Roman 12:16 - DAWAN BÎLA AISKA

¹⁶ Uplikam wal asla iwi bas. Man nani ba kau tara sma lukpara, sakuna bawikira baku bas. Man nani ba sinskira sma lukpara.

Roman 12:16 ပူးပေါင်းရင်းမြစ်များ

2 Kronikas 30:12

Gâd sin upla nani ba nikban Juda wina king adarka ba kat daukaia, bara wihta nani win ba kat sin, baku Dawan blikan ba kat.

Job 36:5

Gâd ba lika karnakira pali sa, bara sinskira tara pali sa, bamna witin pâtkas uplika ba baha kulkras sa.

Sins Lâka 17:5

Upla umpira lawaska kiki uplika ba, ai Papaskrika ra mapara buisa, ai pâtka tara ba dukiara lilia taki ba sin, klala briras ban kabia apia.

Sins Lâka 19:17

Diara luha uplika ra diara lin muni ba, witin Dawan ra lin munisa; bara Dawan wina witin ra ai mana ba kli aibapbia.

Sins Lâka 19:22

Kupia pihni upla ra umpira kaikan lâka ba, upla nani bui ai âuyapah kulkisa; upla umpira kunin aisaras ba, kanra yamni sa, upla kuninkira ba wal.

Sins Lâka 19:7

Upla umpira ba, muihnika nani sut mita sin witin ra misbara kaikisa; kau asla ai uplika nani sin, witin wina laihura itwi takisa.

Sins Lâka 26:12

Taniskira wina kau bîla kaikaia sip sa, wihki ya uya sinskira puli ba wal.

Sins Lâka 26:5

Upla taniskira mapara pana aisaia lan kaia, witin ai sinska pali ba tara baku kaikbiara sîa.

Sins Lâka 3:7

Man ba sinskira pali sma lukpara; Dawan ra kulkanka yas, bara saura ba wina mahka tawi was,

Aiseya 5:21

¡Man nani ra saura kabia, sinskira sma lukisma ba diara sut tânka brisma baku damra walisma ba!

Jirimaya 32:39

Yang daukamna witin nani ai kupia aiska ai rayaka aiska ni yang ra baman pain ai kulkaia, witin nani ai yamnika dukiara ai kiamka nani yamnika dukiara sin daukaia.

Jirimaya 45:5

¿Man baman diara painkira kum makabaia lukisma? Baku kaka makapara, kan pât nani ba upla sut purara yang blikaisna. Sakuna diara kumi baman mai daukamna: ani anira wama ba mai swirka pruma apia, raya kama. Yang, Dawan, kasak aisisna.’ ”

Matiu 11:5

Wis nahki kaikras nani kaiki ba, skahwa nani wapi ba, liparkira nani rakan sa, kiama prawan nani ba walaia sip sa, pruan nani ba kli bukan sa, bara umpira nani ra sturi yamni ba smalkan sa.

Matiu 26:11

Upla umpira nani ba man nani aikuki ban bri kama, sakuna yang lika tilamra ban ai bri kama apia.

Luk 14:13

Baku bamna, plun tara daukma ba ra, upla umpira nani ba paiws, mina dakwan nani ba, skahwa nani bara blain nani ba sin;

Luk 6:20

Jisas ai disaipilka nani ra kaiki, win: “Man nani umpira nani, liliam bas, kan Gâd king aimaki lâka ba, man nani ra maikan kabia.

Apastil Nani Sturka 4:32

Lalukra daknika aiska ba lika ai kupia lukanka kumi baman brin kata, bamna upla kumi sin wiras kata dîa bri kan ba witin yakan ai dukia sa, sakuna diara nani sut ba witin nani sut ai dukia baku kulkan.

Roman 11:20

Aitani, sakuna baha nani kasak lukras kan ba tâwan klaki sakan, bara man lika ban bâra sma kasak lukram ba mita. Baku bamna, man mamyunpara, sakuna sibrinka lâka ni bri bas.

Roman 11:25

Muihki nani, Gâd daukanka dahra prakan ra bâra ba tânka brima brin ai daukisa, man nani ba sinskira sma lukaia apia dukiara: Tila Israel luhpia nani kupia karna takan ba, Israel apia nani ba sut Gâd ra brih balaia piua kum praiska baman dukiara sa.

Roman 12:3

Baha karbanka Gâd kupia pinhka ba mita purira sunan ba mita sika, man nani sut ra mai wisna, upla kumi bani ai dukiara dîa lukaia ba kau pura lui lukbiara. Ban sakuna, kumi bani ai sinska pain bri lukaia sa, Gâd ai kupia yamni prisantka nani mita kasak lukan lâka mita yaban ba kat.

Roman 15:5

Gâd sika wihka bîla kaikaia lâka bara maisa nihkan lâka wanki ba, bamna witin mita hilp mai munbia walkam wal sim baku baman luki kaia, Kraist Jisas tânka ba kat.

Roman 6:2

¡Sip apia pali! Yawan lika pat saurka lâka mapara pruan; bamna, ¿nahki yawan saurka lâka wal ban raya iwi kaia sa ki?

1 Korint 1:10

Muihki nani, wan Dawan Jisas Kraist nina ra man nani ra makabisni: diara nani aisisma ba mapa ra aikuki kupia kumi asla taks, bara baku mika, man nani tilamra dakwi takan lâka nani âpu kabia; sut aikuki asla pali banhwi bas, kupiam lukanka kumi brih, bara dîa daukaia lukisma ba mapa ra sin kumi kaia.

1 Korint 3:18

Upla ai kupia ra kunin munbiara. Man nani tilam wina kumi, naha tasba sinska lâka kat witin ba sinskira sa lukisa kaka, witin ba sins âpu baku takaia sa, bara baku lika kasak sinskira pali kabia.

1 Korint 4:10

Kraist tâwan yang nani na sins âpu baku ai kulkan; sakuna man nani lika Kraist tânka nani briaia mapa ra sinskira nani sma lukisma. Yang nani na swapni, sakuna man nani lika karna. Yang nani bahki ai kulki, sakuna man nani ra lika mai kulkisa.

1 Korint 6:5

Naha lika man nani swiram daukaia wisi mai wisni: ¿Man nani tilamra sinskira kumi pan âpu sa ki, upla ai muihni wal unsaban bri ba lâka daukaia sip ba?

1 Korint 8:2

Ani uplika diara tânka manis kaikisa luki ba, witin lika dîa tânka briaia lan kaia kan ba, kau lan âpu sa.

2 Korint 13:11

Bamna nanara, muihki nani, rayakam aihwa takaia lâka pliks, maisa nihkan lâka bri bas, aikuki asla pain bara kupiam kumi bas. Bara kupia kumi lâka bara latwan lâka Gâdka ba man nani wal kabia.

Pilipai 1:27

Man nani rayakam ba Kraist sturka yamni ba kat bri bas. Baha mita, man nani ra mai kaikaia wamna, apia kaka laihura kamna kra, man nani sturkam walaia want sna, man nani ba sip pali sma, bara asla pali, bakahnu sin sturi yamni wina kasak lukan lâka ba kat alki bri kama.

Pilipai 3:16

Sakuna naha na lika: yawan luki iwi kaia sa dîa pat alkan ba kat.

Pilipai 4:2

Evodia ra bara Síntique ra sin makabisni, trai kaiki wal ai kupia kumi lâka daukbia Dawan ra, ai muihni nani baku.

Hibru Nani 13:5

Man nani lalah ra latwan kaikpara; man nani dîa brisma ba wal liliam bas, kan Gâd mita naku aisisata: “Yang sip ban mai swimna apia, mahka lulki sin mai swimna apia.”

1 Pita 3:8

Tnata ra, man nani sut kupia kumi lâka ra iwi bas; pana pana walkam ra umpira kaiki bas, bara pana pana sin aikuki muihkam baku latwan kaiki bas. Man nani kupiam swapnikira bara bawikira nani bas.

1 Pita 5:3

Baha nani mihtam ra mangkan ba purara dawanka baku kaia lika apia, sakuna tânka nani mariki bas daukankam ba ni sin.

3 Jan 1:9

Yang Kraist daknika ra wauhkataya kum ulbri, kuna Diótrefes wan lâka ba kulkras kan, witin ba tâ uplika aimakaia want sa bamna.