Pilipai 3:19 - DAWAN BÎLA AISKA

¹⁹ piua tnata ra, naha nani sut sauhki tikan kabia. Witin nani gâdka lika ai wîna brinka nani, bara ai swira briaia dukia nani ba watlika ra, kalwi banhwisa. Witin nani ba naha tasba dukia nani ra baman lukisa.

Pilipai 3:19 ပူးပေါင်းရင်းမြစ်များ

Lawana Nani 17:14

man karnikam ni, Dawan, witin nani mihta wina swaki ai sâks, ¡baha nani ba naha tasba wina saki lulks, man dukiam kukanka naha rayaka ra bâra ba! Swis witin nani ba yuyakira takbia, luhpia nani ba baiwaia praiska kat plun pibia, bara diara kau swibia ai mula nani lahma.

Lawana Nani 52:1

Karnakira nani sma ba, ¿dîa kan man nani watawi daukisma ba dukiara aimayunisma? ¡Dawan latwanka lâka ba lika, ban kaia ra ban bâra sa!

Jirimaya 44:17

Sakuna yang nani dîa daukaia lukri ba baha ban dauki kamna, yang nani gâdki Kwin Kasbrika Purara bara witin ra kîa pain sakripaiska dauki wain sin bri sal yabamna, yang nani kainara dauki kapri ba baku nanara sin dauki kamna, damiki nani, king nani bara wihta nani Juda tawanka nani ra Jerusalem yabal ra sin dauki kan ba baku. Blasi yang nani plun ailal bri katna, diara sut yamni kan yang nani ra pât balras kan;

Isikiel 13:19

Man nani, barli mâ mihtam banhki bri bara brit pîs ba wal, upliki nani mawanra swiri paskisma; upla nani pruaia apia kata ba ikisma, bara raya kaia apia pruaia kata ba baha lika swiram raya sa. Baku upliki nani ra kunin munisma, kunin lâka ra kasak luki nani ba.

Isikiel 34:3

Man nani tialka laya disma, taya ba wal dimaikam daukisma, bara ikisma sîp kau batana nani ba, kuna sîp nani ba lika main kaikras.

Oseas 4:7

“Prîs nani kau ailal takan ba ra, saurka lâka sin kau ailal maipara daukan; baha mita witin nani ra yamni kulkaia lâka ba, swira daukaia lâka ra lakamna.

Miqueas 3:11

Lâ wihtka nani ra, lalah aibapi ai lâka pliki ba baman ra raitka yabisa, tawan wihtka nani ba, prîs nani ba sin, ai mana briaia dukiara baman smalkisa, bara prapit nani ba lalah mana baman dahra aisisa, ai raitka briaia dukiara blahwi aisisa, Dawan bui witin ra ai tâ baikisa, bara naku wisa: “Diara saura yawan ra balbia apia, kan Dawan yawan wal sa.”

Miqueas 3:5

Yang tawanki uplika nani ba lika, yabal saura bara tiwan bâk impakisa, prapit kunin muni ba tâka mita. Baha nani ya bui plun yabi nani ra, kupia kumi lâka dukiara aisi wisa; sakuna war aiklabaia lâka bukisa, baha nani bui witin ra plun yabras ba mapara. Dawan ba mita baha prapitka nani ra wisa.

Malaquía 1:12

Sakuna man nani lika kupi baikisma, lukisma altarki, yang tibilki ba bahki kulkaia sip sa, plun nani baha purara kahban ba sin bahki kulki kaia.

Matiu 16:23

Sakuna Jisas kir tawi, Pita ra win: —¡Sitan, yang wina taki was, kan yang maipara mini batakaika pali sma! Man ba upla nani baku lukisma, Gâd luki baku lika apia.

Matiu 25:41

“Bamna king ba mita ai smihka ra nani ba ra wibia: ‘Yang wina taki was, mai lahtuban nani sma ba; ban kaia ra pauta lakni dibil ai insalka nani wal dukia wisi ridi daukan ba ra man nani was.

Luk 12:19

Baku bamna, yang kupi ra wimna: Upliki, diara manis pali suni swiram sa mani ailal praiska; bamna ris pain bris, plun pis, diara dis bara liliam bas.’

Luk 16:19

“Yuyakira waitna kum bâra kan, witin kwala painkira nani baman dimi kan, bara yu bani lilia dauki, ai prana ra iwi kata.

Luk 18:4

Wihta na piu wihka pali, piarka mairin lâka ba wapni dauki yaia want apia kan. Kuna ningkara lukan: ‘Yang lika Gâd ra sibrin lukras, upla ra sin kulkras,

Roman 16:18

kan bahmuna sât uplika nani ba wan Dawan Jisas Kraist dukia daukras sa, sakuna ai biara warkka daukisa, bara witin nani ai bîla damnika bara ai bîla ni pain aisi ba mita upla sins aitani briras nani ra kunin munisa.

Roman 6:21

bara nanara baha dukia nani tâwan swiram mai dauki ba wina, ¿dîa pain sakatma ki? Baha ba prura mata baman mai brih auya kan.

1 Korint 3:3

man nani ba naha tasba uplika nani baku, kau ban raya iwisma ba mita! Man nani tilamra tuman lâka bâra sa, bara pana pana walkam nani aikuki sin unsabi dakwi takisma kaka, tasba uplika nani sma, bara upla sut dauki dukia nani ba kau daukisma.

1 Korint 5:2

¡Baku kan, man nani lika yamni daukram luki banhwisma! ¡Kau ni sari pali banhwi kaia kapram! Ani waitna nahmuna dukia daukan ba, man nani tilam wina kangbi sakan kaia sa.

1 Korint 5:6

Man nani diara daukisma na kalwi banhwaia apia sma. Sturi aisinka kum naku wi ba man nani kaikisma: “Îs wiria baman plawar akban aiska ba yan puskisa.”

2 Korint 11:12

Ban sakuna dîa daukisna ba lika ban dauki kamna, bara baku lika sip kamna, yang nani wal baku kaia pliki nani ba, kaina dakbaia bara witin nani aimayunra briaia apia.

2 Korint 11:15

bara baha mita Sitan dukia dadaukra nani ba sin diara pain dauki uplika talia takisa. Sakuna baha nani yua tnata ba alkbia ai warkka nani ba kat.

Galesha 6:13

Bamna Aisa sainka mangki nani ba sin, lâ aiska ba sip kulkras sa. Kuna want sa man nani ba Aisa sainka mangkma, bara witin nani aimayunaia nahki man nani ra priski mai munan, baha markka lupia wînam ra mangki briaia.

Pilipai 2:21

Upla wala nani lika, witin pain kaia baman plikisa, bara Kraist Jisas dukia nani ba lika ai kupia lukras.

Kolosi 3:2

Kasbrika purara diara nani bâra ba luki bas, kuna tasba ra diara nani ba lika apia.

2 Tesalonaika 1:9

Naha nani ba, ban kaia ra sauhki tikan pâtka wal klala yan kabia; bara Dawan mawan wina, ai prana wina bara ai karnika wina sin, laihura saki lulkan kabia,

2 Tesalonaika 2:12

Naha tâka mita, ya ya kasak tânka ra uya lukras, sakuna saurka lâka ra kau lihki kan nani ba, pât ra lulkan kabia.

2 Tesalonaika 2:8

Bâra mika, baha saurakira ba bal takbia ba ra, Dawan Jisas mita ai bîla wingka puhbanka ni ikbia, bara witin aula ingnika ba wal sauhki tikbia.

1 Timoti 6:5

upla nani sinska aihka takan ba tilara sin blahwan bahki nani baman takisa, bara witin nani ba kasak tânka ba kakaira apia sa. Witin nani lukisa, Gâd ra luki kaia lâka ba bâk yuyakira nani takaia sip sa.

2 Timoti 3:4

Upla nani ra kunin muni pât ra dingki kabia, ai kupia lukras diara dauki kabia, prautkira nani kabia; Gâd ra plikaia ba watlika ra, ai wîna brinka nani pliki kabia.

Jems 4:16

Sakuna man nani uya mamyuni aisisma; bara naha pura luaia lukanka na sika saura.

2 Pita 2:1

Bamna Israel nisanka tilara, gâd prapitka kuninkira nani sin bâra kan; baku sin man nani tilamra smasmalkra kuninkira nani bâra kabia. Witin nani ai lukanka ra wan sauhki nani ba, yukuwan lâka ra wan smalkbia, bara witin nani ra swaki sakata Dawanka pali ra sin kulkaia apia wibia; naha na lika witin nani ra pat pali âpu daukaia tânka sa.

2 Pita 2:13

bara pât wahwi kabia upla wala nani ra yan pât wahwan ba mana. Witin nani lika lilia sa lukisa, minitka ra dukiara dîa dîa dauki ba mita; baha ba swira lâka bara mina prukaia lâka kum sa, ani piua pata tara ra witin nani ba man nani wal asla iwi pi piua ra, ai tânka kuninkira nani wal lilia taki ba ra sin.

2 Pita 2:3

Lalah ra uya want ba mita, kunin smalkanka ni kasak pali mai smalkbia; kuna witin nani ra pât ra lulki swiaia ba lika ai bîla kaikisa, kan witin nani ba pat piua wihka luan wina pât ra lakan sa bamna.

Judas 1:10

Sakuna naha uplika nani lika witin nani ai nakra kaikras ba dukiara saura aisisa; ai sinska ni dukia tânka pliki kaiki ba lika sim daiwan nani ai sinska âpu ni kaiki ba baku sa, bamna dukia nani yus muni ba lika, witin nani yakan âpu takaia dukiara sa.

Judas 1:16

Naha nani sika brukwi aisasara bara diara sut ba saura baman sa aisi nani ba, witin nani ai âuyapah kaia dukia nani baman pliki taukisa; praut bîla nani sin aisisa, hilp briaia dukiara upla nani painka baman aisisa.

Judas 1:4

Bamna upla tila nani, kunin lâka ni tilara diman sa. Baha nani ulbanka ra pat maisa pakan sa, pât ban kaia ba ai dukia bribia. Baha nani lika upla saura nani sa, witin nani lika Gâd umpira kaikanka lâka ba brih, kunin lâka ra laki wan Dawanka kumi ba, Jisas Kraist ra kulkaia apia wisa.

Param Marikanka 18:7

Witin ai wîna ra aimayuni ai liliaka tanis brin ba baku, sim daukan ba mana kat yas, witin ra latwan bara rausauhkan sin yas. Kan witin ai kupia ra wisa: ‘Yang lika nahara kwin mairin baku iwisna; piarka apia sni, latwan sin wahwamna apia.’

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”

Param Marikanka 22:15

Sakuna tawanka latara takaskbia nani ba naha nani sika: kasak lukras nani ba, sukia warkka dauki nani ba, tâski lâka dauki nani ba, upla âikra nani ba, aidul nani ra ai pura suni mayuni bara baha ra latwan kaiki nani ba sut, kunin lâka dauki nani ba sin.

1 Samuil 2:29

¿Dîa muni baha sakripaiska nani prisantka daukaia yang lâ mangkri ba bahki kulkisma? ¿Dîa muni man luhpiam nani ba kau tara kulkisma bara yang ra lika baku apia, Israel luhpia nani yang upliki nani ba prisantka wina kau pain ba pih batanwisma?’