Roman 10:19 - DAWAN BÎLA AISKA

¹⁹ Sakuna kli aima wala yang makabi walisni: ¿Ju nani ba dîa naha na tânka briras kan ki? Tâura, Moses pali bila: “Yang bui man nani ra tâwan lawan lâka kum mangkamni, upla sâtka kumi nisan apia ba dukiara; bara baha nisanka diara tânka briras ba dukiara mai munrika kupiam baikma.”

Roman 10:19 ပူးပေါင်းရင်းမြစ်များ

Jirimaya 10:14

Upla sut ba sinskas baha tânka nani ba briaia brin daukras sa. Aidul nani ba mita baha papaskra nani ba ra kunin munisa: baha nani rayaka âpu kunin wan muni ba lilka nani sika;

Jirimaya 10:8

Witin nani sut ba sinskas baman sa, sins bri uplika nani apia sa. ¡Dus pîs kum ba wina witin nani ra smalkaia diara âpu sa!

Oseas 2:23

Upliki nani ba, yang yakan upliki nani kaia tasba ra swimni. Lo-ruhama ra latwan kaikamni, Lo-amí ra wimni: ‘Man nani ba yang upliki nani sma’, bara witin ai wibia: ‘¡Man ba yang Gâdki sma!’ ”

Roman 10:18

Kuna makabi walisni: ¿Smalkanka ba witin nani walras kan ki? ¡Latan witin nani ba walan! Ulbanka ba wisa: “Witin nani bîla baikra ba tasba aiska ra wan, bara witin nani bîla aisinka nani ba sin tasba paskan ba kat wan.”

Roman 11:11

Nanara yang makabi walisni: ¿Ju nani ai mina prukan ba mita, ban aiska pali kauhan sa ki? ¡Sip apia pali! Sakuna, Ju nani Gâd bîla wali daukras kan ba mita, Ju apia nani ba swaki sakan lâka brin, bara baha mita Ju apia nani ba mapara kupia tuskanka sa.

Roman 11:14

Brin ai daukisa yang nisanki pali wina, tila ba man nani daukisma ba baku daukbia, bara baku witin nani sin swaki sakan kabia.

Roman 3:26

Baha ba tânka nanara upla nani ra marikaia, Gâd lika kasakkira pali sa, bara kau ban kasakkira kabia, ya ya Jisas ra kasak luki ba kasakkira kulki ba mita.

1 Korint 1:12

Tânka mai wisna ba lika, man nani kumi bani diara aihka aisisma; kum kum bila wisa: “Yang lika Pal uplika sna”; wala bila: “Yang lika Apolos uplika”; wala bila: “Yang lika Pita uplika”; bara wala bila: “Yang lika Kraist uplika sna.”

1 Korint 10:19

Yang wiras aidul ba tânka pain brisa, apia kaka aidul ra sakripais dauki yan wîna ba wîna wala nani wal baha ba kau pain sa.

1 Korint 11:22

¿Man nani wamtla nani âpu ki, bahara plun piaia bara diara diaia? Naku dauki banhwisma ba ra, Gâd sertska ba bahki kulkisma, bara diara âpu uplika nani ra swira daukisma. ¿Naha dukiara dîa mai wimna bîla kaiki banhwisma? ¿Man nani ra mamyunaia sna ki? ¡Naha dukiara lika yang sip mamyunras sni!

1 Korint 12:2

Man nani pain kaikisma kau idan katma ba ra, aidul bîlas nani mita raski mai brih wi kata.

1 Korint 15:50

Muihki nani, naha tânka na mai win ai daukisa: wîna bara tala ni paskan ba, sip Gâd King aimaki ba lâka ra ai dukia briras; kan ani dukia aisawi ba sip ban kaia dukiara ai dukia briras sa.

1 Korint 7:29

Muihki nani, yang wiaia want sna tânka ba lika naku sa: yawan kau piu wiria baman brisa. Bamna, nanara wina ai tâura, marit waitna nani ba ai maya âpu baku iwi kaia sa;

Kli Smalkanka 32:21

Yang traiki kaikan gâd kum gâd apia ba wal, ai gâdka kuninkira ba yang ra baku kulki ba; ¡bara yang sin traika kaikamni nisan kum nisan apia ba wal, nisan kum ai tânka briras ba yarka ai kupia sauhkbia!

Taitus 3:3

Kan yawan pali na sin, pas piua sinskas nani kan bara Gâd bîla sin wali daukras. Yawan na aihka aimawahki tauki kan, bamna wan wîna brinka karna nani bara wan brinka dukia sât sât albika nani kata. Yawan na saurka lâka ra bara tuman lâka ra sin iwi kan upla wala nani mita misbara wan kaiki kan, bara pana yawan mita sin.

1 Pita 2:10

Blasi pali man nani ba Gâd uplika nani apia katma, kuna nanara lika, witin uplika nani sma; blasi pali upla kumi sin umpira mai kaikras kan, sakuna nanara lika, Gâd mita man nani ra umpira pali mai kaikisa.