Roman 12:11 - DAWAN BÎLA AISKA

¹¹ Man nani wark karna taks, sringwaskira nani kapara. Kupiam aiska wal Dawan dukia dauki bas.

Roman 12:11 ပူးပေါင်းရင်းမြစ်များ

Impakan Sturka 5:17

King fero aisi pana win: —Man nani sringwaskira nani, wark takaia want apia sma ba mita sika baku aisi taukisma ba: ‘Kaisa yawan bui Dawan ra sakripais dauki yabaia waia.’

Sins Lâka 10:26

Binigar wan napa yan srimi ba baku, kiasma wan nakra laya saki baku, baku sa upla sringwaskira ba ani anira blîkbia ba.

Sins Lâka 13:4

Upla sringwaskira kupia ra diara brin dauki ba bribia apia, ya wark takbia ba lika, tara pâwan kabia.

Sins Lâka 18:9

Sringwaskira nani bara sauhki tatikra nani ba wal, ai muihni pali takisa.

Sins Lâka 22:29

Ya ai warkka pain daukisa kaka, king dukia dadaukra kabia; bara upla bahki dukia dadaukra kabia apia.

Sins Lâka 31:15

Titan pali kau puk ba ra witin pat buisa, bara ai luhpia nani ra, ai albika mairin nani ra sin titan pata dakakisa.

Smasmalkra 9:10

Bara diara sut man mihtam ra ba mahka alki dauks, karnikam aiska ba wal; kan raiti ra wama lika bahara diara kumi sip daukras, bahara diara kumi sin man lukras, diara tânka briaia âpu bara sins lâka sin âpu.

Aiseya 56:10

Upliki nani aihwaki kaiki nani ba sut, blain man sa, witin nani sut diara tânka briras sa. Witin nani sut ba, yul bîlas wakras nani baku sa, ai rayaka aiska ba bawi bara yaprisauhkan kaiki luisa; yapan ra latwan kaikisa.

Matiu 24:12

Saurka uya kabia bamna, upla nani pana pana latwan lâka bri ba aihkika sut swibia.

Matiu 25:26

Dawanka ba bila: ‘Alba saura sringwaskira, man pain kaiki kapram yang mangkras sna ba wina dâkisna, bara diara yakabras sna ba wina wahbisna.

Apastil Nani Sturka 18:25

Naha waitnika Dawan yabalka tânka sin aitani kat lan takan kan, ai tâ baiki sin aisi kan, Jisas tânka ba param saki smalki kan, witin Jan Tatahbra tahbi daukanka tânka baman kaiki kan sakuna.

Apastil Nani Sturka 20:19

Piua bani, bawikira man nani tilamra Dawan warkka dauki kapri, naikra laya saki, traika kaikan manis tilara, Ju nani mita sin ai alki ai munaia luki kan ba tilara.

1 Korint 7:22

Kan upla kum Dawan bui paiwan bara alba kan kaka, nanara lika pri uplika sa, bara Dawan dukia daukisa; bara baha sim natka ra, ani uplika Kraist mita paiwan bara pri uplika kan kaka, nanara lika witin albika sa.

Epesus 4:28

Ya impliki kan ba, kli implikaia apia, sakuna wark takaia sa, bara ai mihta ni wark kum pain dauki ba mita witin sip kabia diara bri ba ni ai uplika nani ra hilp munaia.

Kolosi 4:1

Bamna man nani, alba dawanka nani, albikam nani ra diara yaia sma ba, pain bara kasakka lâka ra yas. Man nani sin kasbrika purara Dawankam brisma ba dukiara, kupiam krauki bas.

1 Timoti 5:13

Witin nani sin upla watla ra kirhbi wih sturi bahki baman aisi ai taimka ba bahki ra baman tikaia lan takisa; sakuna kau saura pali, witin nani ba upla nina aisaia bara upla bisniska tilara dimaia lan taki banhwisa, bara diara aisaia apia nani ba baman aisi taukisa.

Hibru Nani 12:28

Gâd king aimaki lâka wanki ba lika sip nikbras sa. Baku bamna, kaisa yawan tingki wiaia, bara Gâd ra wan pura suni mayunaia witin brin dauki natka ba kat, wan sulka mayunra ni bara kulkanka ba ni sin;

Jems 5:16

Baha mita, pana pana saurkam nani damhra sâks, bara pana pana dukiamra sin puram suni bas, bara baku lika rawma. Upla kasakkira pura sunra ba karnika tara brisa.

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.

1 Pita 4:8

Diara sut purkara, pana pana uplikam ra latwan kaiki bas, kan latwan lâka ba mita saurka ailal ban swih tikisa bamna.

Param Marikanka 2:4

Kuna mampara diara kum brisna: baha ba lika, pas latwanka lâka bri katma ba tikram sa.