Roman 14:13 - DAWAN BÎLA AISKA

¹³ Baha mita yawan pana pana wan walka lâka aisi daukaia apia sa. Sakuna, man nani wilin pali taks muihkam mina batakaia dukia ba daukaia apia, saurka lâka ra sin yarka kauhbiara.

Roman 14:13 ပူးပေါင်းရင်းမြစ်များ

2 Samuil 12:14

Sakuna man Dawan kupia kasak pali sauhkram bamna, luhpiam bisi aisubi takan ba prubia.

Aiseya 57:14

Baha ningkara aisanka kum walma: “Man nani yabal ba langni dauks, langni dauks; pahbi sâks wan mina prukaika nani ba, yang upliki nani ba yabalka bâk lubia.”

Isikiel 14:3

“Upla luhpia, naha uplika nani na aidul lâka ai kupia ra mangkan, bara ai saurka ra ai mina pruki kauhaia ba ai kainara mangkan. ¿Baha nani dukiara natka kum ra yang makabi walaia sna ki?

Libait Lâka 19:14

“Kiama prawan nani ra saura wipara. “Blain yabalka ra mina prukaika kumi sin mangkpara. Yamnikam ba Dawankam ra mariks. Yang sika Dawan.

Matiu 16:23

Sakuna Jisas kir tawi, Pita ra win: —¡Sitan, yang wina taki was, kan yang maipara mini batakaika pali sma! Man ba upla nani baku lukisma, Gâd luki baku lika apia.

Matiu 18:7

¡Tasba mapara nahki saura pali kabia saura daukaia paiwanka nani ailal pali ba mita! Baha piua bani bâra kabia, ¡sakuna ya mita upla wala ra saura daukaia munan saura dauki ba uplika mapara alai pali kabia!

Matiu 7:1

“Uplikam lâka aisi daukpara, baku mika Gâd mita man nani lâmka aisi daukbia apia.

Luk 12:57

“¿Dîa kan man nani mânkam lâ kasak ba dukiara aisaras?

Luk 17:2

Kau pain kabia, baha uplika nana ra walpa tara kum wilki kabu ra lulkan kabia, naha sirpika lupia nani kum ra yarka saura daukaia ba wal.

Roman 11:9

Debit sin naku wisa: “Witin nani pata tara liliaka ba lika daiwan alkaika bara inska alkaika tanka baku sa, witin nani ai mina prukbia, bara klala yaia wisi.

Roman 14:10

¿Kuna man, dîa muni muihkam lâka aisi daukisma ki? ¿Dîa muni muihkam ba diara apia baku kulkisma? Yawan sut lika Kraist mawanra buaia sa, witin mita wan lâka aisi daukbia dukiara.

Roman 14:3

Bamna ya plun sât sât pi ba mita upla kumi plun tila nani piras sa wisi bahki kulkaia apia sa; bara plun tila nani baman pi uplika ba mita plun sut pi uplika ba lâka aisi daukaia apia sa, kan Gâd mita baha uplika ba pat ai uplika saki brin sa.

Roman 14:4

¿Man ba ya sma, upla wala dukia dadaukra lâka aisi daukisma ba? Ai dawanka bisniska sa, witin ba buisa sapa, apia kaka kauhisa sapa. Bara uplika ba yaka pain bûi kabia, kan Dawan lika sip sa witin ba yaka pain kaia.

Roman 16:17

Bamna muihki nani, aman kaiki bas baha nani aihka dakwi takaia lâka bara mina prukaia lâka buki banhwi ba, kan baha uplika nani ba lika man nani dîa smalkanka lan takram ba mapara sa. Bamna witin nani wina aihka dakwi taks,

1 Korint 10:32

Upla kumi ra sin trabil munpara: Ju nani sapa, Ju apia nani sapa, Gâd sertska uplika nani sapa sin.

1 Korint 11:13

Man nani pali naha tânka na luki kaiks: ¿mairin ba ai lal srukras Gâd ra ai pura sunaia ba aitani sa ki?

2 Korint 5:14

Kraist latwanka lâka ba mita yawan ra lâ wankisa, kumi ba upla sut pura mata pruan baha yang nani tânka briri ba wina, yang nani sin pat kaikisna upla sut lika pruan sa.

2 Korint 6:3

Yang nani mita kupia turbanka lâka upla kumi ra sin munras, baku mika upla kumi mita yang nani warkki ba dukiara saura sip aisaras.

Pilipai 1:10

baku bamna diara yamni ba pliki sâkma diara sut ra. Rayakam sunu bri kama, bara Kraist balbia ba ra, man nani mampara kaia dukia kumi sin âpu kabia.

1 Timoti 5:14

Baha mita, yang want sna piarka nani kau almuk takras ba, marit takbia bara luhpa baikbia, ai watla nani main kaiki kabia, bara baku mika witin nani mita wan waihla nani ra wan ninara saura aisaia sanska yabaia apia dukiara.

Jems 2:4

pat man nani mampara aihka kulkan lâka brisma, bara lukanka saura brih upla lâka aisi daukisma.

Jems 4:11

Muihki nani, pana pana man nani saura aisapara. Ya ai muihni mapara saura aisi, lâka sin aisi dauki kaka, witin lika Gâd lâka mapara saura aisisa; bara lâ wihtka aimakisa. Bara man nani bui Gâd lâka mapara aisisma kaka, lâ bîla wali daukaia katma watlika ra, lâ wihtka ni aimakisma.

1 Jan 2:10

Ya ai muihni ra latwan kaiki ba, witin lika ingni ra iwisa, bara diara âpu sa witin ra munka saura daukaia.

Param Marikanka 2:14

Sakuna man mampara diara nani brisna: Pergamum ra Balaam smalkanka nina bliki ba tila nani bâra sa; Balaam mita sika Balac ra smalki win, Israel luhpia nani ra yaka saura daukbia, aidul nani ra sakripais daukan nani ba pih, bara rug lâka sin daukaia.