Pilipai 3:20 - DAWAN BÎLA AISKA

²⁰ Sakuna yawan na kasbrika purara ba suliarka nani sika, bara kasbrika purara ba wina Sasakra ba balbia bîla kaikisa, baha ba lika Dawan Jisas Kraist.

Pilipai 3:20 ပူးပေါင်းရင်းမြစ်များ

Lawana Nani 16:11

Raya kaia yabalka man mairikma. Man lamamra lilia tara bâra sa; man mihtam aihkika ra lilia pain nani ban kaia ra bâra sa.

Lawana Nani 17:15

Sakuna yang, kasak pali kupi kumi takaskamni, man mamwan kat mai kaikaia mamwanra, rawi buamna bara ai kaikaia.

Sins Lâka 15:24

Tânkira muni uplika mapara, raya kaia yabalka bîla ba, pura tani auya; bara pri sakisa sinskira nani ra, raiti bilara iwi waia ba wina.

Matiu 19:21

Jisas pana witin ra win: —Man kasak pali takan mai daukisa kaka, was bara dîa dîa brisma ba atki upla umpira nani ra yas, bara baku lika kasbrika purara yuya nani bri kama; baha ningkara bal, bara nini blîks.

Luk 12:21

Upla ra baku takisa, ya ai wîna dukiara baman luki diara suni ba ra, sakuna Gâd mawanra diara âpu pali ba.”

Luk 14:14

baku bamna yamni pali kama, kan witin nani sip mamna maikbia apia; bamna upla kasakkira nani pruan wina bubia ba ra, mamna bri kama.

Apastil Nani Sturka 1:11

Baha nani bila: —Galili waitnika nani, ¿dîa kan man nani kasbrika purara kat ban kaikisma? Baha Jisaska man nani tilam wina kasbrika purara uli wan kaikram ba, baha natka kat witin kli balbia.

1 Korint 1:7

Baku mika, man nani ba wan Dawan Jisas Kraist latan bal takaia yua nani ba bîla kaikisma ba ra, Gâd mita yabi dukia nani ba luha apia sma.

1 Korint 15:48

Tasba uplika nani ba lika baha uplika tasba ni paskan kata ba baku sa; bara kasbrika pura uplika nani ba lika witinka kasbrika purara wina ba wal baku.

2 Korint 4:18

Bamna wan nakra kaiki diara bâra ba kaikras sa, sakuna sip kaikras dukia ba ra kaikisa; kan diara nani yawan kaiki ba lika ban kaia dukia apia sa, kuna sip kaikras dukia ba lika ban kaia ra ban sa.

2 Korint 5:8

Wan kupia ra aitani kat mangki luki banhwisa, bara kau ni brin wan daukisa, naha wîna tara lâka ra iwisna na mahka swi si, Dawan lamara wih iwaia.

Galesha 4:26

Sakuna kasbrika purara Jerusalemka ba lika pri sa, bara yawan lika baha luhpia nani sa.

Epesus 2:19

Baha mita, man nani lika upla tringsar nani ai tasbaya pali ra iwras ba sâtka lika apia, sakuna man nani sut lika Gâd uplika nani wal aikuki sim kuntrika uplika nani sma. Man nani ba Gâd watla suliarka nani sma.

Epesus 2:6

Bamna Gâd mita, Kraist Jisas wal asla pruan wina wan buki, witin ai tnaya ra Jisas wal wankan iwaia.

Pilipai 1:10

baku bamna diara yamni ba pliki sâkma diara sut ra. Rayakam sunu bri kama, bara Kraist balbia ba ra, man nani mampara kaia dukia kumi sin âpu kabia.

Pilipai 1:27

Man nani rayakam ba Kraist sturka yamni ba kat bri bas. Baha mita, man nani ra mai kaikaia wamna, apia kaka laihura kamna kra, man nani sturkam walaia want sna, man nani ba sip pali sma, bara asla pali, bakahnu sin sturi yamni wina kasak lukan lâka ba kat alki bri kama.

Kolosi 1:5

latwan lâka kum, bîla kaikanka yamni man ra maikaia ridi dauki swin sa kasbrika purara ba baku. Man nani naha bîla kaikanka briram, smalkanka kasak pali ba walram bamna, swak sakan sturka yamni ba.

1 Tesalonaika 1:10

Bara baha nani sin aisisa, nahki man nani lika Gâd Luhpia Jisas kasbrika pura wina balbia ba bîla kaikisma ba, witinka ba sika Gâd mita pruan nani tila wina kli bukan ba. Witin mita sika pât saura aula ba wina swaki wan saki ba.

1 Tesalonaika 4:16

Kan Dawan pali ba sika bîla baikra karnakira ba wal kasbrika pura ba wina bal iwbia arkinsal bîla baikra wal bara Gâd trumpitka wal sin. Bâra mika, Kraist ra kasak luki pruan nani ba, pas tâura bubia;

2 Timoti 4:8

Bara nanara lika kasakka lâka prisantka ba, yang duki wisi sunan sa; bara baha ba Dawan mita, witinka lâ wihta kasakkira ba, baha yua ra aikbia. Bara yang ra baman lika aikbia apia, sakuna ani uplika nani latwan lâka wal witin balaia ba bîla kaiki nani ra sin.

Taitus 2:13

Baha mita sin wan smalkisa, baha yua holikira pramis wan munan ba, yawan bîla kaiki kabia; bara baha sika wan Gâdka tara bara wan Sasakra, Jisas Kraist prana ba latan takbia ba ra.

Hibru Nani 12:22

Sakuna, man nani lika Saion ilka ra bara Gâd rayakira tawanka ba lama kat sin balram sa, tânka ba lika, kasbrika purara Jerusalemka ra, bahara insal nani tausin ailal ba ra sin.

Hibru Nani 9:28

Baku sin, Kraist ba aima kumi baman sakripais dauki yan kata, upla ailal saurka nani brih sakaia dukiara. Bara witin kli aima wala bal latan takbia, saurka nani brih sakaia dukiara lika apia, sakuna ai bîla kaiki uplika nani ra swaki sakaia.

Param Marikanka 1:7

¡Kraist ba kasbrika nani tilara balbia! Upla sut mita witin ba kaikbia, ai wîna tara dus prihni ra saban uplika nani sin. Tasba aiska uplika nani witin kaiki sari bri inbia. Âu, baku kabia.