Roman 1:8 - DAWAN BÎLA AISKA

⁸ Tâura Jisas Kraist bâk yang Gâdki ra man nani sut dukiamra tingki wisni, kan tasba aiska ra man nani kasak lukankam lâka ba aisisa.

Roman 1:8 ပူးပေါင်းရင်းမြစ်များ

Matiu 24:14

Bara naha king lâka sturka yamni na tasba aiska ra smalkan kabia, kuntri sut baha ba pain kaikbia dukiara; bâra lika tnata ba aimakbia.

Luk 2:1

Baha piua nani ra king tara Augusto mita adar kum blikan, tasba aiska ra upla nani iwi ba sut ai nina mangkan kaia sa.

Apastil Nani Sturka 11:28

Witin nani tila wina kumi nina Agabo, witin lika wan muihni nani lilapas kat buan, bara Spirit Holikira mita yan aisin, nahki plun tiwan tara kum tasba aiska purara balbia. Baha ba kasak pali takan Claudio wihta tara aimaki kan piua ra.

Apastil Nani Sturka 28:22

Sakuna yang nani lika man wina wirâ walaia want sna, man lukankam tânka ba dîa sapa, kan yang nani sin kaikisna plis ailal ra mampara aisisa, baha lâka raya man brisma ba dukiara.

Roman 10:18

Kuna makabi walisni: ¿Smalkanka ba witin nani walras kan ki? ¡Latan witin nani ba walan! Ulbanka ba wisa: “Witin nani bîla baikra ba tasba aiska ra wan, bara witin nani bîla aisinka nani ba sin tasba paskan ba kat wan.”

Roman 16:19

Upla sut kaikisa man nani nahki bîla pain wali daukram; baha ba mita yang uya lilia sna. Bamna yang brin ai daukisa man nani ba diara pain daukaia ridi taki kama, kuna diara saura daukaia lika apia.

Roman 6:17

Sakuna Gâd ra tingki kabia, man nani lika kaina piua ra saurka lâka albika nani katma, kuna nanara mai smalkan ba kat kupiam aiska ni witinka mihta ra aimakram ba bîla wali daukisma.

1 Korint 1:4

Piu bani man nani dukiamra Gâd ra tingki wisna, Kraist Jisas bâk man nani ra, witin ai kupia yamni lâka maikan ba.

2 Korint 2:14

¡Sakuna Gâd ra tingki kabia! Kan witin mita Kraist Jisas ra wan praki yawan na pura lalura nani wan daukisa, bara yawan bâk sin ai smalkanka ba latan marikisa, bara baha ba kîa damni pain kum baku tasba aiska ra kiawalisa.

Epesus 1:15

Baha mita man nani bui Dawan Jisas ra kasak lukisma ba, bara Gâd uplika nani sut ra latwan kaikisma ba, yang kaikri ba ra,

Epesus 1:16

takaskras kira Gâd ra tingki wisni man nani sut dukiamra puri sunisna bara man nani ra lukisna.

Epesus 3:21

¡Serts ra bara Kraist Jisas ra, Gâd ba mayunan kabia, piua nani sut ra, bara ban kaia ra ban kabia! Baku kabia.

Epesus 5:20

Piua bani diara sut dukiara, Gâd Aisa ra tingki wi bas, wan Dawan Jisas Kraist nina ra.

Pilipai 1:11

Bara Jisas Kraist mita rayakam wina daukanka yamni baman sâkbia, Gâd ra mayuni prana daukaia dukiara.

Pilipai 1:3

Yang bui man nani ra kupi kraukuna bani, Gâd ra tingki wisna.

Kolosi 1:3

Yang nani piua bani man nani dukiamra puri suni banhwisna ba ra, piua bani Gâd ra tingki wisna, wan Dawan Jisas Kraist Aisika ra.

1 Tesalonaika 1:2

Yang nani piu sut man nani dukiamra Gâd ra tingki wisna, bara sin puri sunra nani ra man nani sut dukiamra kupi kraukisna.

1 Tesalonaika 2:13

Yang nani naha tâwan, piu sut Gâd ra tingki wisna. Gâd sturka yamni ba sal maikri ba ra, man nani walram bara alki briram; upla bîla baku lika briras katma, sakuna Gâd bîla baku mika. Bara kasak pali baha ba Gâd sturka yamni sika, bara man nani kasak lukisma ba tilamra baha ba wark daukisa.

2 Tesalonaika 1:3

Muihni nani, piu bani man nani sut dukiamra yang nani mita Gâd ra tingki wiaia sna; aitani sa baku dauki banhwi kamna, kan man nani kasak lukankam lâka ba tara pâwisa, bara pana pana walkam ra latwan lâka brisma ba sin piua bani kau tara takisa.

2 Timoti 1:3

Yang puri sunisna piua nani ra mai lukisna ba ra, tihmia bara kakna ra yang bui Gâd ra tingki wisna, witinka ra kupi lukra klin ni ai warkka daukisna ba, almukki nani ai warkka daukan ba baku.

Pilimon 1:4

Muihki Pilimon ra puri sunisna bani, man dukiamra yang Gâdki ra tingki wisni,

Hibru Nani 13:15

Baha mita, piu bani Jisas Kraist bâk yawan bui Gâd ra mayunra yabaia sa. Naha mayunra sika yawan sakripais dauki yabaia ba; tânka ba lika, wan bîla baikra nani wal ai nina ba mayunaia.

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.