Roman 1:1 - DAWAN BÎLA AISKA

¹ Yang Pal, Jisas Kraist dukia dadaukra sna, Gâd ai paiwan witin ai apastil kaia bara Gâd bui witin swaki wan saki sturka ba upla nani ra smalkaia.

Roman 1:1 ပူးပေါင်းရင်းမြစ်များ

1 Kronikas 23:13

Amram luhpia nani ba Eran bara Moses kata. Gâd bui Eran ba bâk saki mangkan mana luha dukia kau sunukira yabi kaia dukiara, Dawan ra kîa yamni angki yaia, warkka daukaia bara yu bani yamni munanka nani dauki kaia, baha warkka nani dauki ban kaia kan Eran bara ai lupia nani ba aikuki.

Aiseya 49:1

Kabu un ra iwi nani sma ba, man nani laihura iwisma ba sin sut, aman yang ra wals: Dawan ai paiwan, kau yang aisubi takras kapri piua wina; kau yang yaptiki biara ra kapri nini mâkaia ba ai kupia lukra ra brin.

Jirimaya 1:5

“Man kau mamikam biara ra aimakras katma ba kaina wina pat man ba yang warkki daukaia bâk mai saki mai paiwri kan; kau mai baikras kata ba yua ba wina pat aihka mai sakri kan; tasba aiska ra waia nisan nani ra yang daihra aisaia dukiara.”

Mark 1:14

Witin nani Jan Tatahbra silak watla ra mangkan ba ningkara, Jisas Galili ra wan, Gâd wina sturi yamni win ba aisi smalkaia.

Jan 12:26

Bamna upla kumi yang duki daukaia want sa kaka, witin nini blikaia sa; bara anira sna pliska ba ra, yang duki dadaukra ba sin bâra kabia. Bamna upla kumi yang duki daukisa kaka, Aisiki mita prana daukbia.

Jan 15:15

Nanara man nani ba albiki nani mai wiras sni, kan alba ba ai dawanka dîa dauki ba kaikras. Bamna man nani ba upliki nani mai wisna, kan Aisiki dîa dîa ai win ba sut man nani ra param mamrikri bamna.

Jan 15:20

Bamna dîa mai wîri ba dukiara kupiam krauki bas: ‘Alba kumi sin âpu sa, witin ai dawanka wal kau tara ba.’ Yang pali nini bliki rau ai sauhkan sa kaka, man nani ra sin ninam bliki rau mai sauhkan kabia; bara witin nani bui yang smalkanki bîla ba alki brin kaka, man nani smalkankam bîla ba sin alki bribia.

Apastil Nani Sturka 13:9

Bamna Saulo, nina wala Pal wi ba, Spirit Holikira ni aibanhwan, bara witin mita sukia ba kat aman kaiki,

Apastil Nani Sturka 20:24

Sakuna naha diara nani na mita lika kupi ra trabil ai munras. Yang pali rayaki sin bahki kulkisni, sakuna naha baman aitani lukamna: plapaia yabalka ba tnata kat liliakira plapamna kaka, bara baha warkka Dawan Jisas mita mihti ra mangkan ba tnata kat daukamna kaka, Gâd latwanka lâka sturka painkira upla nani ra witnis aisaia ba sin.

Apastil Nani Sturka 21:40

Bara kamandanti ba mita sans yan aisaia, bara Pal mahka tips ra bûi, upla nani ra ai mihta ni sain yan sâp takaia. Upla sut sâp takan ba ra, witin Hibru bîla ra naku aisin:

Apastil Nani Sturka 22:21

Sakuna Dawan bui ai win: ‘Man mahka was, yang bui man ba laihura mai blikaisna, Ju apia nani tilara.’ ”

Apastil Nani Sturka 22:7

bara tasba kat kauhri. Ningkara, bîla baikra kum walri naku ai win: ‘Saulo, Saulo, ¿dîa kan man nini bliki rau ai sauhkisma ki?’

Apastil Nani Sturka 26:1

Bamna Agripa bila Pal ra: —Man tânkam ba dukiara nanara aisaia sip sma. Bara Pal ai mihta buki, naku aisin:

Apastil Nani Sturka 26:14

Bamna yang nani sut tasba ra kauhi banhri, bara bîla baikra kum yang ra aisi kan Hibru bîla ra: ‘Saulo, Saulo, ¿dîa kan man rau ai sauhkisma ki? Man minam pata ni silak tatwa ra pruki, wînam ra latwan yabisma.’

Apastil Nani Sturka 27:23

Naha tihmia luan ra, Gâd ra yang bui witin ra mayuni dukia daukri ba mita insal kum yang ra blikan.

Apastil Nani Sturka 9:15

Sakuna Dawan bila: “Man was, kan yang baha waitnika ba pliki sakri sa, yang dukira witnis aisaia, nisan wala nani ra bara ai kingka nani ra, bara Israel luhpia nani ra sin.

Roman 1:16

Sturi yamni smalkanka ba dukiara yang swiri lukras sna, kan baha ba Gâd karnika sa swaki sakaia ya ya kasak lukbia ba, tâura Ju nani ra, bara Ju apia nani ra sin.

Roman 1:5

Bara Jisas Kraist bâk, Gâd bui yang na witin ai apastilka baku ai blikan, witin ai nina sturka ba aisaia, nisan nani sut tilara witin ra kasak luki ai bîla wali dauki ba bâra kaia.

Roman 1:9

Bamna Gâd, yang kupi aiska ni witin warkka daukisna bara ai Luhpia sturka yamni sin aisisna ba, witin ba witnis sa nahki puri sunra bani ra man nani ra lukisna ba,

Roman 11:13

Sakuna Ju apia uplika nani sma ba ra, diara brisna mai wiaia. Gâd bui Ju apia uplika nani tilara ai blikan, bamna yang warkki ba mita diara uya pain daukisma.

Roman 15:16

Jisas Kraist dukia dadaukra baku Ju apia uplika nani tilara wark daukaia. Baha warkka ba lika Gâd sturka yamni swaki wan saki ba aisi smalkaia, Ju apia uplika nani ba Gâd ra prisant kumi baku yaka pain briaia dukiara, Spirit Holikira mita holi sakan bamna.

Roman 15:29

Man nani ra wamna ba ra, kasak daira walisna, Kraist mita yamni wan muni ba smalkanka ni ai yamnika ni aibanhbia.

Roman 16:18

kan bahmuna sât uplika nani ba wan Dawan Jisas Kraist dukia daukras sa, sakuna ai biara warkka daukisa, bara witin nani ai bîla damnika bara ai bîla ni pain aisi ba mita upla sins aitani briras nani ra kunin munisa.

Roman 16:25

Bara nanara, Gâd ra mayunpi, witinka sip pali ba man nani karnakira mai daukaia, dîa yang swaki sakan lâka bara Jisas Kraist tânka sin mai smalkisna ba baku. Naha tânka na lika Gâd kau tasba paskras kan piua wina, diara yukuki bri kata ba nanara param sakan ba sika,

1 Korint 1:1

Yang Pal, Gâd kupia lâka mita Jisas Kraist apastilka kaia ai paiwan sa. Yang bara wan muihni Sóstenes ba wal,

1 Korint 9:1

¿Yang na pri sna apia? ¿Yang na apastil sna apia? ¿Yang na Jisas wan Dawan ba kaikri apia? ¿Yang Dawan wal wark takri mâ nani ba man nani apia?

2 Korint 1:1

Yang Pal, Gâd kupia lâka ba mita Jisas Kraist apastilka kum sna, wan muihni Timoti wal, Gâd sertska Korint tawanka tara ra banhwi ba sut ra bara Acaya tasbaya aiska ra, Gâd uplika nani bâra ba sut ra sin ulbisna.

2 Korint 11:5

Bamna yang na baha apastilka tara nani wi ba wal kau mâyara sna lika daira walras sna.

2 Korint 11:7

¿Yang na saura smalkri ki, swaki sakan lâka mana âpu kira man nani ra mai smalkri bamna, bara yang baku mâyara bawri ba man nani purara mai bukaia dukiara?

2 Korint 12:11

Yang lika upla tanis kum baku diara daukri, sakuna man nani mita ai munram baku daukaia. Kan man nani lika yang painki bara yamniki aisaia sip kapram. Kan apastil tara nani man nani mita nina blikisma ba wal, yang kau mâyara apia sna, man nani diara apia ai kulkisma sakuna.

2 Korint 2:12

Bamna Troas tawanka ra Kraist sturka yamni smalkaia wari ba ra, bahara piua pain kum briri Dawan sturka smalkaia.

2 Korint 4:5

Yang nani aisi smalkisna ba, wîni tânka lika smalkras, sakuna aisi smalkisna Jisas Kraist ba Dawan sa; yang nani lika man nani dukiam dadaukra nani sna, Jisas latwanka lâka ra.

Galesha 1:1

Yang Pal, apastil kum sna, upla nani bui ai brinka kat upla kumi saki blikan ba sâtka lika apia, sakuna Jisas Kraist pali bara Gâd Aisa mita ai blikan, witinka Jisas pruan wina kli bukan ba mita.

Epesus 1:1

Yang Pal, Gâd kupia lâka ba mita Jisas Kraist apastilka kum sna, baha tânka ba lika, naha wauhkataya na ulbisna, Epesus tawanka ra Gâd uplika nani bara Kraist Jisas ra kasak luki nani ra.

Epesus 1:13

Bara man nani sin, diara kasak sturka ba walram, bara swaki mai sakan lâka smalkanka ba, bara Kraist ra kasak lukram ba ra sin, witinka ra asla mai prakan bara sîl sin mai mangkan Gâd dukia nani kaia ba mata, witin pramis aisin Spiritka Holikira ba mita.

Epesus 4:11

Bara upla nani ra prisant nani yan, tila nani apastil nani kaia, wala nani ra lika Gâd dahra aisaia, bara wala nani ra swaki sakan lâka sturka ba smalkaia, wala nani ra lika sepad nani bara smasmalkra nani kaia.

Kli Smalkanka 10:8

Baha piua wina, Dawan mita Libai kiamka ra bâk sakan Dawan lâka auhbaia watla ba brih waia, bara witin ai mawanra kaia mayuni ai nina ra yamni wiaia dukiara, naiwa yua kat ban dauki ba baku.

Pilipai 1:1

Yang nani, Pal bara Timoti wal, Jisas Kraist napakanka nani sna ba, muihni nani sut Pilipai tawanka ra iwi nani ba ra naha wauhkataya ulbisna, pura kakaira nani ra bara hilpa nani ra sin. Witin nani ba Gâd uplika, bara Jisas Kraist wal asla mai prakan banhwisma.

Pilipai 2:11

Bara upla param pali aisabia, Jisas Kraist ba Dawan sa, Gâd Aisa ra kulkanka yabaia dukiara.

Kolosi 1:1

Yang Pal, Gâd kupia lâka ba mita Jisas Kraist apastilka sna, wan muihni Timoti ba wal,

Kolosi 1:25

Yang lika nanara Gâd mita serts napakanka ai daukan sa, witin mita baha warkka daukamna wisi aikan bamna, man nani yamnikam dukiara, Gâd ai dahra smalkanka ba aiska smalkamna dukiara ai mangkan,

1 Tesalonaika 2:2

Man nani pain kaikisma, yang nani na pat kanra Pilipai tawanka ra nahki saura ai wisata bara nahki sin rau ai sauhkata ba, Tesalonaika ra balras katna ba ra. Baku ai muni banhwan, ban sakuna, Gâd mita yang nani ra hilp ai munan ai sturka yamni ba sibrin âpu mai smalki banhwamna dukiara, aiklabanka karna tilara.

1 Tesalonaika 2:8

Man nani ra uya latwan mai kaikisna ba mita, yang nani ridi kapri Gâd sturka yamni ba mai smalkaia bara rayaki nani pali sin yabaia. ¡Man nani ra uya latwan mai kaikri sa!

1 Tesalonaika 2:9

Muihki nani, man nani pain kupiam kraukisma si, nahki wark taki trabil bri banhwatna ba, yang nani rayaki hilpka bri kaia dukiara. Kakna bara tihmia wark taki banhwi katna, Gâd sturka yamni mai smalki kapri ba ra, man nani puramra wirhika kumi sin maiki banhras katna.

1 Timoti 1:1

Yang Pal, Jisas Kraist apastilka sna, Gâd wan Sasakra bara Dawan Jisas Kraist adarka mita ai blikan, witinka wina yawan wan kainara diara briaia luki ba,

1 Timoti 2:7

Naha dukiara yang na bîla twatwilkra bara apastil baku ai mangkan sa, kasak lukan lâka bara kasak tânka ba sin, Ju apia nani ra aisi smalkamna wisi. Yang diara kasak ba kat aisisna, kunin aisaras.

2 Timoti 1:11

Gâd mita ai mangkan, naha swaki sakan lâka sturka yamni na aisi smalkaia; bara apastil baku ai blikan, Ju apia nani ra smalkamna dukiara.

Taitus 1:1

Yang Pal, Gâd dukia dadaukra, Jisas Kraist apastilka sna, ba mita naha bîla ulbisna. Yang na witin mita ai blikan sa, Gâd mita bâk saki brin uplika nani kasak lukanka lâka ba hilp munaia; bara witin nani ba sin, Gâd ra luki kaia tânka kasak ba kakaira taki banhbia dukiara,

Hibru Nani 5:4

Upla kumi sin kulkan lâka mita prîs tara takras sa; sakuna, Gâd mita sika paiwi baha kulkanka lâka yabi ba, sim Eran kata ba baku.

Hibru Nani 7:26

Baku bamna, Jisas sika prîs tara yawan want kan ba. Witin ba holikira sa, pât kumi sin âpu, saurka kumi sin daukras; witin ba upla saurakira nani wina tnaya ra sakan sa, bara kasbrika purara nani purkara bukan sa.

Jems 1:1

Yang, Jems, Gâd bara Dawan Jisas Kraist dukia dadaukra, Israel kiamka 12 tasba aiska ra yakaban nani ra lakula wisna.

1 Pita 4:17

Lâ daukaia mahka tâ krikaia piua ba balan sa, bara Gâd uplika nani pali sika pas lâka daukan kabia. Bara baha ba yawan ra baku tâ krikuya kaka, ¿tnata ra Gâd sturka yamni bîla wali daukras nani ba mapara nahki kabia ki?

2 Pita 1:1

Yang Saiman, Pita, Jisas Kraist dukia dadaukrika bara apastilka sna. Naha wauhkataya man nani ra mai ulbisna, man nani kasak lukan lâka manakira ba alki bri banhram sa, yang nani brisna baku, kan wan Gâdka bara wan Sasakra Jisas Kraist ba, kasakkira sa bamna.

Judas 1:1

Yang Judas, Jisas Kraist warkka dadaukra bara Jems muihnika ba, naha wauhkataya ulbisna, Gâd Aisa mita latwan kaiki ba bara paiwan ba, baha nani Jisas Kraist mita kan kahbi brisa.

Param Marikanka 1:1

Naha sika Gâd mita Jisas Kraist ra diara nani param marikan ba, witin mita laki ai dukia dadaukra nani ra diara nani pat pali takaia ba marikbia wisi. Jisas Kraist mita ai insalka bliki baha tânka ba ai warkka dadaukra Jan ra latan marikan.

Param Marikanka 22:6

Insal ba ai win: “Naha bîla nani na kasakkira sa, bara baha kat kasak lukaia aitani sa. Bara Dawan Gâd, witinka ai prapitka nani ra ai Spiritka yabi ba, ai insalka blikan sa, ai dukia dadaukra nani ra diara pat takaia man ba marikaia.”

Param Marikanka 22:9

Sakuna witin ai win: “Man baha daukpara. Yang lika man baku Gâd dukia dadaukra kum sna, muihkam nani Gâd prapitka nani baku, naha wauhkataya ra diara nani ulban na kat bîla wali dauki nani ba wal baku sin. Gâd ra puram suni mayuns.”