Roman 1:18 - DAWAN BÎLA AISKA

¹⁸ Bamna yawan kaikisa, Gâd lawanka tara sibrinkira pali ba kasbrika pura wina aula, upla saura kasak apia nani ba purara, baha nani ai watawika lâka ba ni kasakka lâka tânka ba briaia apia daukisa.

Roman 1:18 ပူးပေါင်းရင်းမြစ်များ

Impakan Sturka 23:7

“Kunin aisi upla dahra kwahki ba wina laihura bas. Upla kum pâtkas kaka, lâka dauki ikpara, kan baha pâtkira ba yang mita pâtkas kulkamna apia bamna.

Roman 1:19

Witin nani Gâd kakaira takaia tânka ba pain kaikisa, kan Gâd pali mita param marikan sa;

Roman 1:28

Witin nani Gâd kakaira takaia want apia sa bamna, Gâd mita witin nani ba ai lukanka saura nani ba kat lulki swin, swika baha nani dîa daukaia apia kan ba kat daukbia dukiara.

Roman 1:32

Witin nani pain kaikisa Gâd lâ mangkan sa, ya naha sât dukia nani dauki ba pruaia aitani sa; ban sakuna, witin nani mita ban daukisa, bara upla wala nani dauki ba sin pain lukisa.

Roman 2:3

Bara man mita upla wala lâka daukisma, kan man sin upla wala dauki baku daukisma bamna, ¿man lukisma Gâd lâ dauki ba wina swak takma?

Roman 3:9

¿Bara dîa? ¿Yawan Ju nani na kau pain sa ki, Ju apia uplika nani ba wal? ¡Sip apia pali! Yawan mita pat winisa, Ju nani bara Ju apia uplika nani sut ba saurka karnika mununhtara sa.

Roman 4:15

Kan lâ ba klala bri aula; kuna anira lâ âpu sa kaka, lâ bîla lui sauhkaia lâka sin âpu sa.

Roman 5:6

Kan yawan sip swak takras kan ba ra, Gâd mita piua mangkan ba kat, Kraist lika saurakira nani ba tâwan pruan.

Roman 5:9

Bara nanara, Kraist pruanka ba mita Gâd mita pri mai sakan sa, bara kau pali Gâd lawanka ba wina sin Kraist bâk pri mai sakan kabia.

Roman 6:13

Bamna wînam tara ba saurka lâka mihta ra mangks, sim saura daukaia dukia kum baku. Sakuna, wînam ba Gâd mihta ra mangki banhs, sim upla kumi pruan bara ningkara kli raya takan ba baku. Gâd mihta ra wînam ba mangks, sim diara pain daukaia dukia kum baku.

Epesus 5:6

Upla mita yarka bîla bahki aisi kunin mai munbiara, kan bahmuna dukia saura nani wina sika, Gâd klalka tara ba aula, bîla wali daukras nani ba klala yaia dukiara.

Kolosi 3:6

Naha dukia nani na mita, Gâd ai lawanka tara pali brih aula, ai bîla walras uplika nani ba purara.

2 Tesalonaika 2:10

Bara watawi lâka sât sât daukbia, sauhki tikan lâka ra auya nani ba, kunin munaia dukiara; kan baha nani kasakka lâka ba alki briaia bara latwan kaikaia want apia kan, ai swaki sakanka alkaia dukiara.

2 Tesalonaika 2:6

Bara nanara man nani tânka brisma, dîa ba mita alki takaskisa, ai piua kau aimakras ba ra latan takbia apia dukiara.