Roman 12:7 - DAWAN BÎLA AISKA

⁷ Upla wala dukia daukaia prisantka wankan kaka, yawan daukaia sa. Ya upla smalkaia tânka bri kaka, trai kaikaia sa smalkaia warkka ra aimakaia.

Roman 12:7 ပူးပေါင်းရင်းမြစ်များ

Lawana Nani 34:11

Bal, luhpi nani, man nani, yang ra wals; yang Dawan ra kulkaia lâka ba, man nani ra mai smalkamni.

Lawana Nani 51:13

baku mika, yang bui mampara nani ra yabalkam ba smalkamni; bara saura dadaukra nani sut ba kli man ra tawi wabia.

Smasmalkra 12:9

Smasmalkra ba kau sinskira takan bara kau diara tânka kaikaia lâka upla ra smalki kan, baku sin wark tara brin, sins lâka stadi munaia, bara mahka ai tânka kat wapnika mangkan.

Aiseya 21:8

Bara aihwaki kaiki kata ba kisban: “Dawan, yang na aihwawakra watla ra, pura wina kaikisni yu aiska, tihmia sin yang aihwaki kaikisna.

Matiu 28:19

Bamna man nani nisan sut uplika nani ra was, bara yang disaipilki nani dauki banhs; tahbi dauki banhs, Aisa ba nina ra, Luhpia ba nina ra, bara Spirit Holikira ba nina ra sin.

Jan 3:2

Tihmia kan ba ra, Nikudimus ba Jisas kaikaia wan, bara naku win: —Smasmalkra, yang nani kaikisna wan smalkaia dukiara, Gâd mita man ba mai blikan sa; kan upla âpu sa sain aihka nani daukaia, man daukisma ba baku, Gâd ba witin wal apia sa kaka.

Apastil Nani Sturka 13:1

Antíoco ra serts bâra kan ba ra, prapit nani bara smasmalkra nani sin bâra kan. Baha nani sika Bernabé, Simian, nina wala Taya Siksa mâki kan ba, Lucio Cirene wina ba, Manahem, witinka Galili kuntrika wihtka, Herod wal pâwan ba, bara Saulo sin.

Apastil Nani Sturka 20:20

Sakuna takaskras mai smalki katna man nani ra dîa dîa man nani yamnikam kaia ba dukiara, ban tawan bilara, wamtla nani kat sin.

Apastil Nani Sturka 20:28

Baku bamna, man nani pali dukiamra aihwaki bas, kristian daknika ba dukiara sin, witinka nani dukiara sika Spirit Holikira mita mai mangkan, Gâd sertska uplika nani ba main kaikaia, baha witin ai tâlia ni atkan sa.

Apastil Nani Sturka 6:1

Baha yua nani ra, kristian nani ba kau ailal taki kan, bara Grik bîla aisi uplika nani mita Hibru bîla aisi uplika nani mapara brukwi aisi kan. Witin nani aisin, yu bani plun yui ba ra, ai piarkika nani ra aitani main kaikras.

1 Korint 12:28

Baku bamna, serts ra Gâd ba upla tila nani ai pliska kat mangkan sa: tâura pali, apastil nani, baha ningkara, Gâd prapitka nani; ningkara, smasmalkra nani; ningkara, sain tara nani dauki banhwi ba; ningkara, sikniskira nani raki nani ba, upla ra hilp muni banhwi ba, tâ bri uplika nani bara bîla sât sât aisaia sinska bri banhwi ba.

1 Korint 12:5

Napakan warkka daukaia ba sât sât bâra sa, sakuna Dawanka kumi dukia sika yawan dauki ba.

1 Korint 14:26

Bamna, muihki nani, tânka na naku sa: Asla takisma ba ra upla kum ba Lawana Nani Pura Sunra nani ba brisa, wala ba smalkanka nani, wala ba Gâd wina diara kum param saki marikan ba, wala ba bîla tringsar nani ra sturi yamni kum, bara wala lika aisi smalkan nani na tânka param aisaia. Âu, diara bani ra serts uplika nani ba, spirit mapa ra yaka pâwaia dukiara kaia sa.

Galesha 6:6

Ani uplika sturi yamni smalkanka lan taki ba, dîa dîa witin bri ba wina ai smasmalkra ra hilp yaia sa.

Epesus 4:11

Bara upla nani ra prisant nani yan, tila nani apastil nani kaia, wala nani ra lika Gâd dahra aisaia, bara wala nani ra swaki sakan lâka sturka ba smalkaia, wala nani ra lika sepad nani bara smasmalkra nani kaia.

Kli Smalkanka 33:10

Jekob ra bara Israel ra man lâmka bara adarkam nani ni smalks; man altarkam ra bara Dawan lamara, witin kaiki ba ra sîka mâka kîa yamni, daiwan angkan sin sakripaiska daukisa.

Kolosi 4:17

Naha na Arquipo ra wis: “Dawan napakan warkka ra mangkan ba trai muni lâ kat tauki kabia.”

1 Timoti 2:7

Naha dukiara yang na bîla twatwilkra bara apastil baku ai mangkan sa, kasak lukan lâka bara kasak tânka ba sin, Ju apia nani ra aisi smalkamna wisi. Yang diara kasak ba kat aisisna, kunin aisaras.

1 Timoti 3:2

Baha mita, tâ bri kum ba pâtkas uplika kaia sa; witin ai maya kumi baman bri kaia sa, bara ai rayaka ba wapni, sinskira bara kulkanka bri kabia. Witin ba ai watla ra upla tringsar nani briaia wilin kaia sa; upla smalki lan kaia sa;

1 Timoti 4:16

Man pali wînam ba kat aman kaiki bas, bara smalkankam ba sin, naha nani na ban dauki bas. Man naha na daukma kaka, wînam ba swaki sâkma, bara upla nani man ra wali banhwi ba sin baku takbia.

1 Timoti 5:17

Almuk nani serts tâ pain bri nani ba, witin nani ba aima wâl prais kulkan kabia, bara kau pali baha nani upla nani ra aisaia bara smalkaia warkka karna dauki nani ba.

2 Timoti 2:2

Witnis ailal mawanra yang aisari bîla nani walram ba, baha ba upla kasak nani mihta ra mangks, witinka nani mita upla wala nani ra smalkaia sip kabia ba.

2 Timoti 2:24

Dawan napakanka kum lika unsabaia apia sa. Witin lika upla sut aikuki pain kaia sa. Witin ba upla smalkaia mapa ra pain kaia sa; bîla kaikanka bri kaia sa,

2 Timoti 4:2

sturi yamni ba smalki kama, bara ban uya smalki bas, piua yamni brisma, bara âpu kama sin. Upla nani kupia alki bas, lawi dauki bas, bara tâ baiki bas, bara wihka bîla kaikaia lâka aiska ni upla nani ra smalks.

1 Samuil 12:23

Bara yang maipa ra sin saurka kabia man nani tâmwan puri sunras kamna kaka, baha ba kanra yamni sa, yang mai smalkamna diara kau yamni bara wapni ba daukaia.