Roman 11:1 - DAWAN BÎLA AISKA

¹ Bamna nanara, yang makabi walisni: ¿Gâd ai uplika Israel luhpia nani ba ban pali lulkan sa ki? ¡Apia pali! Kan yang pali na sin Israel uplika sna, Ebraham kiamka bara Benjamín taika.

Roman 11:1 ပူးပေါင်းရင်းမြစ်များ

2 King Nani 23:27

Baha mita Dawan bui sin win kan ai mawan wina Juda ba sakbia Israel ra sakata ba baku, bara naha tawanka na lulki swibia, Jerusalem bâk sakan kan lulkan ba baku, bara baha tempelka watla dukiara witin win kata ba baku, ai nina ba bahara ban bâra kabia.

Lawana Nani 77:7

¿Dawan ba ban piu bani ai kupia sauhki kaia sa ki? ¿Ai kupia yamnika lâka ba ni, kli yamni wan kaikbia apia ki?

Lawana Nani 94:14

Dawan ba ai uplika nani ra lulki swibia apia, bara sin ai uplika nani ra yakan lulki swin kabia apia.

Oseas 9:17

Naha uplika nani na, Gâdki aisi ba walan daukras sa; baha mita Dawanki mita witin nani ba lulki swiaisa, bara ai tasbaya âpu nisan nani tilara ban watauki kabia.

Luk 20:16

Witin bal, wark tatakra nani ba sut iki tikbia, bara insla ba upla wala nani mihta ra mangkbia.” Naha walan ba ra, witin nani bila: —¡Baku pali lika takbiara!

Apastil Nani Sturka 22:3

“Yang lika Ju uplika Tarso tawanka, Cilicia kuntrika ra aisubi takri, sakuna naha tawanka Jerusalem ra pâwri. Gamaliel skulka ra sin dimri, wan damika nani lâka ba sin pain pali ai smalkan. Piua bani ra kupi aiska ni Gâd dukia dauki katna, man nani naiwa daukisma ba baku.

Apastil Nani Sturka 26:4

“Ju nani sut pain kaikisa, yang tasbayi ra bara Jerusalem ra sin nahki iwi kapri ba, tuktan katna piua wina.

Roman 11:11

Nanara yang makabi walisni: ¿Ju nani ai mina prukan ba mita, ban aiska pali kauhan sa ki? ¡Sip apia pali! Sakuna, Ju nani Gâd bîla wali daukras kan ba mita, Ju apia nani ba swaki sakan lâka brin, bara baha mita Ju apia nani ba mapara kupia tuskanka sa.

Roman 3:4

¡Sip apia pali! Sakuna, Gâd lika diara sut ba kasakka lâka kat baman daukisa, upla sut ba kuninkira pali sa sakuna; kan Ulbanka ba wisa: “Man dîa aisisma ba ni kasakkira mai kulkan kabia, lâmka daukan kabia ba ra, bara pura lalura kama.’’

Roman 9:3

bara yang muihki nani bara taiya nani sut ba mapara pain kaia sa kaka, kau yamni kabia yang na Kraist wina ai dakbi saki lahtuban mununhtara ai swibia.

2 Korint 11:22

¿Witin nani ba Hibru nani sa ki? Yang sin. ¿Witin nani ba Ebraham kiamka sa ki? Yang sin.

Pilipai 3:5

Kan yang lika ai baikan wik kum alkri ba ra, Aisa sainka ba ai daukan. Yang na Israel kiamka, Benjamín taika wina; aisubi takri Hibru sna, bara aisiki nani ba Hibru sa. Ju nani lâ bri ba kat yang na parisi katna;

1 Samuil 12:22

Dawan bui ai uplika nani ba lulki swibia apia, witin ai nina tara kulki ba tâwan. Dawan brin daukisa man nani ba ai uplika nani kama.