Roman 12:9 - DAWAN BÎLA AISKA

⁹ Latwan kaiks kasak tânka ra wal pana pana. Saura lâka ba misbara kaiks, kuna diara pain ba nina blîks.

Roman 12:9 ပူးပေါင်းရင်းမြစ်များ

Lawana Nani 101:3

sip kaikanki ba, mangki brimna apia, baha nani tanis tiwaia yabalka ra tauki ba ra. Misbara kaikisna baha nani Gâd lâka briras watauki ba, ¡swirka witin nani laimara sin balbia apia!

Lawana Nani 119:104

Man lâmka bîla nani ba wina, yang diara tânka brisni; baha mita misbara kaikisni, kunin watawi lâka nani ba.

Lawana Nani 119:163

Kunin ba waihli kulkisni, sip kupi alki takaskras; kuna smalkankam ba lika latwanka kaikisni.

Lawana Nani 34:14

Watawi lâka ba wina irbi taks, bara yamni ba dauks, kupia kumi lâka ba pliki nina bliki bas.

Lawana Nani 36:4

Ai krikrika ra aitniki, saura daukaia dukiara luki kaikisa; saurka lâka yabalka ra karna pali alkan ba mita, watawika lâka ba lulki swin daukras sa.

Lawana Nani 45:7

Man ba diara yamni nani ba lihkisma, bara diara saura nani ba lika misbara kaikisma. Baha mita sika, Dawan bâk mai saki mai brin, man Dawankam ba mita bara lilia ni mai banhkan sa, uplikam wala nani ba wal.

Lawana Nani 55:21

Ai aisinka nani ba butar lalalnika baku aisisa, sakuna ai lukanka nani ba lika war bukisa. Ai bîla aisinka ba batana baku swapni sa, sakuna baku apia sa, sim sord malika baku brisa.

Lawana Nani 97:10

Dawan ba latwan kaikisa, baha uplika nani saura ra misbara kaiki ba; kasak luki nani rayaka ba, kan kahbi brisa; upla watawikira nani mihta ra kauhaia ba wina dakbi sakisa.

Sins Lâka 26:25

Witin ai bîla yamnikira baku aisi ba ra, witin ra kasak lukpara; kan ai lukanka saura lâka ni banhwan sa.

Sins Lâka 8:13

Dawan ra kulkaia lâka tânka ba lika, saura lâka ra misbara kaikaia ba sika yang misbara kaikisni, praut lâka ba bara tara pulan lâka ba ra sin. Yabal saura ba bara kunin aisaia lâka sut ba saura kaikisni.

Isikiel 33:31

Baku bamna, upliki ba aula Dawan lamara, bara bal iwbia, ai natka ba baku, bîlam ba walaia. Kuna walan daukras. Kli kli aisisa latwan lâka lawana ba baku, kuna ai kupia ba lika lalah ninara auya sa.

Emus 5:15

¡Diara saura daukaia ba, man nani misbara kaiki bas! ¡Bara diara yamni daukaia ba latwan kaiks! Aman kaiks lâ pliska nani ra lâ kasak ba daukbia, baku daukma ban kra karnika sut pali brih Dawanka ba, Israel luhpia nani kau bâra ba, ban umpira kaiki bâra swibia.

Matiu 26:49

Bara witin Jisas lamara bal, win: —¡Naksa, Smasmalkra! Bara witin ra kiawalan.

Jan 12:6

Judas naha aisin na lika umpira nani ra luki lika apia, kuna witin ba âimplikra kan ba mita, bara baha purkara lalah sakbatka ba twilki kata, bara witin baha sakbatka wina lalah impliki kan.

Apastil Nani Sturka 11:23

Bernabé bahara wan ba ra, kaikan nahki Gâd upla nani ra ai yamnika yaban ba, bamna witin lilia kan. Bara mahka upla nani ra smalkan ai kupia aiska ni Dawan ra kasak lukaia tânka.

2 Korint 6:6

Yang nani rayaki klin ba wal sin latan marikisna, diara kasak ba tânka kaikaia lâka ra, wan kupia takaskaia lâka bara umpira kaikan lâka ra, Spirit Holikira yang nani tani ra ba mita, wan latwanka lâka kunin âpu kira ba mita sin,

2 Korint 8:8

Yang naha na adar baku pali lika man nani ra mai wiras; sakuna want sna upla wala nani diara karna dauki ba man nani kaikaia, bara praki kaikma man nani latwanka lâka ba aitani kat brisma sapa.

1 Tesalonaika 2:3

Kan yang nani dîa aisi mai smalki katna ba lika swakwanka âpu kan; bara tâski lâka wal aisi smalkras katna, upla ra sin baha ni kunin munaia lukras kapri.

1 Tesalonaika 5:15

Aman kaiks, upla kum mita wala ra saura munbia kaka, pana saura munbiara. Sakuna, man nani piua sut pana pana walkam wal diara yamni ba daukaia trai muni bas, bara upla sut wal aikuki sin.

1 Tesalonaika 5:21

Diara nani sut ba tânka trai kaiki bas, bara dîa pain ba alki bris.

1 Timoti 1:5

Baha smalkanka ba sika, pana pana latwan kaikaia wan walka ra, kupia tâski âpu ba wina aula, kupia dara lukra yamni ba wina, bara kasak lukan lâka kunin âpu ba wina sin taki aula.

Hibru Nani 1:9

Man ba kasakka lâka ba latwan kaikram, bara saura lâka ba misbara kaikram; ba mita sika, Gâd, man Gâdkam ba mita bâk mai saki, uplika wala nani wal, man ra kau lilia tara maikan.”

Hibru Nani 12:14

Man nani upla sut wal kupia kumi lâka bri kaia trai kaiki bas, bara rayakam ba sin holikira bri kaia trai muns; kan holi lâka âpu kaka, upla kumi sin Dawan ba kaikbia apia.

Jems 3:17

Sakuna Gâd wina sinska lâka bri uplika nani ba, tâura ai rayaka ba sunu brisa; baha ningkara, kupia kumi lâka brisa, upla ra pain munisa, bara diara tânka kat dauki uplika nani sa. Umpira lâka brisa bara ai uplika ra yamni munisa; witin nani kasak kat daukisa kunin lâka âpu.

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.

1 Pita 4:8

Diara sut purkara, pana pana uplikam ra latwan kaiki bas, kan latwan lâka ba mita saurka ailal ban swih tikisa bamna.