Roman 1:28 - DAWAN BÎLA AISKA

²⁸ Witin nani Gâd kakaira takaia want apia sa bamna, Gâd mita witin nani ba ai lukanka saura nani ba kat lulki swin, swika baha nani dîa daukaia apia kan ba kat daukbia dukiara.

Roman 1:28 ပူးပေါင်းရင်းမြစ်များ

Blasi Sturka 6:5

Bara Dawan kaikan upla nani watawika lâka ba tara pali kan tasba ra, upla nani ai kupia lukanka ra diara daukaia luki ba lika, kau saura dauki kaia ba baman luki kan.

2 Samuil 22:27

kunin âpu sma kunin âpu ba wal, sinskira pali sma âuya mâira ba wal.

Lawana Nani 69:27

Saura ba mana pana saura yas; ¡baku pâtka swih tikan lâka ba bribia apia!

Sins Lâka 1:22

“Sins tânka aitani briras wahmika nani, upla lawaska kakikra, nani bara taniskira nani ba, ¿ahkia kat sins tânka aitani briras lâka ba ra ban lihki kama, bara lilia sâkma lawaska kiki banhwi ba wina, bara sins tânka ra misbara kaikma?

Sins Lâka 1:29

Kan saura kulkisa sins lâka ra bara Dawan ra kulkanka yabaia want apia.

Sins Lâka 1:7

Dawan ra kulkaia lâka ba sins lâka tâ krikanka sika; taniskira nani ba, sins lâka bara diara wan smalkan ba bahki kulkisa.

Sins Lâka 17:16

¿Dîa muni upla sinskas ba, ai mihta ra lalah brih aula sins lâka atkaia, witin diara tânka kaikaia briras ba ra?

Jirimaya 4:22

“Yang upliki nani sika kiamapara, ai kakaira apia —Dawan baku aisisa—. Witin nani tuktan baku diara luki kaikras, laki sin kaikras. Diara saura daukaia sinska lika manis brisa, sakuna yamni daukaia tânka lika briras.”

Jirimaya 6:30

Witin nani nina ba mâkan kaia sa “silbar saura pali takan”, Dawan, man bui witin nani ba lulki swiram bamna.

Isikiel 14:5

“Israel luhpia nani sut kupia alkamna, witin nani ba yang wina dakwi taki banhwan ba ai aidulka nani dukiara.

Isikiel 20:25

Bara lâ yamni apia kat sin, purara mangkaia kapri, bara lâ nani rayaka sip sakaia apia nani sin.

Oseas 4:6

Yang upliki nani sip lâ tânka kaikras, baha mita baku sauhkan sa. Bara prîs man, tânka briaia lâka ba lulki swiram bamna, prîski kaia mai mangkri lâka ba wina, yang sin mai lulkisna. Gâdkam lâka smalkanka nani âmya tikisma bamna, yang sin man kiamkam nani ba âiya tikamna.

Apastil Nani Sturka 17:23

Kan yang naha tawanka ra wapi tauki kapri, man nani puram sunisma ba pliska nani ra sin, bara altar kum kaikri; bahara bîla nani ulban kan ba lika naku kata: ‘Gâd kum ra kaikras ba.’ Bamna pain sa, baha Gâdka man nani kaikras kuna puram suni mayunisma ba, baha pali Gâdka dukiara sika yang aisisna ba.

Apastil Nani Sturka 17:32

Pruan nani kli buaia dukiara aisin walan ba ra, tila nani mita lawaska kikan. Wala nani bila: —Kau pain kabia piua wala ra kli naha aisanka na walaia.

Roman 1:18

Bamna yawan kaikisa, Gâd lawanka tara sibrinkira pali ba kasbrika pura wina aula, upla saura kasak apia nani ba purara, baha nani ai watawika lâka ba ni kasakka lâka tânka ba briaia apia daukisa.

Roman 1:21

Bamna baku Gâd ra kakaira sa, sakuna Gâd ra mayunras bara tingki sin wiras. Kau ni diara bahki nani ra baman ai lukanka mangkan, bara witin nani ai kupia tanis ba tihmia ra bamna, ba kat takaskan sa.

Roman 1:24

Baha tâwan Gâd mita witin nani ra tâski brinka dauki kan ba kat lulki swin, bara baku witin nani wala wal wan swira dukia nani ba daukan;

Roman 1:26

Baha mita Gâd bui witin nani ba swira lâka tâski pali ra ban lulki swin; mairin nani waitna wal prawi daukaia lâka kata ba swi si, mairin ai tahkia wal daukan.

1 Korint 15:34

Rayaka wapni bara kasak ba ra kli taws, bara kli sin saura daukpara, kan man nani tilam wina upla tila Gâd ra kakaira apia sa. Naha na aisisni, swiram daukaia dukiara.

2 Korint 10:5

Baku bamna, dahra kwakwahkra nani, wan mapara babura nani bara ai prautka lâka ra Gâd tânka kaikaia wina wan takaski nani ba sut, yang nani mita bataki banhwisna. Wan wîna sinska lâka ba sut Kraist mihta ra mangkisna, witinka ba bîla wali daukbia dukiara,

Epesus 5:4

Swira dukia nani aisapara, sins âpu bîla nani, bîla tâski nani sin aisapara, kan naha diara nani na pain apia sa; kau pain kabia Gâd ra baman tingki wi kaia.

2 Tesalonaika 1:8

Witin balbia, Gâd ra kakaira apia nani ra, bara wan Dawan Jisas Kraist swaki wan sakan sturka yamni bîla wali daukras nani ra klala yabaia.

2 Timoti 3:8

Bara Janes, Jambrés wal, witinka nani sukia nani kan ba, Moses mapara buan ba baku, baha uplika nani sin kasak tânka mapara bûi banhwisa. Baha uplika nani sinska ba aihka saura takan sa, bara kasak lukan lâka mapa ra witin nani pain aihwa apia sa.

Taitus 1:16

Witin nani bila Gâd ra kakaira nani wisa, sakuna ai daukanka nani ba ni lika apia wisa. Witin nani ba uya saura pali baman sa, sip bawras uplika nani bara wark yamni kumi sin daukaia aitani apia banhwisa.

Pilimon 1:8

Bahamna, yang na Kraist apastilka sna, ba mita sip sna man ra adar maikaia diara daukaia sma ba,

2 Pita 3:5

Witin nani kaikaia want apia sa, kasbrika pura ba lika patitara piua wina ban bâra sa. Gâd aisin bara tasba na lî wina bal takan, bamna tasba na lî ba tâka mita nâra sa.