikan ba tihmika. Bahamna Israel luhpia nani sin Dawan ra pain kulkan ba lâka ra, baha tihmia ra aihwakaia kan ba ra, baha aihwakaia piua kulkan ba sin ban kulki kaia kan, ai kiamka nani sut ra sin.

Impakan Sturka 16:25

Bara Moses bila witin nani ra win: —Man nani patam suni swiram ba naiwa pis, kan naiwa sika sabat, Dawan ra luki ris briaia yua, naiwa man nani twi ra wama diara sâkma apia.

Aiseya 58:5

¿Man nani lukisma kaiki plun wahwaia sari takisma ba, baha yang yamni kaikisna, lamla makupisma ba snati lapatwan baku, yamhpus tasba ra yakabi kwala siksa dimi baha purara aitnikisma ba? Baha ba man nani wisma: ‘¿Kaiki plun wahwisma ba tânka’, bara baha yua ba yang yamni kaikisna?

Sakaraya 14:21

Dikwa nani sut Jerusalem ra, Juda ra bâra ba, karnika sut bri Dawanka dukia aihka sakan kabia. Ya ya sakripais daukaia wabia ba dikwa nani ba bribia, wîna nani Dawan ra yaban ba piakbia. Baha yua ra diara wauhi âiatkra nani Dawan karnika sut bri ba tempelka ra âpu kabia.

Matiu 14:19

Bara adar yan uplika nani ba twi purara iwbia. Baha ningkara, brit matsip bara inska wâl ba ai mihta ra brih, kasbrika purara kaiki, Gâd ra tingki win, britka nani ba kriki, ai disaipilka nani ra yaban, bara witin nani bui upla nani ra yuan.

Matiu 15:36

Bara brit ba, inska nani ba sin brih, Gâd ra tingki yaban. Ningkara bâk kriki, disaipil nani ra yan upla nani ra yuaia. Witin nani baku daukan.

Jan 6:28

Bara uplika nani makabi walan: —¿Yang nani dîa daukaia sna ki, Gâd yamni kaiki warkka ba alki brih daukaia?

Galesha 4:10

Man nani lika kau naiwa kat tila yua nani, kati nani, piua nani bara mani nani sin kulkisma.