Pilipai 3:7 - DAWAN BÎLA AISKA

⁷ Sakuna naha dukia nani sut pas piua maipara uya yamni kan ba, nanara Kraist tâwan baha sut diara bahki atia kulkisni.

Pilipai 3:7 ပူးပေါင်းရင်းမြစ်များ

Blasi Sturka 19:17

Pat latara sakan kan ba ra, insalka kum bui witin nani ra win: —¡Rayakam ba swaki sakaia dukiara plaps! Sakuna ninamra tawi kaikpara, il bîla nani ra dimi sin takaskpara. Il tara nani tila bâk plapi was, rayakam swaki sakaia mata.

Blasi Sturka 19:26

Bara Lot maya, ai maya waitna nina bliki auya kan ba wina, witin ai ninara tawi kaikan, bara baha kat witin sâl walpaya takan.

Job 2:4

Sakuna dahra kwakwahkra ba pana Dawan ra win: —Ani piua upla kumi taya ra pan kangbras sma kaka, diara sut ba aitani sa, uplika ba wilin pali sa dîa sip ba kat daukaia, ai rayaka swaki sakaia mata.

Sins Lâka 13:8

Upla ai yuyaka ailal bri ba baha wal ai rayaka swaki sakisa, sakuna diara âpu uplika lika saura munaia aisi ba walras.

Sins Lâka 23:23

Kasak tânka ba bara sins lâka ba atki bris, smalkanka bara diara tânka alkaia ba, ¡atkrika wabiara!

Smasmalkra 3:6

Trai muni daukaia piua bâra sa, daukras kaia piua bâra sa. Suni briaia piua bâra sa, lulkaia piua sin bâra sa.

Matiu 16:26

¿Bamna upla mapara dîa hilp kabia ki tasba aiska na bribia, sakuna ai sulka ba tikbia kaka? ¿Upla ba ai sulka mana nahki aibapaia sip sa ki?

Mark 10:50

Bara ai kwalka lulki, pâli tit bûi, Jisas lamara balan.

Luk 14:26

“Upla kumi yang ra aula, sakuna witin ai aisika, ai yaptika, ai maya, ai luhpia nani, ai muihni nani, ai lakra nani bara ai rayaka ba sin bahki kulkras kaka, witin sip yang disaipilki kabia apia.

Luk 14:33

Baku sin, ya man nani tilam wina witin dîa bri ba sut swiras kaka, yang disaipilki kaia sip apia sa.

Luk 16:8

Bamna dawanka ba wark uplika watawikira ba âuya mâira pali diara nani daukan ba kaikan, witin ra mayunan. Kan tasba uplika nani ba ridi banhwisa pana pana ai bisniska nani ba pain daukaia, sakuna ingni uplika nani lika baku apia.

Apastil Nani Sturka 27:38

Witin nani ai biara banhki plun pin ningkara, duri tara ba ingni daukaia dukiara plawar ba sut liura baman lulkan duri ba ingni kaia wisi.

Hibru Nani 11:26

Witin Kraist tâwan bahki kulkan kaia pâtka wahwaia bani ai wîna ba kau yuyakira kulki kan, Idsip yuyaka aiska bri kaia ba wal; kan Gâd mita mana tara yabaia kan ba kat ai nakra kahbi bri kata.