Roman 11:27 - DAWAN BÎLA AISKA

²⁷ Bara naha sika yang bui witin nani wal lâ daukri ba, yang bui witin nani saurka ba sut sakamna ba ra.”

Roman 11:27 ပူးပေါင်းရင်းမြစ်များ

Aiseya 27:9

Sakuna, Jekob watawanka nani ba ban swih tikan kabia, bara naha nani taki ba tilak, witin ai saurka nani daukan ba ban swih tikan kabia: gâdkas nani altarka ba sut sauhki yuya baman daukbia. Kal walpaya akbi ba baku, Aserá lilka baha altarka ra kîa yamni angki yabi ba sut, âpu daukbia.

Aiseya 43:25

“Sakuna yang, man nani Dawankam sna bamna, saura daukram ba diki sakisna bara kli sin man saurkam nani ba dukiara kupi kraukamna apia.

Aiseya 55:3

Man nani kiamam pri tniki wals bara yang ra bal; man nani wals, bara sulkam ba raya kabia; man nani wal lâ kaia lâka ba daukamni, umpira kaikan lâka, ban kaia pramiska, Debit wal daukri ba baku.

Aiseya 59:21

Bara Dawan aisisa: “Yang lâika daukisa man nani wal yang karniki bara smalkanki, man nani bîlam ra mangkri ba, man bîlam wina taki wabia apia; man luhpiam nani bîla wina sin apia, man luhpiam nani bara luhpia nani bîla wina sin apia ban kaia ra.”

Jirimaya 50:20

Yang, Dawan ba, kasak aisisni: Baha piua ra Israel, Juda tilara pâtka kulki saurka nani ba âpu kabia, kan yang bui witin nani pâtka swih tikamna bara raya kaia swimna.

Oseas 14:2

Man nani lika Dawan ra kli tawi bal, bara naku witin ra puram suns: “Yang nani watawi daukri ba sut ban ai kulkpara, bara man ra mamyuni makabi puri suni banhwisna na, kupiam yamni lâka ra bris.

Jan 1:29

Yaprika wala, Jan kaikan Jisas witin ra aula kan, bamna upla nani ra naku win: “Kaiks man nani, naha waitnika aula na sika Gâd Sîpka Luhpia, naha tasba saurka bri saki ba.

Hibru Nani 10:16

“Baha yua nani ningkara witin nani wal lâ daukamna ba, naku kabia wisa, Dawan bila: Yang lâika nani ba witin nani kupia ra mangkamna, bara ai lukanka nani bilara baha nani ba ulbamna.”