Roman 14:11 - DAWAN BÎLA AISKA

¹¹ Kan Ulbanka ba wisa: “Yang rayaki dukiara swer takisna, Dawan bila, upla bani ai lula krikbia yang maiwanra, bara upla sut param pali aisabia yang na Gâd sna.”

Roman 14:11 ပူးပေါင်းရင်းမြစ်များ

Lawana Nani 72:11

¡King nani sut ba bal witin ai mawanra ai lula krikbia! ¡Nisan nani sut ba, witin warkka daukbia!

Aiseya 49:18

Namkra nani buki tnamya kir kaiks, bara kaiks, nahki witin sut asla taki, man ra aula ba. “Yang Dawan, rayaki wal swer takisna, witin nani ba kwala baku man ra yamni mai kulki prâk mai dingkan kabia; bara baha ni maisam wilkma tiara marit taki prâka dimi ba baku.

Jirimaya 22:24

Dawan ba, Jeconías,, Joaquim Juda kingka ba ra pat win kan: “Yang rayaki ni swer takisna man ra: Man ba mihti aihkika ra sîl mihtadingka baku bâra kama kaka sin, sakuna baha wina mai daikaisna

Isikiel 5:11

Yang, Dawan, rayaki ra luki swer takisna: Man nani bui yang tempelki holi ba aidulkam tâski nani ba ni, daukankam saura pali ba ni tâski daukram bamna. Yang sin man nani ra mai sauhkaisna umpira mai kaikras kira; man nani dukiamra kupi swapni takbia apia.

Kulki Kaikanka 14:21

Ban sakuna, kasak pali sa, yang raya sna ba mita praina ba tasba aiska ra banhwan kabia.

Kulki Kaikanka 14:28

Bamna man wih wis, yang mai wisna na: ‘Yang, Dawan swer taki mai wisna, baku sika daukamna man nani wal.

Matiu 10:32

“Upla kum kra yang daihra upla nani mawanra latan aisabia kaka, yang sin Aisiki kasbrika purara ba mawanra ai dahra latan aisamna.

Roman 10:9

Bara man bîlam ni Jisas ba kasak Dawan sa aisisma kaka, bara kupiam ra sin kasak lukisma Gâd mita Jisas ba pruan nani tila wina bukan, man ba swaki mai sakan kabia.

Roman 15:9

Kraist sin balan Ju apia uplika nani sin Gâd ra mayunaia ai kupia pihni ba mita, Ulbanka wi ba baku: “Baha mita Ju apia uplika nani tilara dimi mamyunamni, lawana nani sin man ninam ra aiwanamni.”

1 Jan 4:15

Baha mita, ani uplika Jisas ba kasak Gâd Luhpia sa wisa kaka, baha uplika lika kasak Gâd ra iwisa bara Gâd pana baha uplika ra iwisa.

2 Jan 1:7

Kuninkira ailal naha tasba ra wataukisa, bara witin nani lika Jisas Kraist upla kasakkira naha tasba ra balan ba tânka param pali aisin ba bîla wali daukras sa. Ya baha baku ba sika kuninkira, bara Kraist mapara ba.

Param Marikanka 5:14

Diara rayakira walhwal ba naku aisi kan: “¡Baku kabia!” Bara almuk nani 24 ba ai lula krikan bara mayunan.