Roman 11:28 - DAWAN BÎLA AISKA

²⁸ Swaki sakan lâka tânka smalkanka ba mita lika, Ju nani ba Gâd wal ai waihla baku kulkan sa, man nani Ju apia nani ra sans maikaia; sakuna Gâd mita kau ban Ju nani ra latwan kaikisa, kan ai damika nani ba wina witin bâk saki brin.

Roman 11:28 ပူးပေါင်းရင်းမြစ်များ

Blasi Sturka 26:4

Man kiamkam nani ba ailal daukamna, purara slilma nani ailal bâra ba baku, bara naha tasbaya nani sut kiamkam nani ra yabamna. Baha purkara, tasba aiska ra nisan nani sut ba witin nani ra praki yamniki yabamni,

Blasi Sturka 28:14

Man kiamkam nani ba auhya ailal ba baku ailal kabia. Bara yahbra ra, waupasa ra, lalma ra, muna ra sin kiamkam nani ba bâra kabia. Bara tasba aiska ba man kiamkam ra praki yamnika ailal yabamni.

Jirimaya 31:3

yang param takri witin ra laih wina. Yang latwan pali mai kaikri ban kaia ra latwanka; baha mita ninam blikisna yamni man dauki kaia.

Miqueas 7:20

¡Jekob kiamka wal man kasak tânka aiska sut daukma, Ebraham kiamka ra sin umpira kaikma; baku yang nani damiki nani ra blasi pali piua wina daukaia wisatma ba, man bîlam kat daukma!

Matiu 21:43

Baha mita, man nani ra mai wisna, Gâd king aimaki lâka ba man nani mihtam wina dakbi, upla nani king tasbaya mâ saki nani ra yaban kabia.

Luk 1:54

Ai napakanka Israel ba hilp munan; ai kupia swapni lâka sin ai âuya tikras kan,

Apastil Nani Sturka 14:2

Sakuna tila Ju nani kasak lukras kan ba mita, Ju apia nani ra maisa pakan, wan muihni nani mapara saura lukaia.

Apastil Nani Sturka 18:6

Sakuna witin nani mahka pali bûi, witin mapara swira bîla nani aisin. Bara Pal ai kwalka singbi sain kum yan, nahki witin nani tila wina taki auya ba, bara sin win: —Man nani tanis tiwma kaka, baha lika man nani pali pâtkam sa, yang laila purara baha pâtka âpu sa. Bamna naiwa na wina yang lika Ju apia nani tilara auna.

Roman 11:11

Nanara yang makabi walisni: ¿Ju nani ai mina prukan ba mita, ban aiska pali kauhan sa ki? ¡Sip apia pali! Sakuna, Ju nani Gâd bîla wali daukras kan ba mita, Ju apia nani ba swaki sakan lâka brin, bara baha mita Ju apia nani ba mapara kupia tuskanka sa.

Roman 11:30

Man nani lika kaina piua ra Gâd bîla wali daukras katma, kuna nanara Ju nani bîla wali daukras kan ba mita, Gâd mita man nani ra kupia yamni mai kaikisa.

Roman 11:7

¿Baku bamna, dîa? Israel luhpia nani pliki kan ba sip sakras kan, sakuna Gâd wahbi sakan nani ba lika sakan. Wala nani ba lika kupia karna daukan,

Roman 5:10

Bamna yawan na kau Gâd wal wan waihla kan, sakuna ai Luhpia pruanka ba mita witin wal kupia kumi wan daukan, bamna nanara kau aiska pali Kraist rayaka ba mita swaki wan sakan kabia, nanara witin wal yawan kupia kumi sa bamna.

Roman 9:5

Ju nani sut ba lika pas wan damika nani kata ba kiamka nani sa; bara ai kiamka bâk, wan wîna lâka ba kat Kraist balan, witinka diara sut Gâdka ba, bamna mayunan kabia ban kaia ra. Baku kabia.

Kli Smalkanka 10:15

Ban sakuna, Dawan Gâdkam man nani almukkam nani ra latwan kaikan, bara witin nani kiamka wina aihka sakan, baha ba man nani sika, nanara kaikisma na upla wala nani tilara.

Kli Smalkanka 4:31

Witin kupia yamni sa, lulki mai swibia apia, man nani damikam nani wal aisi yan lâka ba ai âuya lap tikbia apia.

Kli Smalkanka 8:18

Dawan Gâd ra kupiam krauks, briaia dukiara witin karnikam maikan, damikam nani wal lâ aisi daukan ba man nani baku daukaia.

Kli Smalkanka 9:5

Prisant nani ba dukiara apia man nani ra umpira mai kaikan, ai kuntrika ra man nani pliskam brisma ba. Dawan bui man nani mamwan wina saki lulkisa, witin nani ai saurka tâwan. Bara Ebraham ra, Aisak ra bara Jekob ra, man nani damikam nani ra pramis daukan ba daukbia.