Roman 12:19 - DAWAN BÎLA AISKA

¹⁹ Muihki laitwankira nani, saura mai munan ba tâwan upla ra pana saura munpara, sakuna swis Gâd mita uplika ba ra klala yabia, kan Ulbanka ba wisa: “Yang mita lika klala yaia sna; bahamna Dawan bila: Swis yang baha ba kasakka lâka ra aibapamna.”

Roman 12:19 ပူးပေါင်းရင်းမြစ်များ

Sins Lâka 20:22

Wipara: “Saura ai munan ba pana mana yang bui aibapamni”; Dawan ra kasak luks, bara witinka mai swaki mai sâkbia.

Sins Lâka 24:29

Pana munaia lâka ba ban pali lukankam ra bripara, wala ra munma kra sin dukia witin mita mai munata ba baku.

Jirimaya 51:36

Dawan aisisa: “Kasakka lâka ba yang dauki maikamni, waihlam nani ba ra pana munamna. Babilon ra awala nani bara lî kârma nani ba sut pali lâkamna.

Isikiel 25:12

“Yang Dawan sna ba, naku wisni: Edom ba Juda ra pana munaia lâka daukan, bara baku saura pali pâtkira takan sa.

Libait Lâka 19:18

“Uplikam mapara pana munaia kupiam saura lâka daukpara. Uplikam ba latwan kaiks man wînam baku. Yang sika Dawan.

Matiu 5:39

Sakuna yang mai wisna: Upla saura mapara bupara; sakuna, ya mita mamwan tani kum ra prukbia kaka, tani wala ba sin laki yas.

Roman 12:14

Rau mai sauhki nani ra yamni muns; Gâd ra makas witin nani ra yamni munbia, kuna saura munbia dukiara lika apia.

Roman 12:17

Upla kumi ra sin saurka tâwan pana saura munpara. Trai muns upla sut mawanra diara pain baman dauki kaia.

Roman 13:4

Kan tasba wihtka nani ba Gâd warkka daukisa man ra yamni mai munaia dukiara. Sakuna man saura daukisma kaka, sibri kaia sma, kan tasba wihtka nani mita pâtkas lika klala maikbia apia. Witin nani Gâd warkka dauki ba mita, saura dauki nani ra klala yabisa, witin nani briaia praiska ba kat.

Epesus 4:27

Bara dibil ra sans sirpi kumi sin yapara.

Kli Smalkanka 32:35

yang pana munaia yua dukiara ai mana ba aibapi yamni, sauhki tikan kaia yua ba pat baila sa. ¡Awarka ba sin pat lamara sa!

Kli Smalkanka 32:43

“¡Nisan nani, Gâd uplika aikuki lilia bas! ¡Witin pana muni ikbia ai albika nani tnata mana pana munaia lâka bal bribia ai waihla nani dukiara bara ai kuntrika uplika ra pâtka ban swih tikbia!”

1 Tesalonaika 4:6

Upla kumi mita sin naha bisniska dukiara ai muihni ra kunin muni tâski lâka daukbiara. Naha dukia na kaina manis wina latan mai wi banhri: Ani uplika nahmuna swakwanka nani daukbia kaka, Dawan mita witin ra klala yabia.

2 Timoti 4:14

Alejandro bras warkka dadaukra ba, uya diara saura nani ai munan; Dawan mita witin ra dîa daukan ba kat ai mana yabia.

Hibru Nani 10:30

Yawan kaikisa Dawan ba naku aisan: “Upla ra klala yaia ba yang mihti ra sa; yang mita sika aibapamna ba.” Bara naku sin aisisata: “Dawan ba ai uplika nani lâka daukbia.”

1 Samuil 25:26

Ban sakuna, kasak tânka ba kat man bui bal tala kaiki, mihtam ni kasakka lâka ba daukaia Dawan wina man ra maikras kan. ¡Dawan baku brin daukbia, man waihlam nani sut, wala nani sut sin saura mai munaia pliki nani ba, witin nani sut Nabal klala brin ba bribia!

1 Samuil 25:33

bara man sin yamni pali kama lâmka yamni brisma ba tâwan naiwa man bui ai takaskram, yang bui tala laikaia kapri mihti ni, kasakka lâka daukaia ba wina.

1 Samuil 26:10

Dawan nina ra yang swer aisisni, witin bui rayaka ba sâkbia, ai piua balbia bara prubia, apia kaka war aiklabi prubia.

1 Samuil 26:11

Dawan swaki ai sâkbia, witin bui saki king mangkan kingka ra ikaia lukri ba. Bamna ai langsika, ai laya watla ba sin bris bara kaisa mahka wap.