Roman 1:30 - DAWAN BÎLA AISKA

³⁰ Witin nani lika upla wala nani dukiara saura aisisa, Gâd waihla nani, saura aisasara nani, diara lalihkra nani bara kakalra nani, saurka lâka sâtka nani daukaia pliki saki ba, ai aisika nani bîla walras,

Roman 1:30 ပူးပေါင်းရင်းမြစ်များ

1 King Nani 20:11

Bara Israel kingka bui pana naku wibia win: ‘‘War kau aiklabi pura luras ba ra, baku pali aimayunaia lika sip apia sa.”

2 Kronikas 19:2

Sakuna prapit Jehú, Hananí luhpia ba, witin ai mapara taki wan bara win: “¿Dîa muni upla saura ra tâ baikisma, bara Dawan wailhka wal uplikam takisma? Baha mita Dawan mai lawisa.

2 Kronikas 25:19

Man bila wisma Edom uplika nani ba sauhki tikram, baha wal man liliam brisma, bara mayunra ba kau plikisma. Sakuna kau yamni sa wamtla ra kama. ¿Dîa kan man bui klauna plikisma sauhki tikaia bara Juda ra sin pât dingkisma?”

Lawana Nani 10:3

Upla watawikira ai brinka ba dukiara aimayunisa; upla gridikira ba, Dawan ra kulkaia apia wisa, bahki kulkisa.

Lawana Nani 106:39

Bara witin nani tâski daukan, baku sin ur taki banhwan ai daukanka saura nani ba wal.

Lawana Nani 49:6

Witin nani lika, ai dukia kukan nani ba ra man lukisa; witin nani ai yuyaka brisa wisi, bahara baman tniwisa.

Lawana Nani 5:5

Ai wîna ra tara kulki nani ba, mamwanra bûi kaia pliska âpu sa; sasauhkra nani ba, man misbara kaikisma.

Lawana Nani 52:1

Karnakira nani sma ba, ¿dîa kan man nani watawi daukisma ba dukiara aimayunisma? ¡Dawan latwanka lâka ba lika, ban kaia ra ban bâra sa!

Lawana Nani 81:15

Dawan ra misbara kaiki ba sut sirang iwi kauhaia kan, bara ai pâtka ra kauhanka ba sîl mangki swiaia kapri.

Lawana Nani 94:4

Baha saura dadaukra nani ba sut, kiama karnira nani bara prautkira nani, ai kulkanka tara papulra nani sa.

Lawana Nani 97:7

Gâd bahki ra mayuni nani ba sut witin ra bawbia, witin nani baman sa luki banhwi ba sut. ¡Gâd bahki nani sut ba, witin mawanra bawbia!

Lawana Nani 99:8

Dawan, yawan Gâdka, ¡man baha nani ra pana un kahbatma! Man ba witin nani saurka swih tatikra Gâdka takram, sakuna ai watawanka daukan ba tâwan klala sin yabram.

Sins Lâka 24:8

Saura man daukaia ai kupia ra luki paski uplika ba, witin ai nina ba lika saura mamunra dawanka mâkan kabia.

Sins Lâka 25:23

Yahbra payaska mita lî ba aula; bara wan twisa alhwan sakbi aisin ba mita wan mawan saura lawi baku sakisa.

Sins Lâka 30:17

Ya ai aisika bahki kaiki ba bara ai yaptika almuk takan ba lawaska kiki ba, aitani sa kuskuspiram mita nakra nani ba daiki sakaia, bara yakal nani mita pibia.

Sins Lâka 8:36

Sakuna yang wina sait ra takaia ba lika rayakam ba pât ra mangkisma; ¡misbara ai kaikma kaka, prura ra latwan kaikisma!”

Smasmalkra 7:29

Naha baman yang sakri sa: Gâd ba upla ra kasak pain paskan sa, sakuna witin ai rayaka ba sauhkan sa.

Isikiel 14:5

“Israel luhpia nani sut kupia alkamna, witin nani ba yang wina dakwi taki banhwan ba ai aidulka nani dukiara.

Isikiel 22:7

Uplikam nani ba, ai aisa bâra ba ai yapti nani ra kulkras sa, tringsar nani ra saura munisa, rau bara piarka nani ra taiban lâka ra diara bri ba dakbi brisa.

Kulki Kaikanka 10:35

Lâ watla ba mahka twilki impakuya ba ra, Moses naku aisi kan: “¡Dawanki, mahka bus! ¡Waihlam nani ba muns plapi yakabrira tawbia! ¡Kang mai kaiki, misbara mai kaiki nani ba plapi banhbia!’’

Matiu 15:4

Kan Gâd pali naku win: ‘Aisikam, yaptikam wal kulks’, bamna ‘Ya mita ai aisika ra bara ai yaptika ra lahtubia kaka, mahka prubia.’

Matiu 16:21

Baha piua wina Jisas ai disaipilka nani ra mahka smalkan, witin ba Jerusalem ra waia kabia, bara wihta almuk nani, prîs wihtka nani bara Lâ Smasmalkra nani sut mita munka kasak pât wauhbia. Bara sin win witin ra ikbia, sakuna yu yumhpa ra kli bukan kabia.

Luk 21:16

Aisikam, yaptikam, muihkam nani, tamya nani, uplikam nani sin waihlam mihta ra mai mangkbia. Man nani tilam wina kum kum mai ikan kabia,

Jan 7:7

Tasba uplika nani man nani ra sip misbara mai kaikras sa, sakuna yang ra lika misbara ai kaikisa, kan yang lika witin nani diara saura nani dauki ba witniska sna.

Apastil Nani Sturka 5:36

Man nani kupiam krawi banhwisa krani, nahki piua luan ra takan ba; Teudas kata ba buan, bara wisata witin lika upla tara kum sa, bara 400 waitna nani witin nina blikan. Sakuna witin ba ikan ningkara, baha nani ai nina bliki kan ba sut aihka aihka baman plapan.

Roman 2:17

Bamna man wisma, man ba Ju, bara Moses lâka ba kat alki daukisma, Gâdkam ba dukiara tara damra walisma.

Roman 2:23

Man lika lâ ba dukiara uya mamyunisma, sakuna Gâd swira ni paskisma, kan dîa lâ wi ba kat daukras sma ba mita.

Roman 3:27

Bamna, ¿anira sa ki upla witin baman sa luki ba Gâd mawanra? ¡Âpu daukan sa! ¿Dîa kan baku daukisa? Lâ dîa wan win ba kat daukan ba mita lika apia, sakuna yawan kasak lukan ba mita.

2 Korint 10:15

Upla wala nani wark daukan ba dukiara yang nani mita maiyunras, yang nani warkki ba wina tnaya ra tawi. Baha watlika ra, yang nani lika man nani tilamra kau wark daukaia brin ai daukisa, baku man nani kau kasak luki kaia, sakuna ban yang nani warkki daukaia brisna ba wina tnaya ra tawras.

2 Korint 12:20

Bamna si brisna man nani mai kaikaia wamna ba ra, yang brin ai dauki ba baku ban kra mai kaikamna apia, bara man nani ai kaikaia brin mai dauki ba baku kra ai kaikma apia. Si brisna ban kra man nani tilamra aiklaban nani, tuman lâka nani, kupia baikan lâka nani, wînam kat man lukan lâka nani, tatuskaia lâka nani, nina aisanka nani, praut lâka nani bara inipis lâka nani sut sin bâra kabia.

Kli Smalkanka 27:16

‘Ya ai papika ra, apia kaka ai yapti ra kulkras kabia kaka, lahtuban kabia.’ Bara upla sut bui wibia: ‘Baku kabia.’

Kli Smalkanka 7:10

sakuna witin ra misbara kaiki nani ra sauhki tikisa, pitka kat mana aitani yabisa. ¡Takaskras pitka kat yabisa witin ra misbara kaiki nani ra!

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.

2 Timoti 3:2

Upla nani ba klauna ai dukiara baman luki kabia, lalah ra latwan kaikbia, kakalra kabia bara sin diara lalihkra kabia, Gâd mapara aisi kabia, ai aisika bîla walras kabia, tingkikas kabia bara serts ra rispik âpu kabia.

Taitus 3:3

Kan yawan pali na sin, pas piua sinskas nani kan bara Gâd bîla sin wali daukras. Yawan na aihka aimawahki tauki kan, bamna wan wîna brinka karna nani bara wan brinka dukia sât sât albika nani kata. Yawan na saurka lâka ra bara tuman lâka ra sin iwi kan upla wala nani mita misbara wan kaiki kan, bara pana yawan mita sin.

Jems 3:5

Wan twisa ba sin baku sa; wan wîna pîska sirpika kum sa, sakuna lukisa diara tara nani daukaia. ¡Pauta klauhan sirpi ba wal dus nani pâwi ba sut angkisa!

Jems 4:16

Sakuna man nani uya mamyuni aisisma; bara naha pura luaia lukanka na sika saura.

2 Pita 2:18

Witin nani lika bîla bahki bara praut baman aisisa, bara tanis lâka ra iwi uplika nani wina swakwan nani ba, witin nani ra daukanka saura pali ni bara wîna tara brinka nani ni maisa kapisa.

Judas 1:16

Naha nani sika brukwi aisasara bara diara sut ba saura baman sa aisi nani ba, witin nani ai âuyapah kaia dukia nani baman pliki taukisa; praut bîla nani sin aisisa, hilp briaia dukiara upla nani painka baman aisisa.