Roman 1:27 - DAWAN BÎLA AISKA

²⁷ Baha sim natka ra waitna nani mairin nani wal prawaia lâka kata ba swi si, witin nani ai brinka saura laptika ba kat ni ai walka nani wal lihkan. Waitna wih waitna ai tahkia wal swira lâka tara daukan. Bara pât wahwisa klauna ai wîna tara kat ai saurka klalka ba brisa.

Roman 1:27 ပူးပေါင်းရင်းမြစ်များ

Libait Lâka 18:22

“Waitna tamhkia ra yappara, man mairin kum wal yapisma baku. Baha sika nina sauhkaia lâka saurka kau tara ba.

Libait Lâka 20:13

“Waitna kum waitna wala ra yapbia kaka mairin kum ra yapi ba baku, wâlsut ikan kabia. Silp ai prurika ba twilkbia, diara saura daukan bamna.

1 Korint 6:9

¿Man nani kaikras sma ki, taniskira nani ba, Gâd king aimaki ba lâka ra ai dukia bribia apia? ¡Baku bamna, man nani aimawahkpara! Kan ai maya takras tâski lâka dauki ba, aidul nani ra ai pura suni mayuni banhwi ba, marit lâka sasauhkra nani ba, waitna nani ai tahkia wal tâski lâka dauki nani ba, âimplikra nani ba, gridikira nani ba, bla tatakra nani ba, upla dusa kakuhbra nani ba, upla dukia dadakbra nani ba sut sin, Gâd king aimaki ba lâka ra ai dukia bribia apia.

Judas 1:7

Baku sin Sodoma, Gomora bara baha lamara tawan nani kan ba, baha insalka nani kauhan ba baku witin wîna nani sîn tara brinka mita munan saurka ra diman; saurka uba dauki ba mita, paskanka ban bâra ba mapara takan. Baha mita pauta ami ban kaia pâtka ba wahwan bara upla sut ra kupia kraukanka kum baku takaskan sa.