Roman 11:33 - DAWAN BÎLA AISKA

³³ ¡Nahki Gâd yuyaka lâka ba, ai sinska lâka ba, bara diara tânka kaikaia lâka bri ba tihu pali sa! Witin ai lâka ba tânka yawan mita sip tânka briras, bara ai yabalka nani tânka ba sin sip kaikras sa.

Roman 11:33 ပူးပေါင်းရင်းမြစ်များ

Ester 2:22

Bara Mardoqueo wali, kwin mairin Ester ra win, bara Ester bui king ra win, Mardoqueo win dahra ba.

Job 10:13

Sakuna nanara kaikisna, lukanka kum man kupiam bilara yukuwan ra bri katma ba:

Job 15:8

¿Dîa man lukisma ki, man ba Gâd ra lâ tânka smasmalkrika sma? Apia kaka, ¿tasba ra man baman sinskira sma ki?

Job 23:14

Dîa witin bui yang wal daukaia brin daukbia ba baha kat daukbia, baha tnaya ra dîa wala kra bâra kaka sin.

Job 26:14

Naha na lika witin ai warkka nani pîska kum sa, yawan walan ba lika kârma binka baman, ¿ya sip sa tânka briaia ai alwanika karnakira ba?

Job 33:13

¿Dîa muni mawan kat param aisisma, dîa aisinkam nani ba mapara bîla kumi sin aisabia apia wisi?

Job 37:19

Wan smalks yang nani Gâd ra dîa aisaia, kan yang nani maipara tihmu sa, diara wiaia ba âpu banhwisna.

Job 37:23

Sip tânka briras wan munisa, Gâd karnika sut bri ba dukiara, kan witin ba karnikira, kasakkira tara pali sa, witin ba wapni sa, upla kumi ra sin taibras sa.

Job 5:9

Witin sika diara tara aihkakira nani uya daukisa, baha diara nani ba upla sip tânka briras sa.

Job 9:10

¡Witin diara manis tara aihkakira nani daukisa, baha diara nani ba upla mita sip tânka briras pali sa!

Lawana Nani 139:6

Sins lâka aihka painkira ba, yang sip alkras; ¡laih purara sa, baha yang sip alkras, baha tânka briaia!

Lawana Nani 145:3

Dawan ba tara sika, bara aitani pali witin ra mayunaia sa; witin tara sa tânka ba sin sip pliki sakras sa.

Lawana Nani 36:6

Dawan, man kasakkam ba il tarka tara nani bâra ba baku tara sa; lâmka nani daukisma ba kabu tara tihuka ba baku sa. Dawan, upla nani, daiwan nani sut bâra ba, man mita main kaikisma.

Lawana Nani 40:5

Dawan, yang Gâdki, man warkkam aihkakira nani daukram ba ailal pali sa, yang nani dukira sin man luki kaikisma ba. ¡Diara âpu sa, man wal praki kaiki bara baha ba kau yamni sa wiaia! Warkkam tânka sut ba aisi sakaia brin ai daukisa; sakuna baha sut kulki sakaia yang sip apia sna.

Lawana Nani 77:19

Man kabu ba yabal daukram; lî ailal nani bâk wapi luram, sakuna upla kumi sin, man minam taibanka ba kaikras kan.

Lawana Nani 92:5

Man Dawan, ¡nahki warkkam nani ba tara sa! ¡Nahki lukankam nani ba tihu sa!

Lawana Nani 97:2

Kasbrika twakni ni kutbi kir brisa; kasakka lâka bara diara wapni daukaia ba, ai iwaika ra alki brisa;

Sins Lâka 25:2

Dawan prana tara ba sika diara tânka nani yukuki briaia ba, bara king nani prana diara tânka nani ba pliki sakaia ba.

Sins Lâka 25:3

Kasbrika laih purara ba, wan tasba tihuka tara ba sin, king nani lukanka ba, kupia sin sip pliki sâkbia apia.

Smasmalkra 3:11

Witin mita piua kat diara sut pranakira yamni daukan; upla kupia lukanka ra mangkan diara tnata âpu ba tânka, upla ai tânka sip briras sakuna, Gâd diara tara daukan ba, baku sin kau daukaia ba.

Smasmalkra 7:24

¡Yang alkaia sna ba wina laihura baman sa, diara nani sut naha tasba ra ba! ¡Tihu pali sa, upla kumi sin tânka bribia apia!

Smasmalkra 8:17

Kau pali tânka briri upla ba sip ai tânka briras sa, Gâd bui dîa dauki ba bara sin dîa tasba ra taki ba, nahki kat tânka briaia pliki kama sin. Ban sinskira bîla wibia, witin tânka brisa, sakuna kasakka pali ba, witin sin kau tânka pliki sakras sa.

Aiseya 28:29

Karnika sut bri Dawanka ba sin ai warkka ba baku daukisa. Witin ai warkka daukaia natka nani sut aihkakira nani brisa, sins tânka tara nani ni warkka nani ba sut daukisa.

Aiseya 40:28

¿Man kaikras sma ki? ¿Man walras sma ki? Dawan sika Gâd ban kaia ba, tasba lui waia piua sin witin mita paskan ba. Witin dring swapras, swapan bara bahkia takras, witin diara tânka kaiki ba sut alkaia ba upla kumi sin âpu sa.

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Roman 2:4

Apia kaka, ¿man lika Gâd yamnika manis ba, bara wihka takaski lâka ba sin bahki kulkisma, bara damra sin walras pali sma, Gâd yamnika lâka ba lika kupiam lakaia dukiara sa?

Roman 9:23

Baku bamna, Gâd ai prana tara ba yawan bâk marikaia lukan, yaura witin yamnika kaiki ba, bara yaura sin patitara piua wina pat ridi sakan ba, ai prana ba wina ai dukia bribia.

1 Korint 2:10

Naha dukia nani sika Gâd ai Spiritka bâk, tânka nani wan marikan ba. Spirit lika diara sut turbi kaikisa, Gâd tânka nani tihu ba sin.

Epesus 1:7

Gâd latwan pali wan kaiki ai Luhpia ai tâlia laiki, pruan ba tâlia ra pri wan sakan sa, bara yawan saura daukan pâtka ba swin tiwan sa.

Epesus 2:7

Naha daukan ba ni wan marikisa, witin naika piua ra latwan tara wan kaiki kabia ba, bara yawan ra ai kupia pihni lâka ba lika Kraist Jisas ba mita baman.

Epesus 3:10

Bamna baku takan, baha mita nanara serts bâk Gâd ai sinska lâka sât sât ba yaka param kaikbia, baha nani kasbrika purara tâ aimaki nani ba bara karnika alki nani ba sut.

Epesus 3:16

Aisa ra puri sunisna ai prana kukanka ba wina, Gâd ai Spiritka ba ni man nani ra karnikam bara dîa daukaia karnika sin maikbia,

Epesus 3:18

bara baku mika man nani pain tânkam brima lalukra nani sut aikuki, Kraist latwanka lâka yahpika ba, yarika ba, tihuka ba, purara ba.

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

Kolosi 1:27

Witin nani ra Gâd mita baha yuyaka pranakira ba marikaia want kan, naha yukukanka lâka na sika Ju apia nani ra praki brisa. Bara baha yukukanka ba sika Kraist, man nani ra takaski ba, bara naika briaia bîla kaiki ba tânka kum sa.