Roman 11:30 - DAWAN BÎLA AISKA

³⁰ Man nani lika kaina piua ra Gâd bîla wali daukras katma, kuna nanara Ju nani bîla wali daukras kan ba mita, Gâd mita man nani ra kupia yamni mai kaikisa.

Roman 11:30 ပူးပေါင်းရင်းမြစ်များ

Roman 11:29

Bamna Gâd mita yabi ba witin kli dakbi sakras sa, bara paiwi ba wina kitwi takras sa.

Roman 11:31

Baha sim natka ra Ju nani ba nanara Gâd bîla wali daukras sa, sakuna baha lika man nani ra baku Gâd mita Ju nani ra ai kupia yamnika yabia baman sa.

Roman 15:9

Kraist sin balan Ju apia uplika nani sin Gâd ra mayunaia ai kupia pihni ba mita, Ulbanka wi ba baku: “Baha mita Ju apia uplika nani tilara dimi mamyunamni, lawana nani sin man ninam ra aiwanamni.”

1 Korint 7:25

Bara marit takras uplika nani ba dukiara lika, Dawan wina lâ kumi sin briras sna; sakuna yang dîa lukisna ba aisuna, Dawan mita umpira ai kaikan ba mita upla kasak kum baku.

2 Korint 4:1

Ba mita, yang nani lukanki ba kauhras, kan Gâd umpira wan kaiki ba lâka ra naha warkka ra wan mangkan bamna.

Kolosi 3:7

Bara naha diara nani sika, piua luan ra man nani rayakam ra dauki katma ba.

1 Timoti 1:18

Luhpi Timoti, naha lâka na man mihtam ra mangkisna, kasak lukan lâka wal bara sinskam pain brih, aiklabanka yamni ba aiklama, wan muihni nani Gâd nina brih, patitara man dukiamra aisi banhwan ba kat. Upla tila ba, ai kupia dara lukra ra bîla wali daukras ba mita, ai kasak lukan lâka ba sauhki tikan sa.

Hibru Nani 3:18

¿Bara ani uplika nani ra Gâd mita swer taki win, witin wal dimi ris bribia apia? Baha aisan ba lika, witin mapara bûi banhwan ba dukiara.

1 Pita 2:10

Blasi pali man nani ba Gâd uplika nani apia katma, kuna nanara lika, witin uplika nani sma; blasi pali upla kumi sin umpira mai kaikras kan, sakuna nanara lika, Gâd mita man nani ra umpira pali mai kaikisa.