Roman 1:13 - DAWAN BÎLA AISKA

¹³ Bamna muihki nani, brin ai daukisa man nani kaiki kama, nahki aima ailal brin ai daukan bal mai kaikaia, sakuna naha piua kat sin ban sip apia sna. Man nani ra balan ai dauki ba lika upla tila nani Dawan ra laki brih balaia, sim nisan wala nani tilara briri ba baku.

Roman 1:13 ပူးပေါင်းရင်းမြစ်များ

Aiseya 27:6

Yua nani balbia, Jekob ai wakia nani bribia, tangnika baiwbia Israel slaunhka urhwi takbia, bara tasba mawan âpu mâ nani ni banhbia.

Jan 12:24

Kasak pali yang mai wisni, plawar mâ kumi tasba ra mangkan ba pruras sa kaka, piua bani ban mâ kumi baman kabia; sakuna tasba ra mangkan ba prubia kaka lika, mâ ailal pali sakaia sip sa.

Jan 15:16

Man nani mita yang na bâk saki ai briras katma; sakuna yang mita man nani ba bâk saki mai briri, bamna man nani mahka taki wih mâ ailal sâkma ba dukiara, bara baha mâ sin ban kaia. Baku lika dîa dîa yang nini mâki Aisa ra makama ba sut maikbia.

Jan 4:36

Insla mâ kriki uplika ba ai mana brisa, bamna insla mâ wahbisa raya ban kaia ba briaia, bara baku lika mâ mangki ba bara mâ kriki ba wâlsut lilia kabia.

Apastil Nani Sturka 1:15

Baha yua nani kum ra, Pita lika wan muihni nani lilapas kat buan. Upla nani asla bâra kan ba lika 120 baku kan. Witin bila baha nani ra:

Apastil Nani Sturka 14:27

Witin nani Antíoco ra balan ba ra, serts uplika nani sut asla paiwan, bara baha nani ra win, dîa dîa Dawan bui witin nani ra daukan ba, bara nahki Gâd mita Ju apia nani ra sin yabalka ba sakan kasak lukaia dukiara.

Apastil Nani Sturka 15:12

Bamna upla nani ba sut sâp taki wali kan, bara Pal, Bernabé wal ai sturka ba mahka aisin, nahki Gâd bui witin nani bâk sain nani, wark aihka nani sin daukan ba Ju apia nani tilara.

Apastil Nani Sturka 19:21

Naha diara nani ningkara, Pal brin daukan Macedonia bara Acaya ba wih kaikaia, bara baha wina ban Jerusalem ra waia. Witin sin aisi kan, Jerusalem ra wabia ningkara, Rom ra sin waia.

Apastil Nani Sturka 21:19

Pal baha nani ra lakula daukan, ningkara diara bani Gâd bui witin bâk Ju apia nani ra daukan ba sut maisa pakan.

Apastil Nani Sturka 28:14

Bahara wan muihni tila nani wal prawri. Witin nani ai watla ra wan paiwan, bara wik kum aikuki takaskri. Baha ningkara, Rom mata yang nani impakri.

Roman 1:12

baha tânka ba lika, kasak lukan lâka yang bara man nani brisma ba ni pana pana hilp munaia.

Roman 11:25

Muihki nani, Gâd daukanka dahra prakan ra bâra ba tânka brima brin ai daukisa, man nani ba sinskira sma lukaia apia dukiara: Tila Israel luhpia nani kupia karna takan ba, Israel apia nani ba sut Gâd ra brih balaia piua kum praiska baman dukiara sa.

Roman 7:1

Bamna muihki nani, man nani Moses lâka tânka kakaira nani sma ba, pain kaikisma Moses lâka ba lika karnika brisa upla ba kau raya piua baman.

1 Korint 1:10

Muihki nani, wan Dawan Jisas Kraist nina ra man nani ra makabisni: diara nani aisisma ba mapa ra aikuki kupia kumi asla taks, bara baku mika, man nani tilamra dakwi takan lâka nani âpu kabia; sut aikuki asla pali banhwi bas, kupiam lukanka kumi brih, bara dîa daukaia lukisma ba mapa ra sin kumi kaia.

1 Korint 10:1

Muihki nani, yang want sna man nani kaiki kama, wan damika nani Moses nina bliki nani ra dîa takan ba. Witin nani ba baha kasbrikika munhtara banhwi kan, bara sut Kabu Pauni bâk dimi, lui banhwan.

1 Korint 12:1

Muihki nani, yang want sna Spirit prisantka, upla bani ra sins tânka yabi ba baha nani kakaira kama.

1 Korint 14:20

Muihki nani, tuktan sirpi nani baku luki kapara. Saura daukaia mapa ra lika tuktan nani baku bas, sakuna lukankam mapa ra lika upla almuk nani baku bas.

1 Korint 14:26

Bamna, muihki nani, tânka na naku sa: Asla takisma ba ra upla kum ba Lawana Nani Pura Sunra nani ba brisa, wala ba smalkanka nani, wala ba Gâd wina diara kum param saki marikan ba, wala ba bîla tringsar nani ra sturi yamni kum, bara wala lika aisi smalkan nani na tânka param aisaia. Âu, diara bani ra serts uplika nani ba, spirit mapa ra yaka pâwaia dukiara kaia sa.

1 Korint 9:2

Ban kra upla wala nani mita apastil kum baku pain ai kulkbia apia; sakuna man nani lika pain ai kulkaia sma, kan Dawan ra lalukra nani ba sika kaikisa kasak pali yang na apastil sna.

2 Korint 1:8

Muihki nani, brinki sa man nani kaiki kama, nahki pât nani Asia ra yang wauhri ba. Baha lika trabil tara pali kan, wan karnika âpu praiska wan daukan kan, bara ban sin yang nani lukri, yang nani ba raya kamna apia.

2 Korint 2:14

¡Sakuna Gâd ra tingki kabia! Kan witin mita Kraist Jisas ra wan praki yawan na pura lalura nani wan daukisa, bara yawan bâk sin ai smalkanka ba latan marikisa, bara baha ba kîa damni pain kum baku tasba aiska ra kiawalisa.

Galesha 3:15

Muihki nani, yang mai aisisni sampla kum baku: Upla kum upla wala wal lâ kum dauki swin ba, upla kumi sin âpu sa baha lâka krikaia, apia kaka kau pura prakaia.

Galesha 6:18

Bamna muihki nani, wan Dawan Jisas Kraist ba man nani sut ra yamni mai munbia. Baku kabia.

Pilipai 1:22

Sakuna yang kau wîni ra raya sna na ra, Kraist yamnika tâwan wark daukaia sip sna kaka, ani ba briaia sna sapa yang kaikras.

Pilipai 4:17

Yang diara briaia baman lukisna dukiara lika apia; yang want sna ba lika man nani briaia sma ba kau pura lui bri kama Gâd mawanra.

Kolosi 1:10

Makabi banhwisna man nani ba Dawan uplika nani baku tânkam pain brih dîa dîa daukaia sma ba dauki kama, piua bani witin pain kaiki dukia nani baman sin dauki kama, wark painkira nani wina mâ saki kama, bara baku mika sip kama Gâd tânka kau pain kaikaia.

Kolosi 1:6

Man nani ra mai smalkan sturka yamni na, tasba pîska bani ra pâwi ai mâ sin pain sakisa, sim man nani tilamra takan ba baku, Gâd latwan tânka aisin walram ba wina, bara tânka briram naha latwanka lâka na kasak pali sa.

1 Tesalonaika 2:18

Yang nani waia munri; yang Pal, aima manis waia want kapri, sakuna aima bani Sitan mita yang nani ra ai alki ai takaskan.

1 Tesalonaika 4:13

Muihki nani, yang nani want sna man nani kaiki kama pruan uplika nani ra dîa taki ba, baku man nani sari bri banhma apia, sim upla wala nani ai kanra diara bîla kaikanka âpu nani ba baku.

2 Tesalonaika 2:7

Baku bamna, saurka dahra yukukan ra ba, pat yabal ra sa; sakuna bîla kaikisa baha alki takaski bri ba tila wina sâkbia ba.

2 Timoti 4:17

Sakuna Dawan hilp ai munan bara karnika sin aikan, bamna yang sip katna swaki sakan sturka yamni aiska ba aisi smalkaia, Ju apia nani ba sut walbia. Baku sika Dawan mita layan bîla ba wina swaki ai sakan,