Roman 11:17 - DAWAN BÎLA AISKA

¹⁷ Bamna tila Ju nani ba lika, sim oliv dusa tnawa nani kan klaki saki, man oliv dusa tnawa wail katma ba, baha nani watlika ra mai mangkan sa. Baku sika wakia pali ba wina dukiam briram, bara oliv dusa rayaka pali ba ra sin.

Roman 11:17 ပူးပေါင်းရင်းမြစ်များ

Lawana Nani 52:8

Ban sakuna, yang na lika oliv wahia sangni ba baku, Gâd watla ra sna; ¡yang ban witin ai latwanka ra kasak luki tniwi kamni!

Aiseya 27:11

Dus kum tnawa nani ba lâwan bara kriwisa; bara mairin nani aula baha nani ba angkaia. Kan baha uplika nani ba diara tânka bri uplika nani apia sa. Baha mita, witin ra papaskra ba mita umpira kaikras, ai kupia sin swapni takbia apia.

Aiseya 6:13

Bara kau ban waras, mânka matawalsip bâra takaskan kabia kaka, baha sin kli sauhki tikan kabia; dus tara kum, usupum dusa kum klakan plamaika baman bâra ba baku.” (Naha plamaika na wina, kau ban bâra kabia baha wina holikira ba kli urhwi takbia.)

Jirimaya 11:16

Kaina piua ra yang Dawan mita, man ninam ba mâki katna, ‘oliv dusa wahia sisitni mâ ailal painkira’. Sakuna nanara alwani karna lulki ba tilara, wahiam nani bara tnamwa nani ba sut angkaia sna.

Jona 1:16

Duri wawakra nani ba baha kaikan bara Dawan ra kulkanka tara yaban bara sakripais dauki ai pura suni pramis nani daukan.

Sakaraya 4:3

Batana laya watlika lama ba ra kaikisna oliv dusa wâl bâra sa, kumi aihkika tani ra bara wala ba smihka ra.”

Matiu 21:43

Baha mita, man nani ra mai wisna, Gâd king aimaki lâka ba man nani mihtam wina dakbi, upla nani king tasbaya mâ saki nani ra yaban kabia.

Jan 15:1

Jisas kau aisin: “Yang sika wain kiwka rait pali ba, bara Aisiki ba sika baha mangki ba.

Jan 15:2

Witin mita ani tnawa sip ai mâ sakras ba klaki sakisa, sakuna ani tnawa ai mâ saki ba lika dauhbi klin daukisa, ai mâ kau sâkbia dukiara.

Jan 15:6

Bamna ani uplika yang wal ban asla apia ba, saki latara lulkan kabia, bara lâwbia sin dus tnawa kumi lâwan wahbi, pauta ra lulkan ami ba baku.

Apastil Nani Sturka 2:39

Naha pramiska na lika man nani bara luhpiam nani sut dukiam sa, bara upla nani laihura banhwi ba sut dukia sin; wibia kaka Dawan wan Gâdka paiwaia luki uplika nani ba dukia sin.

Roman 11:24

Bamna man Ju apia sma ba, oliv dusa wail kum wina ban ai tânka wina klaki mai saki, oliv dusa pain kumi ra mai mangkan. ¡Baku sin kau aiska pali, Ju nani ba sika oliv dusa pain ba tnawa nani, bamna witin nani ba lika kli ai dusa pali ra mangkan kabia!

Galesha 2:15

Yang nani lika aisubi takri ba wina Ju nani sna, nisan wala nani baku saura dadaukra lika apia sna.

Epesus 3:6

Naha sika diara yukukan ra kan ba: Swaki sakan lâka smalkanka bâk, Ju apia nani sin Ju nani wal baku, Gâd yamnika nani wina ai dukia bribia, kan sim wîna tara sirpika nani sa, bamna Gâd mita Kraist Jisas bâk, dîa pramis daukan ba wina sin ai dukia brisa.

Kli Smalkanka 8:8

baha tasbaya ra lika plawar, barli mâ, wain nasla, kwah damni dusa, drap, oliv nasma laya sin bâra sa.

Kolosi 2:13

Piua luan ra, man nani sut lika spiritkam mapa ra pruram nani katma saurkam nani ba tâka mita, bara Aisa sainka briras kapram ba mita sin; sakuna nanara, Gâd mita Kraist ra mai praki raya kaia lâka asla ba maikan, bara saurkam nani sut sin swin tiwan sa.

Param Marikanka 11:4

Naha witniska wâl sika oliv dusa wâl ba, kiandil mina wâl ba sin, bara baha nani ba tasba Dawanka mawanra mangkan sa.