Roman 1:15 - DAWAN BÎLA AISKA

¹⁵ baku bamna, yang maipa ra ridi pali sna, swaki sakan lâka sturka ba Rom ra iwisma nani ra sin mai smalkaia.

Roman 1:15 ပူးပေါင်းရင်းမြစ်များ

1 King Nani 8:18

Ban sakuna, Dawan bui aisiki Debit ra win: ‘Tempel kum yang nini ra mâkaia kupiam ra brisma ba, baha sât lukanka brisma ba yamni sa;

Aiseya 6:8

Baha ningkara Dawan bîla baikra ba walri, naku win: “¿Ya pali ba blikrika wabia? ¿Ya yawan wan dukiara wabia ki?” Bara yang pana aisari: “Yang nâra sni, yang ai blîks.”

Matiu 9:38

Baha mita, insla dawanka ra makas, ai nasla dâkaia wark uplika nani blîkbia.

Mark 14:8

Naha mairka dîa daukaia sip kan ba kat daukan; kau wina, wîni tara na batana kîa ni yukan, tasba ra ai bikaia dukiara.

Jan 4:34

Sakuna Jisas mita win: —Yang pati sika witinka ai blikan ba kupia lâka daukaia, bara ai warkka sin sut pali daukaia.

Apastil Nani Sturka 21:13

Sakuna Pal win: —¿Dîa kan man nani ini, kupi ra sari ai dingkisma ki? Kan yang ridi sni ai priskan kaia baman apia, sakuna Jerusalem ra sin pruaia Dawan Jisas tâwan.

Roman 10:15

¿Bara nahki sturi yamni ba smalkbia, blîkka wih smalkaia ba âpu sa bamna? Ulbanka ra wi ba baku: “¡Kupia kumi lâka sturka bara sturi yamni smalkaia brih aula uplika mina nani ba painkira pali sa!”

Roman 12:18

Man nani sin trai kaiks, sip sma ba kat, upla sut wal kupia kumi lâka ra iwi kaia.

Roman 15:20

Baku sika trai kaikri swaki sakan lâka sturka ba smalkaia, Kraist nina kau walras pliska nani ra, upla wala mita pat playa kum bapan purara utla paskamnara sîa.

1 Korint 9:17

Baha mita, kupi lukanka wina daukuna kaka, yang maina briaia sna. Sakuna ai taiban baku daukuna kaka, baku sin baha ba wark kum Gâd wina aikan sa.

2 Korint 8:12

Bamna upla kumi wilin pali diara yan daukisa kaka, Gâd mita baha prisantka bri ba pain bribia. Gâd bui upla dîa briras ba makabras.