Roman 1:17 - DAWAN BÎLA AISKA

¹⁷ Naha smalkanka na wan marikisa, nahki natka ra mita Gâd wan pâtka ba wina pri wan sakisa, baha lika kasak lukan lâka bara kasak lukan lâka baman pali sa. Ulbanka ra aisi ba baku: “Kasakkira ba kasak luki ba mita raya kabia.”

Roman 1:17 ပူးပေါင်းရင်းမြစ်များ

Isikiel 18:9

yang lâika ba kat taukisa bara lâ yabri ba kat daukisa. Kasak pali baha uplika ba wapni kat sa, baku bamna, raya kabia. Yang, Dawan, kasak aisisna.

Abakuk 2:4

Naha smalkanka bîla ulbi bris: Upla watawikira nani ba ai prautka lâka ra iwisa; sakuna kasakkira nani ba lika Gâd ra kasak luki ba mita raya kabia.”

Kulki Kaikanka 21:9

Bamna Moses bras piutka ba paski, dus kum ra paman, bara piuta saura ba mita saman uplika ba, bras piutka ra tawi kaikuya ba ra, rawi kan.

Jan 3:36

Ya Gâd Luhpia ra kasak luki ba, raya ban kaia lâka ba brisa; sakuna ya Gâd Luhpia ra kasak lukaia apia wi ba, sip baha rayaka ba bribia apia, sakuna Gâd klalka saura pali ba bribia.

Roman 10:3

Sakuna Gâd upla ra pâtka wina pri saki ba witin nani baha kaikras, baha mita witin nani ai natka bâk swak takaia plikisa, Gâd daukan ba ra bawras kira.

Roman 3:21

Sakuna nanara, lâ ba tnaya ra swi si, Gâd bui marikan sa, nahki yawan ra kasakkira nani wan dauki ba, bara naha na lâ wauhkataya nani bara prapit nani ba sin aisi kaiki baha ba kasak marikisa:

Roman 3:22

Jisas Kraist ra kasak luki ba mita, kasak lalukra nani sut ra Gâd bui kasakkira nani daukisa. Kan sât aihka natka âpu sa:

Roman 3:3

Bamna, ¿baha ba dîa sa ki? Witin nani wina tila nani kasakkira apia kan kaka, ¿baha tâwan Gâd mita baha nani ba kasak apia kaia tânka ra ban swibia?

Roman 9:30

¿Bamna yawan naha dukiara dîa wibia? Kan kasak lukan lâka bâk Gâd mita idan nani ra param mariki pâtka wina pri sakan lâka ba yan, witin nani lika baha pri sakaia lâka ba plikras kan.

2 Korint 3:9

Baha tânka ba lika, pruaia pâtka ra wan dingki kan lâka ba pranakira pali kan kaka, ¡Gâd mita kasakkira wan kulki smalkanka ba kau pranakira kulkan kaia sa apia!

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Galesha 3:11

Baha lika param sa, upla kumi sin âpu sa, lâ dîa wi ba kat dauki bamna, Gâd mita kasakkira kulki ba; kan Ulbanka ba wisa: “Gâd mita kasakkira kulki uplika ba, kasak lukan lâka mita raya kabia.”

Pilipai 3:9

bara witin wal asla pali kamna ba dukiara; baha ba Moses lâka kat yang rayaki wapni brisna ba dukiara lika apia, sakuna Kraist ra kasak lukisna ba tâwan, Gâd pri ai saki ai brin ba mita lika; kan Gâd lika kasak luki uplika nani ba pain brisa.

Hibru Nani 10:38

Sakuna yang upliki kasakkira ba lika, kasak luki raya iwi kabia, sakuna witin ai ninara tawbia kaka, witin dukiara lilia kamna apia.”