Pilipai 4:5 - DAWAN BÎLA AISKA

⁵ Yarka upla sut mita man nani ba upla yamni baku mai kaikbia. Dawan ba wan lamara sa.

Pilipai 4:5 ပူးပေါင်းရင်းမြစ်များ

Matiu 6:25

“Bamna yang bui man nani ra mai wisna: Uya trabil taki luki banhpara raya kaia ba dukiara, diara piaia bara diaia sma ba, kwala dimaia sma ba. ¿Rayakam ba plun purkara kau tara apia, bara wînam tara ba sin kwala wal kau tara sa apia?

Matiu 6:34

Bamna yauhka yua ba dukiara trabil taki lukpara, kan yauhka ba piua bâra kabia trabil taki lukaia. Kan yua bani ba silp ai trabilka nani brisa.

Luk 21:34

“Bamna aman kaiki bas, tasba brinka nani ba mita, bla lâka nani mita bara naha tasba trabilka nani mita sin yarka kupiam nani ba karna takbiara, baha piua kra damra walras kaprika mai alkbiara sîa.

1 Korint 16:22

Ani uplika Dawan Jisas Kraist ra latwan kaikras kaka, witin ba lahtuban kabia. ¡Wan Dawanka, bal!

1 Korint 6:7

Kasak pali sa, man nani pana pana walkam nani aikuki unsaban brisma ba latan marikisa ba ra, aiska pali kauhram sa. ¿Kau pain kabia apia, yarka watawi mai munaia ba? ¿Kau pain kabia apia, yarka mai impliki banhbia ba?

1 Korint 8:13

Baha mita, yang plun pisna ba mita muihki ra saura daukisa kaka, yang kli pali wîna pimna apia, muihki ba saura lâka ra batakaia apia dukiara.

1 Korint 9:25

Pulanka kum ra win takaia ridi taki nani ba, dîa dîa ai wîna ra saura munaia sip dukia nani ba wina tnaya ra taukisa. Bara witin nani baku daukisa, pura luan prisantka kum pat aisawi ba briaia dukiara; sakuna yang nani lika aisawras prisantka kum briaia dukiara pât takisna.

2 Korint 10:1

Bamna yang, Pal, man nani ra mamkabisna Kraist kupia swapnika bara latwanka ba dukiara. Upla nani aisisa, yang na man nani tilamra sna ba ra lika bawikira pali sna, kuna laihura sna ba ra man nani mampara aisasara sna.

2 Tesalonaika 2:2

kupiam lukanka ba ban isi pali sins munpara, yarka sirang mai ikbiara, bîla aisin walma kra sin apia, wauhkataya yang nani mai blikri alkram kabia sin apia, baha sut mita Dawan yua ba pat balan mai wibia sin apia.

Taitus 3:2

Upla kumi nina ra sin saura aisi kabiara, sakuna kupia kumi lâka bri nani kabia bara upla wal asla uplika nani kabia, bara ai kupia swapnika ba upla sut ra latan mariki nani kabia.

Hibru Nani 10:25

Yawan asla aidrubi lâka dauki ba swiaia apia sa, upla tila nani dauki ba baku. Baku daukaia watlika ra, yawan pana pana wan walka nani aikuki wan tâ baikaia sa, bara kau pali nanara Dawan yua ba pat baila kan kaiki ba.

Hibru Nani 10:37

Kan Ulbanka ba wisa: “Kau piu wiria lupia baman, witinka balaia ba pat balbia; witin kau sin takaskbia apia.

1 Pita 1:11

Kraist Spiritka mita, patitara piua wina pât wahwaia kan ba prapit nani ra param mariki kan, bara baha ningkara prana balaia kan ba sin; bara witin nani baha uplika ba ya sapa pliki sakaia trai muni kan, bara baha Spiritka witin nani ra iwi kan ba mita piua mariki kan ba, ani sapa sin kaikaia pliki kan.

1 Pita 4:7

Diara nani sut tnata yua ba pat baila sa. Baha mita, man nani sinskam yamni brih aihwaki bas bara kasak wilin pali puram suni bas.

Param Marikanka 22:20

Naha tânka latan aisasara ba mita naku wisa: “Âu, yang aihni aulni.” Baku kabia. ¡Bal, Dawan Jisas!

Param Marikanka 22:7

Jisas bila: “¡Wals, yang aihni aulni! ¡Yamni pali sa ya naha wauhkataya ra Gâd dahra aisin nani bîla kat bîla wali dauki ba!”