Roman 12:2 - DAWAN BÎLA AISKA

² Bamna kli naha tasba lâka tânka ba kat iwi kapara; sakuna lukankam pali ba lakma, bara baku mika rayakam aiska ba tâwan kabia. Baha mita sip kama Gâd kupia lâka pali ba tânka briaia, baha tânka ba lika dîa pain ba, Gâd yamni kaiki ba, bara witin wapni kaiki ba lukma.

Roman 12:2 ပူးပေါင်းရင်းမြစ်များ

Esdras 10:11

Baku bamna, man nani nanara aisikam nani Dawanka bara Gâdka ba mawanra pâtkira banhwisma ba damra wals, baku bamna Dawan lâka ba alki dauks, idan uplika nani lâka ba wina dakwi taks, baha purkara tringsar mairin nani ba wina sin.

Lawana Nani 119:103

Man pramiskam nani ba yang dairkaya ra damni pali sa, bîli ra nasma baku sa.

Lawana Nani 119:128

Baha mita tâi briram man lâmka nani bâk, bara misbara kaikisni kunin daukanka nani ba.

Lawana Nani 119:174

Dawan, ¡swaki ai sâkma brinki sa, yang yamni lilia daira walisna!

Lawana Nani 119:72

Yang maipara kau tara sa, man smalkankam ba, kau pain sa, gul bara silbar mâ tausin ailal briaia ba wal.

Lawana Nani 119:97

¡Nahki man smalkankam ra latwan kaikisni! Bahara yang yu aiska lukisna.

Lawana Nani 34:8

Man nani, Dawan tânka ba kaiks pain sa bara tânka brima. ¡Lilia pali sa baha uplika, Dawan kat ai yukuwaika kulki ba!

Lawana Nani 51:10

Gâd, ¡yang ra kupi lukanka tâski âpu ba aik! ¡Bara spirit raya kum kasak ba sin aik!

Impakan Sturka 23:2

“Upla ailal pali witin ai saurka dauki auya ba nina blîkpara. “Witin nani diara warha daukaia dukiara lâ mapara aisi nani wal ba lâka ra tniwpara;

Isikiel 18:31

Yang maipara saura daukram sut ba wina tnaya ra taks, kupiam ra spirit raya bris. ¿Dîa muni pruaia kabia, Israel luhpia nani ba,

Isikiel 36:26

man nani ra kupia raya kum mangkamna bara spirit raya kum sin mangkamni. Man nani wina sakamna kupia karna walpa baku ba, bara kupia swapni mangkamna.

Matiu 13:22

Kiaya nani tilara saumuk mangkan ba lika, sturi yamni ba walan, sakuna naha tasbaya dukia nani ra lukan man, bara yuyaka nani mita kunin munisa. Naha sut mita sturi yamni ba blaki ikisa, bara naha uplika nani ra sip yan mâ sakras.

Mark 4:19

sakuna naha tasba dukia nani ra lukan man, tasba yuyaka bahki mita kunin sin munisa, bara diara sât sât nani ba brin dauki, nina blikisa. Naha sut ai kupia ra dimi, sturi yamni ba blaki ikisa, bara naha nani sip yan mâ briras.

Jan 14:30

“Nanara diara kau manis man nani wal aisaia apia sna, naha tasbaya ra wihta ba aula bamna. Karnika kumi sin yang purira âpu sa sakuna,

Jan 15:19

Man nani ba naha tasba wina katma kaka, naha tasba wina uplika nani mita ai tahkia nani ra baku latwan mai kaikaia kan. Sakuna yang bui man nani ba naha tasba uplika nani tila ba wina bâk mai saki mai briri, bara baha mita sika naha tasba uplika nani mita misbara mai kaiki ba, kan nanara man nani lika naha tasba wina uplika apia sma.

Jan 17:14

Yang bui witin nani ra man smalkankam bîla ba yâri, sakuna tasba uplika nani mita misbara kaikisa, kan baha nani ba naha tasba wina apia sa, yang sin naha tasba wina apia sna ba baku.

Jan 7:7

Tasba uplika nani man nani ra sip misbara mai kaikras sa, sakuna yang ra lika misbara ai kaikisa, kan yang lika witin nani diara saura nani dauki ba witniska sna.

Roman 12:1

Baku bamna, muihki nani, Gâd kupia pihni lâka ba dukiara mamkabisna, man nani wînam aiska ba prisant raya kum baku ai mihta ra mangkma, baha ba holikira prisant yaia sma ba tânka sa.

Roman 13:14

Sakuna, Dawan Jisas Kraist ba ni war aiklabaia prâka baku dims, bara wînam brinka saura nani baman pliki dauki âmyapah kaia upla natka kaia lukpara.

Roman 7:12

Baku bamna, lâ ba lika holi sa, bara lâ bîla ba sin holi sa, bara kasak pain sa.

Roman 7:14

Bamna yawan kaikisa lâ ba lika spirit tani dukia, sakuna yang na upla wîna tara pali brisna ba mita, saurka lâka albika kaia wisi ai atkan sa.

Roman 7:22

Kupi munhtara lika, Gâd lâka ba yamni kaikisna,

1 Korint 3:19

Kan naha tasba sinska lâka ba Gâd mapa ra sins âpu dukia baku sa. Ulbanka ra wi ba baku: “Gâd mita sinskira nani ba ai âuyama lâka kat prak alkbia.”

2 Korint 4:4

Witin nani sip kasak lukras sa, kan naha tasba gâdka ba mita sinska nakra ba blain daukan; Kraist pranakira smalkanka ingnika ba kaikbia sîa, witinka lika Gâd talia pali ba.

2 Korint 5:17

Baku bamna, ya Kraist wal asla takan sa kaka, witin lika upla raya kumi sa; diara almuk nani ba lui wan sa, bara nanara diara raya baman takan sa.

Galesha 1:4

Kraist sika yawan wan saurka dukiara ai wîna tara aiska ba prura mihta ra mangkan, Gâd Aisa kupia lâka ba kat, naha tasba saura na wina pri wan sakaia.

Epesus 1:18

Gâd ra makabisna man nani sinskam ba ilingbia, baku mika tânka bri kama dîa dukia bîla kaikaia wisi mai paiwan ba, bara Gâd ai uplika nani ra diara yaia pramis munan ba nahki yuyakira bara pranakira sa,

Epesus 2:2

Bamna baha piua luan ra, man nani naha tasba daukanka saura nani ba nina bliki banhwi katma, bara pirit pâsa purara karnika bri ba bîla wali dauki katma, baha piritka sika Gâd bîla wali daukras nani tâ bri ba.

Epesus 5:17

Man nani sins âpu baku kapara; sakuna Dawan kupia lâka ba dîa sapa tânka pain bris.

Kolosi 1:9

Baha mita yang nani baha walri yua ba wina, man nani mamta takaskras puri suni banhwisna, bara Gâd ra yang nani makabisna, man nani ra ai kupia lâka yamnika ba mamrikbia, bara sins lâka sât sât nani sin maikbia, bara diara tânka kaikaia spiritka ba sin.

Kolosi 3:10

bara tânka raya ba prâmka baku dimram, baha ba kli raya takisa Gâd bui daukan ba tânka kat, witin ai tânka pain bribia ba kat.

Kolosi 4:12

Epafras, Jisas Kraist napakanka kum man nani tilam wina ba, ai lakula blikisa. Witin ai pura sunra bâk upla sut dukiara uya makabisa, man nani ba pain bapi bûi kama, bara Gâd kupia lâka daukaia wilin pali nani kama.

1 Tesalonaika 4:3

Man nani wina Gâd diara want ba naha sika: witin ai dukia nani kama, bara ya marit takras kaka, ai maya briaia apia sa.

Taitus 3:5

witin swaki wan sakan. Baha ba lika yawan mita diara pain nani kra daukan tâwan lika apia, sakuna umpira wan kaikan ba mita. Sikbi wan sakan bâk witin mita swaki wan sakan, bara baha tânka ba lika, yawan na kli aisubi takan, bara Spirit Holikira mita rayaka raya wankan ba bâk sin.

Jems 1:27

Gâd Aisa mapa ra kristian lâka klin bara tâski âpu ba naha sika: Tuktan rau nani bara piarka nani ra hilp munaia, bara naha tasbaya dukia saura nani wal tâski takaia apia.

Jems 4:4

¡Alai upla sip kasak lukras sma nani ba! ¿Man nani kaikras sma ki, tasba ra latwan kaikaia lâka ba lika, Gâd wal waihla takaia lâka ba? Ya ya tasba ra latwan kaikisa kaka, Gâd wal waihla takisa.

1 Pita 1:14

Luhpia kiama lihni nani baku bas, bara kau Gâd ra kakaira apia katma ba ra, brinka karna nani bri kapram ba, kli daukpara.

1 Pita 1:18

Bamna Gâd ba baha rayaka bahki, almuk nani wina briram ba tila wina swaki mai sakan; bara man nani pain kaikisma, wan swaki sakan mana ba lika, diara aisawi nani ba wal aibapras kan, gul bara silbar baku;

1 Pita 2:3

Baku ba kasak pali man tânka briram sa kaka, Dawan ba yamni sa.

1 Pita 4:2

kau naha tasba ra kabia piua ra, upla wîna brinka nani kat kli daukaia apia, kuna Gâd kupia lâka kat lika iwi kaia.

2 Pita 1:4

Naha dukia nani tila bâk pramis nani sin wan munan, bara baha nani ba uya tara bara manakira pali sa; bamna baha sim pramiska nani bâk, sip kama Gâd tânka ba man nani briaia, bara brinka saura nani naha tasba ra tâski lâka bri balan ba wina swakwaia.

2 Pita 2:20

Baku sin, baha nani wan Dawan Sasakra Jisas Kraist wal kakaira takan ba, witin nani lika naha tasba tâskika wina swak takan sa, sakuna baha diara tâski nani ba mita kli blaki pura lubia kaka, witin nani lika kanra kata ba wal kau saura takan sa.

1 Jan 3:13

Muihki nani, naha tasba uplika nani mita misbara mai kaikisa kaka, baha dukiara aihka lukpara.

1 Jan 5:19

Yawan pain kaikisa Gâd uplika nani sa, bara tasba aiska na lika Sitan karnika mununhtara sa.

Param Marikanka 12:9

Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.

Param Marikanka 13:8

Tasba paskan piua wina, Sîp Luhpia ikan ba raya kaia wauhkataya ba ra nina ulbras uplika nani tasba ra ba baha nani baman, baha daiwra saura ra mayunbia.