Roman 11:36 - DAWAN BÎLA AISKA

³⁶ Kan diara nani sut ba Gâd wina aula, witin paskan bara witin dukiara baman sa. ¡Prana kabia Gâd ra, ban kaia ra! Baku kabia.

Roman 11:36 ပူးပေါင်းရင်းမြစ်များ

Lawana Nani 115:1

Dawan, maiyunpara, mayunra ba man bris, yang nani ra lika apia mayunra ba man bris, ¡man latwankam lâka ba mita bara man kasakkam lâka tânka ba wal!

Lawana Nani 33:6

Dawan ai bîla aisin ba mita, kasbrika purara diara bâra ba paskan bara sin ai bîla wingka puhbra ba mita paskan.

Sins Lâka 16:4

Dawan diara kumi bani daukan ba witin ai warkka dukiara sa, âu, upla watawikira ba sin daukan, trabil yua ra klala yaia ba.

Aiseya 42:12

Man nani bui Dawan ra mayunra yas, ai mayunra nani ba sturka man upla ra maisa paks kabu un nani ra.

Daniel 4:3

¡Nahki ban tara sa, ai warkka aihka nani bara ai tukinka nani ba sin! Ai king lâka ba ban kaia ra ban kabia, ai karnika ba ban kabia kiamka nani wina ban kiamka wala nani ba kat.

Daniel 4:34

“Ai piua win ba aimakan ba ra, yang Nabucodonosor, naikra kasbrika purara bukri bara laila saura takan kan ba wina rawri, bara Gâd Laih Purara yaba ra yamni pali wîri, mayunra din yabri naha bîla nani ba wal: ‘Karnikam ba ban kaia ra ban kabia; kingkam lâka ba kiamka kum wina kiamka wala nani ba kat ban kabia.

Matiu 6:13

Traika kaikan tilara ban wan swipara, sakuna saura ba wina dakbi wan sâks.’

Luk 19:38

Naku aisi banhwi kan: —¡Yamni kabia Dawan nina ra aula kingka ba! ¡Kasbrika purara kupia kumi lâka bara prana ba laih purara sa!

Luk 2:14

“¡Gâd ra mayunan kabia laih purara! ¡Kupia kumi lâka tasba ra, witin mita yamni kaiki uplika nani tilara!”

Apastil Nani Sturka 17:28

Kan yawan lika Gâd ra raya sa, aiawisa bara wan wingka puhbisa; baku sin tilam wina sinskira aisasara tila nani naku aisin: ‘Yang nani na sin Gâd taika sna.’

Roman 16:27

¡Baha Gâdka yakan ba sin sinskira ba, Jisas Kraist bâk, ban kaia ra mayunan kabia! Baku kabia.

1 Korint 11:12

Kan mairin ba waitna wina paskan ba baku, baha sim natka ra waitna ba mairin wina aisubi takisa; bara diara sut ba lika Gâd wina sika.

1 Korint 8:6

ban sakuna, yawan mapa ra lika Gâd kumi baman sa, baha sika wan Aisa. Bara Aisa ba diara sut paskan, yawan na lika witin dukiara raya iwisa. Dawan sin kumi baman sa, baha sika Jisas Kraist. Witin mita diara sut ba bâra sa, bara witin bâk yawan raya iwisa.

Galesha 1:5

¡Gâd ra mayunan kabia ban kaia ra! Baku kabia.

Epesus 3:21

¡Serts ra bara Kraist Jisas ra, Gâd ba mayunan kabia, piua nani sut ra, bara ban kaia ra ban kabia! Baku kabia.

Pilipai 4:20

Wan Gâdka ra bara Aisa ra mayunan kabia, ban kaia ban kaia ra. Baku kabia.

1 Timoti 1:17

Baha mita, ¡ban kaia ra yawan prana bara mayunra yabi kap; ban kaia Kingka ra, witin sip pruras ba, sip wan nakra ni kaikras ba, bara Gâd kumi baman ba! Baku kabia.

1 Timoti 6:16

Witin baman sika sip pruras ba; witin ba upla sip lamara waras ingnika ra iwisa. Upla kumi sin kau witin ba kaikras sa bara sip sin kaikbia apia. ¡Prana ba bara karnika ba sin ban kaia ra, witin dukia kabia! Baku kabia.

2 Timoti 4:18

bara witin sin saurka sut wina dakbi ai sâkbia bara kasbrika purara ba ai kingka lâka bara swaki ai saki ai brih wabia. ¡Witin ra prana ba yaban kabia, ban kaia ban kaia ra! Baku kabia.

Hibru Nani 13:21

Kupia kumi lâka Gâdka ba mita kasakkira nani bara diara sut mapara yamni nani mai daukbia, ai kupia lâka kaia dukiara; bara Jisas Kraist bâk, yawan sut ra dîa daukaia luki ba witin daukbia. ¡Kraist ra mayunra yan kabia, ban kaia ban kaia ra! Baku kabia.

Hibru Nani 2:10

Diara sut ba Gâd dukia nani sa, bara witin mita sin paskan sa; bara Gâd want sa ai luhpia nani sut ba ai prana ra ai dukia bri kabia. Baha mita, pât wahwan bâk, Gâd mita Jisas Kraist ba aiska aihwa daukaia kan, Jisas sika witin nani Sasakrika bamna.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.

1 Pita 5:11

Witin ra karnika ba yan kabia, ban kaia ra. Baku kabia.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.

Param Marikanka 19:1

Naha ningkara, upla ailal bîla baikra tara kasbrika purara aisi kan, yang walri: “¡Dawan nina ba mayunan kabia! Swaki sakan lâka ba, prana ba bara karnika ba, wan Gâdka dukia sa.

Param Marikanka 21:6

Baha ningkara ai win: “Pat daukan sa. Yang sika A ba bara Y ba. Ya diran dauki ba, yang raya kaia laya kârma ba wina yârika dibia, baha ba mana âpu pri pali.

Param Marikanka 7:10

Witin nani sut ai bîla baikra tara wini, aisi kan: “¡Pura luan lâka ba wan Gâdka dukia sa, witinka king iwaika ra iwi ba, bara Sîp Luhpia ba dukia sin!”

Param Marikanka 7:12

naku aisi kan: “¡Baku kabia! Mayunra ba, prana ba, sins lâka ba, tingki lâka ba, kulkan lâka ba, karnika ba, bara karna kaia lâka ba sut sin, wan Gâdka ra yan kabia, ban kaia ban kaia ra. ¡Baku kabia!”