Roman 13:13 - DAWAN BÎLA AISKA

¹³ Kakna ra wataukaia ba baku, painkira wataukpi. Yawan bla takbiara, bin dauki plun papira kabiara, tâski lâka daukbiara, lâkas tara baku taukbiara, unsabaia bara misbara lâka sin bribiara.

Roman 13:13 ပူးပေါင်းရင်းမြစ်များ

Sins Lâka 23:20

Wain dadira nani tilara aikuki kapara, upan papira gridikira nani tilara sin apia.

Luk 1:6

Witin nani wâlsut Gâd mawanra upla kasakkira kan, Dawan lâka nani bara ai adarka nani sut ba bîla wali dauki kan; baha mita upla kumi sin witin nani ra diara aihka kumi sin sip sakras kan.

Luk 16:19

“Yuyakira waitna kum bâra kan, witin kwala painkira nani baman dimi kan, bara yu bani lilia dauki, ai prana ra iwi kata.

Luk 21:34

“Bamna aman kaiki bas, tasba brinka nani ba mita, bla lâka nani mita bara naha tasba trabilka nani mita sin yarka kupiam nani ba karna takbiara, baha piua kra damra walras kaprika mai alkbiara sîa.

Apastil Nani Sturka 2:15

Naha uplika nani na bla apia sa man nani lukisma ba baku, kan nanara lika kau titan 9 aklak sa bamna.

1 Korint 3:3

man nani ba naha tasba uplika nani baku, kau ban raya iwisma ba mita! Man nani tilamra tuman lâka bâra sa, bara pana pana walkam nani aikuki sin unsabi dakwi takisma kaka, tasba uplika nani sma, bara upla sut dauki dukia nani ba kau daukisma.

Galesha 5:19

Karna apia sa ya nani wan wîna tara brinka warkka saura nani nina bliki ba: marit takras kira upla ai maya briaia lâka ba, tâski lâka daukaia, brinka saura nani lihkaia,

Galesha 5:21

Tuman lâka briaia, bla tatakra nani kaia, bîla maihsira kaia, diara wala bahmuna sâtka nani manis sin daukaia lâka. Piua luan ra mai smalkatna ba baku, kli mai smalkisni, ani uplika naha sât dukia nani dauki ba, Gâd king aimaki tasbaya ai dukia bribia apia.

Epesus 4:1

Baha mita, yang Dawan warkka ba tâwan silak ra sna ba, man nani ra mamkabisna, Dawan mita mai paiwan tânka kat iwi kama, sim piua luan ra nahki kapram ba baku.

Epesus 4:17

Bamna Dawan nina ra, yang naha na taibi pali mai wisna: man nani kli Dawan ra tawras uplika nani baku raya iwi kapara, kan baha nani lika gâdkas nani ba tânka kat baman taukisa,

Epesus 5:15

Bamna, man nani nahki sma ba aman kaiki bas, sins aitani briras nani ba baku kapara, sakuna sinskira nani bas.

Epesus 5:18

Bamna bla âpu bas, kan baha mita ban tanis tiwaia ra wan brih auya; sakuna Spirit Holikira ni aibanhwi bas.

Epesus 5:8

Pas piua man nani lika tihmia ra iwi katma, kuna nanara Dawan uplika takram ba mita, ingni ra iwi banhwisma. Bahamna man nani ingni uplika nani baku bas,

Pilipai 1:27

Man nani rayakam ba Kraist sturka yamni ba kat bri bas. Baha mita, man nani ra mai kaikaia wamna, apia kaka laihura kamna kra, man nani sturkam walaia want sna, man nani ba sip pali sma, bara asla pali, bakahnu sin sturi yamni wina kasak lukan lâka ba kat alki bri kama.

Pilipai 2:3

Yakan dukiamra bara waihla lâka mita ban sin diara kumi daukpara; sakuna bawikira nani bas, bara kumi bani ai walka nani ba witin purkara kau pain sa kulkbia.

Kolosi 1:10

Makabi banhwisna man nani ba Dawan uplika nani baku tânkam pain brih dîa dîa daukaia sma ba dauki kama, piua bani witin pain kaiki dukia nani baman sin dauki kama, wark painkira nani wina mâ saki kama, bara baku mika sip kama Gâd tânka kau pain kaikaia.

Kolosi 3:5

Baku bamna, naha tasba tânka nani man nani wînam ra bâra ba, yas prubia: upla kumi sin marit takras ni, ai maya briaia apia sa; diara tâski nani sin daukaia apia, kli sin ai brinka saura nani, bara rug lâka nani nina bliki taukaia apia sa, gridikira kaia sin apia sa. Kan baha diara nani daukaia ba lika, aidul nani ra wan pura sunaia tânka wal kumi sa.

1 Tesalonaika 2:12

Mai smalkri, man nani lika Gâd uplika nani watauki ba baku kama; witinka mai paiwi ba, ai kingka lâka bara ai prana ba sin witin ai dukia sa.

1 Tesalonaika 4:12

Naku dauki banhma kaka, lalukra apia nani ba kulkanka maikbia, bara diara kumi sin luha kama apia.

1 Tesalonaika 5:17

Piu bani puram suni banhwi bas.

Jems 4:5

Diara bâra ba mita Ulbanka ra wisa: “Gâd mita baha Spiritka wan tilara yan iwi ba ra, tâwan lawi latwan pali kaikisa.”

1 Jan 2:6

Ani uplika witin ba Gâd wal asla sa wisa kaka, witin Jisas Kraist naha tasba ra kan ba baku iwaia sa.

2 Jan 1:4

Yang uya lilia pali takri, kan man luhpiam tila nani kaikri ba ra, witin nani lika kasak tânka kat ban iwisa; Gâd Aisa dîa adarka wankan ba tânka kat.

Judas 1:23

Upla tila nani ba, pauta wina swaki sâks; bara kli upla wala nani ra lika umpira kaiks, witin nani ba sîa bris, ai kwalka nani ba kat sin sibrinka bris, kan baha ba sut sin tâski pali takan sa, ai rayaka saura ba mita.