Roman 11:20 - DAWAN BÎLA AISKA

²⁰ Aitani, sakuna baha nani kasak lukras kan ba tâwan klaki sakan, bara man lika ban bâra sma kasak lukram ba mita. Baku bamna, man mamyunpara, sakuna sibrinka lâka ni bri bas.

Roman 11:20 ပူးပေါင်းရင်းမြစ်များ

2 Kronikas 20:20

Yapra wala titan pali ba bûi banhwan, Tecoa twiya tani upla iwras tasbaya ra impakaia dukiara. Bara Josafat ai mina ra buan, naha wiaia dukiara: “Jerusalem bara Juda uplika nani, ai wali banhs: Dawan ra bîla kaikanka bris, Gâdkam ba, bara kasak tâm baikan ba damra walma; ai prapitka nani ra bîla kaikanka bris, bara diara aiska sut yamni takbia.”

Lawana Nani 138:6

Dawan ba lika purara sa, ban sakuna bawikira uplika kat kaikisa; kuna pura luan dauki nani ra lika laih wina kaikisa.

Sins Lâka 28:14

Yamni pali sa, Dawan sibrinka brih ban luki uplika ba, sakuna ai kupia karna dauki ba uplika lika trabil ra kauhi dimbia.

Sins Lâka 28:26

Tanis uplika ba lika witin ai kupia lukan pali kat luki tniwisa, sakuna sins lâka ra dauki watauki uplika lika swaki sakan kabia.

Aiseya 2:11

Witin nani baman sa praut luki, ai walka ra kaiki ba; mâyara batakan kabia; prautka lâka bri nani ba mâyara bawan kabia. Baha yua ra Dawan baman purara bukan kabia,

Aiseya 2:17

Witin nani baman sa luki purara uli wan nani ba mâya pali kat batakan kabia. Baha yua ra Dawan mita, witin baman purara ba tânka marikbia,

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Aiseya 7:9

sakuna mani 65 bilara Efraín ba kuntri apia kabia; man nani kasak lukan lâka ra bapi buras sma, man nani minam ba sin bapi bûi kama apia.’ ”

Abakuk 2:4

Naha smalkanka bîla ulbi bris: Upla watawikira nani ba ai prautka lâka ra iwisa; sakuna kasakkira nani ba lika Gâd ra kasak luki ba mita raya kabia.”

Sofonías 3:11

Baha piua ra, tawanki, man lika yang maipara bûi diara saura nani daukram ba, baha dukiara man nani swiram lukma apia. Man nani tilam wina prautkira pura luan dauki nani ba sakamni, bara yang ilki holikira ra, man nani kli pura luan lâka daukma apia.

Luk 18:14

Yang mai wisni, naha lal mana sasakra na kli ai watla ra wan Gâd bui pain kulkan ba kira, sakuna parisi ba lika apia. Kan ya ai wîna tara kulki ba, mâyara ikan kabia, sakuna ya mâyara bawi ba, tara kulkan kabia.”

Apastil Nani Sturka 18:6

Sakuna witin nani mahka pali bûi, witin mapara swira bîla nani aisin. Bara Pal ai kwalka singbi sain kum yan, nahki witin nani tila wina taki auya ba, bara sin win: —Man nani tanis tiwma kaka, baha lika man nani pali pâtkam sa, yang laila purara baha pâtka âpu sa. Bamna naiwa na wina yang lika Ju apia nani tilara auna.

Roman 11:18

Sakuna lukpara tnawa pali nani ba wal man ba kau pain sma. Man ba kau pain sma lukma ba ra, damra wals man apia sika dusa ba wakia ra alki bri ba, sakuna wakia ba sika man ra alki mai bri ba.

Roman 11:21

Bamna Gâd tnawa pali nani ra saurka swih tikras kan kaka, baku man ra sin saurkam swih tikan kabia apia.

Roman 12:16

Uplikam wal asla iwi bas. Man nani ba kau tara sma lukpara, sakuna bawikira baku bas. Man nani ba sinskira sma lukpara.

Roman 12:3

Baha karbanka Gâd kupia pinhka ba mita purira sunan ba mita sika, man nani sut ra mai wisna, upla kumi bani ai dukiara dîa lukaia ba kau pura lui lukbiara. Ban sakuna, kumi bani ai sinska pain bri lukaia sa, Gâd ai kupia yamni prisantka nani mita kasak lukan lâka mita yaban ba kat.

Roman 3:3

Bamna, ¿baha ba dîa sa ki? Witin nani wina tila nani kasakkira apia kan kaka, ¿baha tâwan Gâd mita baha nani ba kasak apia kaia tânka ra ban swibia?

1 Korint 10:12

Baku bamna, ani uplika witin ba pain bapi buisa luki kaka, aman kaikbia kauhaia apia dukiara.

1 Korint 15:1

Bara nanara, muihki nani, yang want sna swaki sakan sturka man nani ra mai smalkri ba, kupiam krauki kama. Baha smalkanka sika brisatma ba bara bahara bapi buisma.

1 Korint 16:13

Man nani aihwaki bas, bara kasak lukan lâka ra bapi bûi banhwi bas. Waitna bas. Karnakira nani bas.

2 Korint 1:24

Luki kapara yang nani bui man nani dîa kasak lukaia sma ba taibi mai munamna, kasak lukan lâka ra man nani aitani kat sma; bamna kau lilia lâka bri banhma dukiara hilp mai munaia want banhwisna.

2 Korint 10:5

Baku bamna, dahra kwakwahkra nani, wan mapara babura nani bara ai prautka lâka ra Gâd tânka kaikaia wina wan takaski nani ba sut, yang nani mita bataki banhwisna. Wan wîna sinska lâka ba sut Kraist mihta ra mangkisna, witinka ba bîla wali daukbia dukiara,

Pilipai 2:12

Baku bamna, muihki laitwankira nani, piu bani man nani wal kapri bara bîli kat wali dauki kapram ba baku, nanara laihura sna ba ra, kau bîli wali dauki banhwi bas. Ban Dawan warkka taki bas, bawikira lâka brih bara sibrinkira sin, swaki mai sakan lâka briaia dukiara;

Kolosi 2:7

witinka ra wamkia nani karna dauki brih, witinka kat spirit karnika mita nikras kira bapi bûi bas, dîa mai smalkan ba baku, piua bani Gâd ra tingki wi bas.

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.

1 Timoti 6:17

Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.

Hibru Nani 3:12

Muihki nani, aman kaiki bas, man nani wina kumi sin ai kupia saura brih, Gâd rayakira ba wina tnaya ra tawbiara, witin ra kasak lukras ba mita.

Hibru Nani 3:19

Bamna yawan kaikisa, witin nani ba sip dimras kan, kasak lukras kan ba mita.

Hibru Nani 4:11

Baku bamna, yawan karna trai muni baha riska ra dimaia sa. Yawan tila wina kumi sin baha nani kasak lukras nani kan ba baku kaia apia sa.

Hibru Nani 4:6

Baha nani sturi yamni ba pas walan ba, dimi wih Gâd wal ris briras kan, witin nani kasak lukras kan ba mita. Sakuna kau tila nani bâra sa, bara witin nani dimaia sa Gâd wal ris briaia.

Jems 2:19

Man kasak lukisma Gâd kumi baman bâra sa, bara baha ba aitani daukisma; sakuna lasa nani ba sin kasak lukisa, bara sibri tatatwisa.

Jems 4:6

Sakuna Gâd ai yamnika mita kau latwan wan kaikisa, kan Ulbanka ra naku wan wisa: “Gâd bui prautkira nani ba mapara buisa, sakuna bawikira nani ra lika ai yamnika ba ni hilp munisa.”

1 Pita 1:17

Man nani bui Gâd ra puram sunisma ba ra, witin ra “Aisa” mâkisma, witinka upla mawan kulki kira lâ daukras ba, kumi bani dîa daukan ba kat lâka daukbia bamna; ba mita man nani naha tasba ra iwisma piua aiska ba, witin ra sibrinkira kaia sma.

1 Pita 5:12

Silvano hilpka ni, witinka muihni kasakkira kum kulkisna ba, naha wauhkataya bîla prahni na mai ulbisna. Yang want sna man nani tâm baikaia bara witnis taki pali sin mai wisna: yamnika nani briram ba lika, Gâd latwanka tânka kasak ba sika. ¡Baha ba kat bapi bûi bas!

1 Pita 5:9

Kasakkam lukan lâka kat bapi, witin mapara bûi bas, kan man nani kaikisma muihkam nani sut tasba aiska ra sim pâtka nani wahwisa.

Param Marikanka 18:7

Witin ai wîna ra aimayuni ai liliaka tanis brin ba baku, sim daukan ba mana kat yas, witin ra latwan bara rausauhkan sin yas. Kan witin ai kupia ra wisa: ‘Yang lika nahara kwin mairin baku iwisna; piarka apia sni, latwan sin wahwamna apia.’

Param Marikanka 3:17

Kan man ba lalahkira wisma, bara diara sut mapara pain baman, bara diara luha apia sma; sakuna damra walras sma man ba trabil saura ra sma, umpira pali sma, diara âpu, blain, bara kwala sin âpu.