Pilipai 3:9 - DAWAN BÎLA AISKA

⁹ bara witin wal asla pali kamna ba dukiara; baha ba Moses lâka kat yang rayaki wapni brisna ba dukiara lika apia, sakuna Kraist ra kasak lukisna ba tâwan, Gâd pri ai saki ai brin ba mita lika; kan Gâd lika kasak luki uplika nani ba pain brisa.

Pilipai 3:9 ပူးပေါင်းရင်းမြစ်များ

Blasi Sturka 7:23

Baku sika tasba purara rayaka bri nani kan ba, sut sauhki tikan ba: upla nani, daiwan sâtka bani, ai biara purara kwasi nani ba, bara tnawira nani pâli ba sut, tasba wina baha nani âpu daukan. Bara Noa baman takaskan, daiwan nani witin wal ark watla ra diman kan nani ba sin takaskan.

1 King Nani 8:46

“Ban kra mampara saurka daukbia kaka, upla kumi sin âpu sa saura daukras ba, bara man bui witin nani ra kupiam sauhki, ai waihla nani mihta ra mangkma kaka, witin nani ba alki priski brih wabia, waihla tasbaya ra, laihura kra, apia lamara kra,

2 Kronikas 32:25

Ban sakuna, Ezequías yamnika nani uya brin ba tingki lâka âpu, bara ai kulkanka ni aibanhwan kan, baha mita Dawan ba kasak ai kupia sauhkan witin ra, Juda ra bara Jerusalem uplika nani ra sin.

2 Kronikas 32:31

Baku takan kata Babilon ra sin, baha nani ai tâ uplika nani blikan wan ba piua ra, bara sin bal win kan nahki sain aihka tara kum takan ba baha tawanka ra. Bara Dawan bui Ezequías ra yakan swin, witin ai kupia mununhta ba kaikaia bara dîa luki ba sin kaikbia dukiara.

Lawana Nani 14:3

Sakuna witin nani sut yabal saura ra man wan, witin nani sin sut aikuki baku warha takan. ¡Yamni dauki ba kumi sin âpu! ¡Âpu, kumi sin âpu!

Lawana Nani 143:2

Man nampakan ra diara walaia paiwpara, kan man mamwanra upla kumi sin pâtkas ba âpu sa.

Lawana Nani 19:12

¿Ya witin ai swakwanka nani tânka briaia sip sa? ¡Yukuwan ra daukri pâtki nani daira walras sna ba, baha wina man klir ai sâks!

Smasmalkra 7:20

Ban sakuna tasba ra upla wapnikira kumi sin âpu sa, diara yamni baman piu sut ra dauki ba, bara aima kumi sin saura daukras ba.

Aiseya 46:13

Yang daukisna swaki sakanka warkka brisna ba lamara balbia; yang swaki sakangki ba takaskras aula, laihura apia sa. Saion ra swaki sakan lâka yabamni bâra sa, bara yang praina ba Israel ra sa.

Aiseya 53:11

Ai sulka sari, pât ailal brin ba ningkara, ingni ba kaikbia, bara ai âuyapah takbia; Dawan napakan kasakkira ba, upla ailal ra kasakkira kulkbia bara sin pri sâkbia, bara ai watawanka nani ba twilki brih wabia.

Aiseya 53:6

Yawan nani sut, sîp baku wan mawahkan, kumi bani ai yabalka ra tawi wan; sakuna Dawan ba, yawan nani sut wan saurka ba, witin ai purara sunan.

Aiseya 6:5

Bara yang wîri: “¡Alakai yang umpira, yang pruamna! Yang na upla kum uni nani tâski, upla una tâski nani tilara iwisna; bara yang naikra nani karnika sut bri, Dawanka ba kaikri bamna.”

Jirimaya 23:6

Witin king aimaki kabia ba piua ra Juda ba pri sakan kabia, Israel sin pri sakan iwi kabia. Bara nina ba witin nani naku mâki kabia: ‘Dawan ba mita sika yawan ra pura lui wanki ba.’ ”

Jirimaya 33:16

Baha piua ra Juda bara Jerusalem sin pât nani âpu pri sakan iwi kabia. Nina ba sin naku mâki kabia: ‘Yawan pura lui ba Dawan hilpka mita sika.’

Daniel 9:24

‘Wik nani 70 ba, man uplikam nani bara tawankam holikira ba purak luaia sa, watawika lâka bara saurka lâka wal ba tnata alkan kabia dukiara, saurka ban swin tikaia lâka ba alkaia, bara kasakka lâka ba ban kaia ra bapan kaia, baku mika diara aihka kaikan lâka bara dahra aisinka ba sut tnata alkan kabia dukiara.

Matiu 9:13

Man nani was, bara Ulbanka ra naha tânka na lan taks: ‘Yang want sna man nani uplikam ra umpira kaikma, daiwan nani sakripais daukanka ba lika apia.’ Kan yang lika upla kasakkira nani ba paiwaia balras, sakuna saura dadaukra nani lika.

Roman 1:17

Naha smalkanka na wan marikisa, nahki natka ra mita Gâd wan pâtka ba wina pri wan sakisa, baha lika kasak lukan lâka bara kasak lukan lâka baman pali sa. Ulbanka ra aisi ba baku: “Kasakkira ba kasak luki ba mita raya kabia.”

Roman 10:10

Bamna wan kupia ni kasak lukisa Gâd mita kasakkira wan kulkaia, bara wan bîla ni Jisas Kraist ba kakaira sa tânka ba param aisisa, swaki wan sakaia.

Roman 16:7

Lakula wis yang kuntriki wina ba Andrónico bara Junias ra sin, witin nani wâl sika yang silak ra ai mangkan, bara witin nani pas sika yang kainira Kraist ra kasak lukan, bara apastil nani tilara tara pali kulkan sa bamna.

Roman 5:21

Naha na baku takan, saurka ba prura bri balaia karnika bri kan ba baku, Gâd kupia yamnika ba mita yawan na Gâd mawanra kasakkira wan kulkaia karnika bri kaia bara raya ban kaia lâka ba wankaia, wan Dawan Jisas Kraist bâk.

Roman 8:1

Baku bamna, nanara lika Kraist Jisas wal asla takan nani ba pât dingkaia ba âpu sa.

Roman 8:3

Kan Moses lâka mita sip daukras pali kan ba Gâd mita daukan sa, Moses lâka ba karnika âpu kan wan wîna tara swapni ba hilp munaia; baha mita Gâd ai Luhpia pali ba blikan yawan saurakira nani na wan talia ba kat, saurka sakripaiska baku, bara baha sin wîna tara natka ba kat saurka ba pât ra dingkan.

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

2 Korint 5:17

Baku bamna, ya Kraist wal asla takan sa kaka, witin lika upla raya kumi sa; diara almuk nani ba lui wan sa, bara nanara diara raya baman takan sa.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Galesha 2:16

Ban sakuna, yawan pain kaiki, Moses lâka wan wi ba kat dauki mita baman Gâd mawanra sip kasakkira wan kulkras sa, Jisas Kraist ra kasak luki ba mita lika. Baha mita, yang nani sin Jisas Kraist ra kasak luki banhri, naha kasak lukan lâka mita kasakkira ai kulkan kaia dukiara, lâ mita dîa ai wi ba kat dauki banhri ba mita lika apia. Kan lâ bîla wali dauki ba dukiara baman upla kumi sin, Gâd mawanra kasakkira kulkan kabia apia.

Kli Smalkanka 27:26

‘Naha lâka nani ya kulkras kabia ba, lahtuban kabia, trai kaikras kabia sin.’ Bara upla sut wibia: ‘Baku kabia.’

Pilipai 3:6

karna mamunra pali kapri bamna, serts uplika nani nina bliki rausauhki katna. Moses lâka bîla kat alki wan rayaka wapni bri kaia ba mapara, yang lika pât kumi sin âpu kapri.

2 Timoti 1:9

Gâd mita swaki wan saki wan paiwan sa, witin uplika nani pali takbia dukiara, yawan dîa daukan ba mita lika apia, sakuna witin baku pali want kan bamna, bara yawan Jisas Kraist wal asla ba mita latwan wan kaikan bamna. Kau tasba paskras kan wina, Gâd mita latwan wan kaikan,

Taitus 3:5

witin swaki wan sakan. Baha ba lika yawan mita diara pain nani kra daukan tâwan lika apia, sakuna umpira wan kaikan ba mita. Sikbi wan sakan bâk witin mita swaki wan sakan, bara baha tânka ba lika, yawan na kli aisubi takan, bara Spirit Holikira mita rayaka raya wankan ba bâk sin.

Hibru Nani 6:18

Baku bamna, diara wâl bâra sa sip lakras pali, bara baha dukiara Gâd sip kunin aisaras sa. Bara baku yawan lika Gâd hilpka pliki pain trabil âpu nani, bara wan kainara diara briaia lâka wankan ba kat alki bri banhwi ba ra sin, witin mita maisa nihkra tara kum wankisa.

Jems 3:2

Yawan sut watawi uya daukisa; bara ya ai bîla aisi ba wal watawi kumi sin daukras kaka, baha ba upla wapni sa; witin ai wîna tara aiska ra sin alki takaskaia sip sa.

2 Pita 1:1

Yang Saiman, Pita, Jisas Kraist dukia dadaukrika bara apastilka sna. Naha wauhkataya man nani ra mai ulbisna, man nani kasak lukan lâka manakira ba alki bri banhram sa, yang nani brisna baku, kan wan Gâdka bara wan Sasakra Jisas Kraist ba, kasakkira sa bamna.

1 Jan 3:4

Sakuna ani uplika saura dauki ba, witin lika Gâd lâka ba sauhkisa, kan saura daukaia ba lika lâ krikaia lâka sa.