Roman 10:1 - DAWAN BÎLA AISKA

¹ Muihki nani, yang pali kupi brinki ba, bara Gâd ra puri sunisna ba sika Israel luhpia nani dukiara witin nani sut ba swaki sakan lâka ba alkaia.

Roman 10:1 ပူးပေါင်းရင်းမြစ်များ

Impakan Sturka 32:10

¡Bara nanara ai takaskpara, aikrika kupi baiwanka witin nani purara bri balamna, bara âpu daukamna! Sakuna man kiamkam ba lika nisan tara daukamna.

Impakan Sturka 32:13

Albikam nani, Ebraham, Aisak bara Israel luhpia nani ba kupiam krauks, man mita swer taki witin nani ra aisi wisatma ba: ‘Yang bui man nani kiamkam ba, slilma ailalka kasbrika purara ba baku ailal daukamna; bara naha tasbaya aiska man nani ra maikaia mai wisna na, witin nani ai tasbaya yabamna ban kaia ra.’

Jirimaya 17:16

Ban sakuna, yang mita taibi mai wiras sna man baha ba mahka dauks, sauhki tikanka witin nani purara blikaia, baku sin yang brinki apia sa man bui witin nani ra sauhki tikaia. Dîa aisari ba man nu sma, kan man lamam kat mai aisari bamna.

Jirimaya 18:20

¿Dîa saura ba ni yamni mana ba aibapisa baku sa? ¡Witin nani ba yang ai bikaia tasba salhkan! Kupiam krauki bas yang bui man mampara aisi katna ba witin nani dukiara man ra aisari, mamkabi kapri kupiam baiwanka ra witin nani wina baha sâkma.

Luk 13:34

“¡Jerusalem, Jerusalem, man mita Gâd prapitka nani ikisma, bara Gâd mita ai bîla twatwilkra nani blikan ba ra walpa ni sabisma! ¡Aima an yang bui man luhpiam nani ba asla brin ai daukan, sim kalila mairin ai luhpia nani ai tnawa mununhtara bri ba baku, sakuna man mita apia wiram!

Jan 5:34

Sakuna yang, upla kum witnis aisinka ra sin tniwaia apia sna; naha aisisni man nani swaki mai sakan kabia dukiara.

Roman 10:2

Witin nani hilpka ra aisaia sip sna, witin nani Gâd warkka daukaia brinka ba tara pali brisa; ban sakuna, baha brinka ba sinska kasak ba kat ai tânka briras sa.

Roman 9:33

Ulbanka ba ra dîa aisi ba: “Yang bui walpa tara kum Saion ra mangkuna, walpa kum bahara witin nani ai mina prukaia; ya bahara kasak lukbia ba, ai lukanka ba kunin munbia apia.”

1 Samuil 12:23

Bara yang maipa ra sin saurka kabia man nani tâmwan puri sunras kamna kaka, baha ba kanra yamni sa, yang mai smalkamna diara kau yamni bara wapni ba daukaia.

1 Samuil 15:11

—Yang sari sna Saúl king mangkri ba, witin bui yang wina tnaya tawan bara bîli kat wali daukras. Samuil kupia ra trabil munan bamna, witin tihmia aiska Dawan ra ai pura suni lalawan.

1 Samuil 15:35

Baha yua wina Samuil kli Saúl ra wih kaikras kan, witin pruan yua ba kat. Sakuna sarka lika tara bri kan, nahki Dawan ba kli sip ai kupia lakras kan, Saúl Israel kingka mangkan ba dukiara.