Roman 1:14 - DAWAN BÎLA AISKA

¹⁴ Baha ba yang bui upla sut ra daukaia sna, sins lâka bri nani ra bara sins lâka aitani briras nani ra, diara tânka bri nani ra bara diara tânka briras nani ra sin;

Roman 1:14 ပူးပေါင်းရင်းမြစ်များ

Sins Lâka 1:22

“Sins tânka aitani briras wahmika nani, upla lawaska kakikra, nani bara taniskira nani ba, ¿ahkia kat sins tânka aitani briras lâka ba ra ban lihki kama, bara lilia sâkma lawaska kiki banhwi ba wina, bara sins tânka ra misbara kaikma?

Sins Lâka 8:5

Sins tânka aitani briras wahmika bara taniskira nani, ¡lan taks, tânkira watauki kaia bara aman damra walaia ba!

Aiseya 35:8

Yabal tara, yabal sirpi bâra kabia, bara nina mâkan kabia “Holikira kaia yabalka nani.” Diara tâski ba bahak lubia apia; sinskas nani ba, baha yabalka ra sip wapbia apia.

Matiu 11:25

Baha piua ra, Jisas naku win: “Aisa, kasbrika purara ba bara tasba Dawanka, yang tingki mai wisna, kan sinskira nani ra bara diara lan nani ra naha dukia nani na yukukram, sakuna tuktan nani ra latan marikram.

Luk 10:21

Baha sim piua ra, Jisas Spirit Holikira bri ba mita lilia pali takan, bara win: “Aisa, man kasbrika pura bara tasba ba wal Dawanka sma ba, yang mamyunisni, kan man mita sinskira nani wina bara diara tânka kakaira nani wina sin naha diara nani na yukukram bamna, bara tuktan sirpi nani ra ni param marikram. Âu, Aisa, man baku want kapram ba mita sika.

Apastil Nani Sturka 22:21

Sakuna Dawan bui ai win: ‘Man mahka was, yang bui man ba laihura mai blikaisna, Ju apia nani tilara.’ ”

Apastil Nani Sturka 28:2

Baha kî dakura ra iwi uplika nani mita yamni wan munan. Pauta tara mukan, lî auhi kan bara kauhla ba dukiara sin, bara yang nani sut ra ai paiwan pauta mukan ba lamara wih ailahki banhwamna.

Apastil Nani Sturka 28:4

Baha kî dakura uplika nani kaikan, Pal mihta ra piuta ba aipami kan, bara pana pana aisi kan: “Naha waitna na upla âikra kan baku sa, kan witin kabu wina swakwan, sakuna Gâd mita lâ wapni kat dauki ba mita sip swika kau raya taukbia apia.”

Apastil Nani Sturka 9:15

Sakuna Dawan bila: “Man was, kan yang baha waitnika ba pliki sakri sa, yang dukira witnis aisaia, nisan wala nani ra bara ai kingka nani ra, bara Israel luhpia nani ra sin.

Roman 1:22

Witin nani bila sinskira nani sa, sakuna witin nani sika kau sinskas ba;

Roman 11:25

Muihki nani, Gâd daukanka dahra prakan ra bâra ba tânka brima brin ai daukisa, man nani ba sinskira sma lukaia apia dukiara: Tila Israel luhpia nani kupia karna takan ba, Israel apia nani ba sut Gâd ra brih balaia piua kum praiska baman dukiara sa.

Roman 12:16

Uplikam wal asla iwi bas. Man nani ba kau tara sma lukpara, sakuna bawikira baku bas. Man nani ba sinskira sma lukpara.

Roman 13:8

Bamna upla kumi wal sin tras bripara, sakuna upla wala wal pana pana latwan kaikaia traska ba lika bri bas; kan ani uplika mita upla wala ra latwan kaiki ba lika, dîa Gâd lâka wan wi ba sut daukan sika.

Roman 16:19

Upla sut kaikisa man nani nahki bîla pain wali daukram; baha ba mita yang uya lilia sna. Bamna yang brin ai daukisa man nani ba diara pain daukaia ridi taki kama, kuna diara saura daukaia lika apia.

Roman 8:12

Baku bamna, muihki nani, yawan diara kum daukaia brisa, sakuna upla saura brinka nani lâka ba natka ra iwaia lika apia.

1 Korint 14:11

Sakuna upla kum ai bîla aisi ba yang tânka briras sna kaka, uplika ba mapa ra tringsar kum baku kamna, bara pana sin uplika ba, yang maipara witin tringsar baku kabia.

1 Korint 14:16

Kan man ba spiritkam ni baman Gâd ra mayunra yabisma kaka, upla kum baha wali ba sip tingkikam pura sunra bara man wal asla takras, kan dîa aisisma ba witin tânka briras sa.

1 Korint 2:13

Baku bamna, Gâd Spiritka yang nani ra ai smalkan bîla nani ni naha dukia nani aisisna, sinski lâka wina lan takri bîla nani wal lika apia. Bara baku, spirit dukia nani ba, witinka nani Spirit bri banhwi ba ra, tânka pain wi banhwisna.

1 Korint 3:18

Upla ai kupia ra kunin munbiara. Man nani tilam wina kumi, naha tasba sinska lâka kat witin ba sinskira sa lukisa kaka, witin ba sins âpu baku takaia sa, bara baku lika kasak sinskira pali kabia.

2 Korint 10:12

Bamna brin wan daukras, ai wîna dukiara pain man aisi uplika nani ba wal, wan prakaia apia kaka, wan kulkaia. Witin nani diara bahki bahmuna baman daukisa, kulki kaikaia dukia ba ni kulki bamna bara upla wala ba witin nani wal praki kulki ba mita sin.

2 Korint 11:19

Kan man nani lika sinskira pali sma ba mita, sinskas nani ra ban kupiam alki takaski banhwisma.

Kolosi 3:11

Bara nanara kli Grik kaia, apia kaka Ju kaia ba tânka apia sa, Aisa sainka brin, Aisa sainka briras kaia, tringsar kaia, wail baku kaia, pri, apia kaka alba kaia, sakuna Kraist sika diara sut ba, bara witin lika diara sut ra bâra sa.

2 Timoti 2:10

Baha mita sika, yang diara sut mapara ban bapi buisni, Gâd mita bâk saki brin uplika nani painka dukiara, bara baku mika ban kaia ra swaki sakan lâka pranakira yawan Kraist Jisas wal asla mita bri ba, witin nani sin alki banhbia dukiara.

Taitus 3:3

Kan yawan pali na sin, pas piua sinskas nani kan bara Gâd bîla sin wali daukras. Yawan na aihka aimawahki tauki kan, bamna wan wîna brinka karna nani bara wan brinka dukia sât sât albika nani kata. Yawan na saurka lâka ra bara tuman lâka ra sin iwi kan upla wala nani mita misbara wan kaiki kan, bara pana yawan mita sin.