Roman 12:15 - DAWAN BÎLA AISKA

¹⁵ Lilia uplika nani wal liliam bas, bara ini uplika nani ba wal sin ini bas.

Roman 12:15 ပူးပေါင်းရင်းမြစ်များ

Nihimaya 1:4

Baha sturka nani walri ba ra, yang mahka iwi inri, kupi sin kriwan bara baku yu ailal kasak sari briri, plun sin piras kasbrika purara Gâdka ra puri sunri.

Job 2:11

Baku bamna, Job ai pânika nani yumhpa bri kan: Elifaz, Temán tasbaya wina, Bildad, Súah tasbaya wina, bara Sofar, Naamat tasbaya wina. Witin nani Job ra dîa pâtka takan ba sut wali banhwan, bara witin nani aitani lukan witin ra wih maisa nihkaia bara ai pâtka tara wahwi ba tilara ai lamara kaia.

Job 30:25

¿Pât bri nani ba tâwan inras katna ki, diara luha nani ba dukiara kupi swapni briras katna ki?

Smasmalkra 3:4

Inaia piua bâra sa, kikaia piua sin bâra sa. Sari briaia piua bâra sa, lilia yua sin bâra sa.

Jirimaya 38:12

Jirimaya ra win: —Kwala ba ni klukiam ra mangks, kialira ba kat mangkan latwan maikaia apia dukiara. Bara Jirimaya ra win ba baku daukan.

Jirimaya 9:1

¡Aitani lukaina naikra nani ba lî kârma kum baku kata, naikra laya ba tingni lî aubi ba baku kaia, bamna kakna ra bara tihmia ra ini kaia yang upliki nani pruan ba pura mata!

Luk 1:58

Ai watla lamara iwi nani bara ai taya nani sut lilia lakula daukaia wan, bara baha nani kaikan nahki Gâd mita Elisabet ra yamni munan ba.

Jan 11:19

Ju nani ailal aidrubi balan kata, Marta bara Meri wal ra maisa nihkaia, ai lakrika Lasarus pruan ba dukiara.

Apastil Nani Sturka 11:23

Bernabé bahara wan ba ra, kaikan nahki Gâd upla nani ra ai yamnika yaban ba, bamna witin lilia kan. Bara mahka upla nani ra smalkan ai kupia aiska ni Dawan ra kasak lukaia tânka.

1 Korint 12:26

Wan wîna tara sirpika kum pât wahwisa kaka, wîna sirpika wala nani ba sut sin wahwisa; bara wîna sirpika kum ra prana yabuya kaka, sirpika wala nani ba sut aikuki lilia takisa.

2 Korint 11:29

Upla kum siknis takisa kaka, baha lika yang pali siknis takisna baku lukisna. Upla kum batakisa kaka, yang uya swiri ai daukisa bara kupi sin sauhkisna.

2 Korint 2:3

Baha mita dîa daukri ba tânka kat man nani ra ulbri, kan yang balamna piua lilia ai daukaia kan uplika nani mita, sairka kra paskbiara sîa; kuna kau ni lilia ai dauki banhwaia kan. Bamna kasak daira wali kapri yang lilia kamna, bara man nani sut sin lilia bri kama.

Pilipai 2:26

Witin ba man nani sut mai kaikan daukisa, bara uya lukisa witin ba siknis sa sturka wali banhram ba dukiara.

Pilipai 2:28

Baha mita, kau witin ba blikan pali ai daukisa, man nani mita kli kaiki liliam takma dukiara, bara yang sin uya sari pali kamna apia.

Hibru Nani 13:3

Silak ra mangkan uplika nani ba kupiam krauki bas, man nani sin witin nani aikuki silak watla ra kapram kan baku. Rausauhkan uplika nani ba ra luki bas, man nani sin witin nani wal baku pât wahwi kapram kan baku.